LEVI 1:4 - DAÜLANGPÜ LAIHING (BSI)

⁴ Büpai jakei shuohhen yemhalei shangjing kü büpalei laki dükhütuh, hatü hapayü büpalei mang tükhen shingvaishi hapa jakpü moila yahhen.

LEVI 1:4 Iomraidhean Croise

MÜLANGPÜ 28:38

Hapayü Aaronei shangba shangkü nyuhen, shejüang nanglakthüi moila koshingkü thahpü mang hanei nyulangmao Israel ami ngei kü shuohpü moila peü ngei, Shembüpai yahhen.

MÜLANGPÜ 29:10

Nüngi mohohbaong ashakshem shemshelei deikei. Aaron hatü chehathüi mohoh shangjing kü laki dükhütuh,

MÜLANGPÜ 29:15

Nüngi mi nyi khongkü hük yahtuh, hatü Aaron hatü chehathüi mi shangjing kü laki dükhütuh,

MÜLANGPÜ 29:19

Nüngi hükpa mi yahtuh; Aaron hatü chehathüi mi shangjing kü jomei laki dükhütuh,

MÜLANGPÜ 29:33

Jomei mang tükhen hatü jom daühüpü hahying jom moni hahhen, shejao lebü üpaiyao ha nehahhen; mehenangkü hapayü daülangpü nyüke.

ISAIAH 56:7

Hathü peü ngelei daülangpü Zion Kahshangei anhen, hatü ngelei phoppü shemei jom kü mongong shuohhen. Ngelei moidülei jomi shuohpü moila peü ngei yahhen; Mehenangkü ngelei shemü hangkuli peü shingvaishi phoppü shem shei nyükhen.

EZEKIEL 45:15

Israel kahdok kü mi kho nyi khong ieyei kübü mi hük moila shuohtuh. Hapayü hahying moila, jakpü moila hatü mongjempü moila ammei mang tükhen shingvaishi shuohpü moila shei Shembüpa Kahvangi enyüke.

DANIEL 9:24

Hapta pejempüanü nüngei nanglakthü hatü ammei chingnyü mang dükpü kübü dohdaihen, mang mahtükmentükhen, mang yaktükhen hatü nedohnetenpü daülangshemshepü hatü shahhing koei peihen, manghkhang hatü thihivam shah dhaümhen hatü daülangpü Phopshem thiteiphuei daühen shingvaishi epü khih.

LEVI 16:21

hatü Aaroni yum shangjing kü büpalei lak nyipheni dükhen, hatü hapa kü Israel nanglakthülei mang, jom pungpüshaipü, jomi khüei yaongpü lemphü mang yum shangjing kü kohühen hatü hapa dükhen shingvaishi jepü shennyaki müei hapa yum jahpanei deitükhen.

LEVI 16:24

Büpai daülangpü shingei hangha lakhen, hatü büpai düngei owteipü ow owhen, hatü büpa vamei büpa hatü nanglakthülei mang tükhen shingvaishi jakpü moila shuohhen.

LEVI 22:21

Mechem shennyak hanei-i vangpü kü jiühüei mongongpü moila mohoh nevaijü mi Shembüpa kü mongjempü moila shuohhenshang, hapayü yah-aokhen mü kawhikang nevaijü eela neshiüpü shuohhen vongbong.

LEVI 22:27

“Mechem mohoh, mi nevaijü yum cheha shaanhenshang, hapa nyih nyet thahshi chenyü mü anghen. Nyih shetpabü kü pangei Shembüpa kü aw kü jakpü moila vaishi yah-aokhen.

LEVI 3:13

hatü büpai hapa moilapü yum shangjing kü laki düktü ashakshem shemshelei jütuh, hatü Aaronei chehathüi hapalei iy yah-ei moidü shinei haihütuh,

LEVI 3:2

Moila shuohbüi hapa moilapü yemhalei shangjing kü büpalei laki düktü ashakshem shadenei jütuh, hatü Aaronei hapeü ngongpathüi hapalei iy yah-ei moidü shinei haihütuh.

LEVI 3:8

Büpai hapa moilapü milei shangjing kü laki düktü ashakshemei jütuh, hatü Aaronei chehathüi hapalei iy yah-ei moidü shinei haihütuh.

LEVI 4:15

Khong kü behethüi hapa mang moila shuohpü mohohlei shangjing kü jomei laki düktü Shembüpa tou kü ha jühen,

LEVI 4:20

hatü büpai mang moila shuohpü mohoh kü nemnopükei büpai hapa mohoh-ao nemnohen. Hapa keiha ngongpai jomei mang shingvaishi moila shuohhen, hatü jomei mang tüktükhen,

LEVI 4:24

Büpai yum chebaongei shangjing kü büpalei laki dükhen hatü Shembüpa kü metouei jakpü moila jünya, hatouei hapa jühen. Hapayü mang moila nyüke.

LEVI 4:26

Büpai mongjempü moila kübü cheü jakpükei moidü shangkü cheü kemei jakhen. Hapa keiha ngongpai vanglem lembülei mang shingvaishi moila shuohhen, hatü büpalei mang tükhen.

LEVI 4:29

Büpai hapa mang moila shuohpü yum shangjing kü büpalei laki dükhen, hatü hapa jakpü moila shuohpü shingei jühen.

LEVI 4:31

Büpai mongjempü moila kübü cheü nyiukpükei haleipü cheü kemei nyiukhen, hatü ngongpai hapa moidü shangei Shembüpa kü vong meipü moila jakhen. Hapakei ngongpai büpa shingvaishi mang moila shuohhen, hatü büpalei mang tükhen.

LEVI 4:33

Büpai mi shangjing kü büpalei laki dükhen, hatü Shembüpa tou kü metouei jakpü moila jünya, hatouei jühen.

LEVI 4:35

Büpai mongjempü mi moila kübü cheü nyiukpükei haleipü cheü kemei nyiukhen, hatü ngongpai hapayü moidü shangei Shembüpa kü aw kü jakpü hahying moila shangkü jakhen. Hapakei ngongpai hapa nanglaki thahpü mang shingvaishi moila shuohhen, hatü büpalei mang tükhen.

LEVI 4:4

Büpai hapa mohoh ashakshem shadenei yah-ei peiyei Shembüpa kü shuohhen. Büpai hapalei shangjing kü büpalei laki dükhen hatü hapa Shembüpa tou kü jühen,

LEVI 5:6

hatü büpalei mang nangkü manglat mi nevaijü yum chebi yah-ei Shembüpa kü mang moila shuohhen vongbong. Büpalei mang shingvaishi ngongpai jakpü moila shuohhen.

LEVI 6:7

Hapa keiha ngongpai Shembüpa touei büpa shing jakpü moila shuohhen, hatü ha dükpai büpai pungpü mang kemei büpa kü tükhen.

LEVI 8:14

Hapheikü Mosai mang moila shuohhen mohohbaong müei deiyei Aaron hatü chehathüi hapalei shangjing kü jomei laki dükhü.

LEVI 8:18

Shao büpai jakpü moila shuohhen mi chebaongha deiyei Aaron hatü chehathüi hapalei shangjing kü jomei laki dükhüteke,

LEVI 8:22

Hapheikü büpai daühen hükpa mi chebaongha müei dei, hatü Aaron hatü chehathüi hapalei shangjing kü jomei laki dükhü,

LEVI 9:7

Hatü Mosai Aaron kü, “Moidü yopailei heihkei, hatü nüngei mang moila hatü jakpü moila, nüng hatü nanglakthülei mang tükhen shingvaishi hapa moilatuh; Shembüpai epükei nanglakthü kü mang tükhen shingvaishi jakpü moila shuohtuh” shei e.

BHEI-IE 15:25

Ngongpai Israel khong peü shingvaishi mang tükpü moila shuohhen, hatü jom kü mang tükhen, hatü jomi Shembüpa kü jom pungpü shingvaishi aw kü jakpü moila hatü mang moila koei peiteke.

BHEI-IE 15:28

Nenyingi mang thahpü shennyak shingvaishi ngongpai Shembüpa kü mang tükpü moila shuohhen, hatü mechem hapa moila shuohhenshang, büpa kü mang tükhen.

BHEI-IE 25:13

Büpa hatü büpalei hühihathüi denden ngongdou dükhen vangeishuwpü lingnyüpeih; mehenangkü büpai büpalei Kahvang kü dhüm shouhhen nyakeikenpü nyuteke, hatü büpai Israel amei mang tükhen mü dou dükteke” shei eteke.

BHEI-IE 8:10

Nüngi Levi am kemei Shembüpa touei müei deihen, hatü Israel ami jomei shangjing kü laki shinghen,

BHEI-IE 8:12

Levi am daütükhen shingvaishi jomi mohoh chebaong nyilei shangjing kü jomei laki shinghen; hükü mang moila shuohhen hatü hükpayü jakpü moila shuohhen.

ROM SHAHSHA APPÜ 12:1

Hanangkü jeihinaü hatü nyahinaüthü, ammei büm Kahvang touei daülangpü hatü yah-aokbenüng yemmü tuhtü jakpü moila kei shuohtuh shei ngei Kahvang phahji homei am kü khümnyeih– hapayü ammi laangha kü khümpü dou nyüke.

ROM SHAHSHA APPÜ 3:25

Kahvangi hapayü büpalei iy kü hinglempü homei mang tükhen shingvaishi jakpü moila hük keiha shuohpeih. Büpai hapayü büpa daülangshemshepü huhen shingvaishi dükpeih; mehenangkü Kahvangi laophü nenteiaokpai shelei thahpü mangthü kü hanghi neshuoh.

ROM SHAHSHA APPÜ 5:11

Shejao hapa mü nyeishi jen shaang mongjem pongpü jenei Shembüpa Jisu Khrista homei jen Kahvang mü shepei shahüteke.

PHILIPPI 4:18

Ngei kü changshi yahphütih, hatü changtü aoei nyüpeih; ngei kü changshi shuohteke, hatü ammi shompü thintho Epaphroditus leipü dangtepih. Hathüyü vong meipü moila Kahvang mongongbenüng jakpü moila khih.

HEBREW 10:4

Mehenangkü mohoh hatü yum iy-i mang koei lüdaihen neaokbenüng.

1 JOHAN 2:2

hatü büpayü jenei mang shing mang tükhen moila shuohpüba, hatü hayü jenei mang mon nevai, shejao kahdoknyü kempülei mang shingvaishi moila shuohpeih.