LEVI 1:3 - DAÜLANGPÜ LAIHING (BSI)

³ Hapa moilayü mohoh khong kübü jakpü moila vaijema, ammi kawhikang neshiüpü shuohhen vongbong; Shembüpai hapa yahaokhen shingvaishi ashakshem shadenei deiyei shuohtuh.

LEVI 1:3 Iomraidhean Croise

KAHBHAO 22:13

Abrahami yaakei veishuohjü mi baongha hük phenha kü vaungi mantü ee. Abrahami heih-ei hapa mi yah-ei cheha nangjei jakpü moila shuoh.

KAHBHAO 22:2

Büpai, “Nüngei halom Isak nüngi bampü ha müei Moriah kahdokei daituh, hatü ngei nüng kü huphahen kahshang hükei büpa jüei jakpü moila shuohtuh” shei e.

KAHBHAO 22:8

Abrahami, “Hapeü, Kahvang, büpai-üng jakpü moila shuohhen mi yahphahen hih” shei e. Hanangkü jiji nedoh-i kamei dai.

KAHBHAO 8:20

Hapheikü Noah-i Shembüpa kü moidü hük ling, hatü daülangpü yemhimak hatü ou hanei yah-ei halei jakpü moila shuoh.

2 SHÜPPÜKENGPÜ 29:32

Thaipü khongi koei peipü jakpü moilayü mohohbaong pejempüan, mi chebaong kho hük hatü mi chebaongha kho hükhathü peü Shembüpa kü jakpü moila nyuteke.

2 SHÜPPÜKENGPÜ 35:12

Mosa shahkung kü nyangei nyupükei Shembüpa kü moila shuohhen nangkü jomi mükhiphang hanpü aimü shuohhen shingvaishi jakpü moilathü hayaoha tuh. Hapa keiha jomi mohohthüao hanei tuh.

MENVIH KESHO 110:3

Daülangpü kahshangei nüngi nüngei veshanthü thepjulei deishingkü jom nyingi lanei shuohhen. Nepnüng dhom kübü nyien keiha nüngei nethe wong nyokei leikahen.

MENVIH KESHO 40:8

Ngei nüngi mongpü dükhünyeih, Oh ngelei Kahvang; nüngei shahkungnyü ngelei mongdang mongei nyüpeih” shei eteke.

MÜLANGPÜ 12:5

Ammi mi nevaijü yum yahhen aok, shejao hapayü vangbong hük lompü kawhikang neshiüpü chebaongha jetuh.

MÜLANGPÜ 24:5

Hahepak kü büpai Israel am nethethü shom, hatü jomi mohoh chebaongha yah-ei Shembüpa kü mongjempü moila jakei shuoh.

MÜLANGPÜ 29:18

Mi büm kemei moidü shangei jakei moila shuohtuh; hapayü Shembüpa kü jakpü moila nyüke; hapayü Shembüpa kü vong meipü aw kü jakpü moila shuohpü nyüke.

MÜLANGPÜ 29:4

Aaron hatü chehathü ashakshem shadenei deituh hatü hangha lakhütuh,

MÜLANGPÜ 29:42

Hapayü hüdenhalenshi hepak peü kü ashakshem shadenei hapa jakpü moila shuohtuh.

MÜLANGPÜ 32:6

Hanangkü nyihphei nanglakthü lomi paoei jakpü moila hatü mongjempü moila shuoh. Hapheikü nanglakthüi hah-ei yingei ngeteicheüei mongongteke.

MÜLANGPÜ 35:21

hatü üami mongei deih, hatü mongkü thongei peipüthü peü ashakshem vehen hatü hapa leipü douhinangthü hatü ngong-ow linghen Shembüpa kü moila koei peiteke.

MÜLANGPÜ 35:29

Israel am nyüha baha peü üamei mongkü Mosai epükei Shembüpalei dou dükhen thongpü pei, Shembüpa kü mongongpü moila koei peiteke.

MÜLANGPÜ 35:5

Ammi mehe ang, ha kübü Shembüpa kü moila kotuh. Üami Shembüpa kü mongongpü moila kohünya, hathüi hon, ngin, melangnyiam,

MÜLANGPÜ 36:3

Israel ami ashakshem vehen shingvaishi moila shuohpü douthü kemei jomi Mosa leipü yahteke. Nanglakthüi nedoh-i nepjeih moila koei peiyei shuoh.

MÜLANGPÜ 38:1

Büpai akacia pü yah-ei jakpü moila jakhen moidü bahiyang hükkei meter 2.2, hatü shaopü kü meter 1.3 ling.

ISAIAH 1:11

Ammi moila hajükjük shuohpai shei ngei mehe vaihen? Moila shuohbenüng mithü, hatü het changshi üh-ei haümpü yemthü changtü nyeishi nyüpeih. Ngei mohoh chebaongei iy, mi iy, nevaijü yum iy kü mongneongnyih.

EZEKIEL 20:40

Mehenangkü ngelei daülangpü kahshang, Israel kahshang shaopülei Israel am phang kemei, jom peü hapa kahdokei jomi ngei chongphohen. Halei ngei jom yahhen, hatü halei ngei jomei moila hatü jomei meipü thintho hatü daülangpü douthü peü yahhen shei Shembüpa Kahvangi enyüke.

EZEKIEL 40:39

Shemshom shaden dangpongei haüdü nyi halei jakpü moila, mang moila hatü pungpü moila shuohpü yem jühen haüshi nyuteke.

LEVI 1:10

Hapa moilayü mi nevaijü yum khong kübü jakpü moila vaijema, büpai yem chebaong kawhikang neshiüpü shuohtuh.

LEVI 14:10

Nyih shetpabü kü büpai kawhikang neshiüpü vangbong hük lompü mi chebaongha nyi hatü mi chebiha hük, olive mainga nyettü atta dok jem, hatü olive mainga dok hük kü jem antü phaihan hük koei peihen.

LEVI 16:7

Hatü büpai yum chebaong nyi yah-ei Shembüpa kü ashakshem shadenei shuohhen;

LEVI 17:4

büpa iythüng anpü nangkü büpa shahkung kü pungteke; hanangkü büpa nanglakthü khong kübü katitükhen.

LEVI 17:8

Nedoh-i jomphong kü hapakei etuh: Israel am nevaijü jom mü nyupü benha üpai Shembüpa kü jakpü moila nevaijü lebü moila shuohhenshang,

LEVI 17:9

ashakshem shadenei Shembüpa kü moilahen koei nepeijema, hapa shennyakü laophülei nanglak khong kübü katitükhen.

LEVI 23:12

Ammi hapa sheili moila shuohpü nyih, kawhikang neshiüpü bong hük lompü mi cheha yah-ei Shembüpa kü jakpü moila shuohtuh.

LEVI 23:18

Hapa aan mü mi cheha nyet, mohoh chebaongha hük hatü mi chebaongha nyi, hathü kemei bong hük lompü, hatü kawhikang neshiüpü yah-ei peiyei moilatuh. Hathüyü Shembüpa kü jakpü moila shuohhen, ha mü chemi hahying moila hatü yiü moila shuohhen. Hayü Shembüpa kü vong meipü aw kü jakpü moila nyüke.

LEVI 3:1

Shennyak hanei-i laophülei haümyem yah-ei mongjempü moila shuohjema, hapayü mohoh chebaong nevaijü chenyü meheyao kawhikang neshiüpü shuohhen vongbong.

LEVI 4:15

Khong kü behethüi hapa mang moila shuohpü mohohlei shangjing kü jomei laki düktü Shembüpa tou kü ha jühen,

LEVI 4:23

Mechem büpai thahpü mang büpai nyingei peihenshang, büpai büpalei mang moila shuohhen kawhikang neshiüpü yum chebaong yah-ei peihen vongbong.

LEVI 4:3

Thiteiphuei jepü ngongchongi mang thahjema, hatü hapai nanglakthü kü mang koei peijema, büpai thahpü mang shingvaishi Shembüpa kü meheyao kawhikang neshiüpü mohoh baongha yah-ei mang moila shuohtuh.

LEVI 4:32

Büpai laophülei mang moila mi cheha yah-ei peijema, hayü kawhikang neshiüpü mi chebiha vaihen vongbong.

LEVI 5:15

“Mechem shennyak hanei-i punghen, hatü Shembüpalei daülangpü dou kü lemhük kü dangkao nenyingi mang thahhenshang, büpai Shembüpa kü manglat mi chebaongha hük mi khong kübü kawhikang neshiüpü koei peihen, hatü phopshemei dokteipü dok aimü ngin koei peihen. Hapayü pungpü moila nyüke.

LEVI 5:18

Büpai mi khong kübü mi chebaongha hük kawhikang neshiüpü nevaijü hapalei aihük bhei ngongpa touei pungpü moila koei peihen. Hapa keiha büpai nenyingi pungtükpü mang shingvaishi ngongpai büpa shing jakpü moila shuohhen, hatü büpalei mang tükhen.

LEVI 6:2

Shennyak hanei-i büpa kü büpalei chingyowi lemhük shuohpü nangkü, nevaijü büpai junghenlanghen shingvaishi lemhük shuohpü kü lueilemjema, nevaijü gühjema, nevaijü büpai hapa kü ühingei,

LEVI 6:8

Shembüpai Mosa kü,

LEVI 7:16

Shennyak hanei-i büpai lahpü kü jiühüei nevaijü mongongpü moila shuohjema, hapayü büpai moilapü nyih hahhen, shejao aopü nyeipü neppheiyao hahhen.

LEVI 8:18

Shao büpai jakpü moila shuohhen mi chebaongha deiyei Aaron hatü chehathüi hapalei shangjing kü jomei laki dükhüteke,

LEVI 8:21

Büpai thenleimongphang, hatü la yungi paü, hatü mi büm kemei Shembüpa kü moidülei vong meipü jakpü moila aw kü jakei Shembüpai Mosa kü epükei shuohteke.

LEVI 9:2

Büpai Aaron kü, “Nüngei mang moila shuohhen mohoh chebaongha hük hatü jakpü moila shuohhen mi chebaongha hük kawhikang neshiüpü yahtuh, hatü Shembüpa kü hathü shuohtuh.

ZEKHARIAH 13:7

“Paotuh, Oh yanlu, ngelei dou dükpü mi yombüthü khüei” shei Jeiyong Shembüpai enyüke. Mi yombü kü bheituh, hatü mithü nyaidaiphahen; Ngei ngelei lak nanglakthü khüei nohen.

MALAKI 1:14

Mi khongkü meipü mi chebaong nyüpeih, hatü ha shuohhen shei lahtü üpai lueilemei kawhikang kohpü yem Shembüpa kü moilanya, büpa thaüvaüthemthetuh. Mehenangkü ngeiyü longpü ongpa hatü jatthü peüi ngelei men kü nyemhen shei Shembüpa Kahvangi enyüke.

BHEI-IE 15:3

ammi mohoh nevaijü mi yah-ei Shembüpa kü vong meipü bühen shingvaishi jakpü moila nevaijü hayaoha vangpüshuwpü moila nevaijü mongong moila nevaijü mohitap moila aw kü jakei shuohtuh.

BHEI-IE 15:8

“Mechem nüngi Shembüpa kü phupü moila nevaijü jakpü moila hayaoha vangpüshuwpü nevaijü mongjempü moila mohohbaong hük shuohhenshang,

BHEI-IE 19:2

“Hapayü Shembüpai epü shahkungnyü nyüke: Israel ami anji touei mohoh cheha hakla hük eela nevaijü kawhikang neshiüpü hatü pang chemao mangpaaipü yah-ei peihen eyeishuoh.

BHEI-IE 23:19

Büpai shahshem ehen mü, Kahvangü shennyak nevai, nevaijü büpa mong yeiyahen mü shennyak ha nevai. Büpai etüktü ha nedüknyu je? Büpai lahtüktü ha nejiühünyu je?

BHEI-IE 23:27

Hapheikü Balaki Balaam kü, “Ngei nüng lebü shing hükei müei daishah, huoi. Üpai nyingpa, antolei daijü ngei leimao nüngi jomphong kü thaüvaühen Kahvangi mongkahenao aokpeih” shei e.

BHEI-IE 23:3

Hahepak kü Balaami Balak kü, “Ngei lüdaijü nüngei moila touei yaongshi chongkei, üpai nyingpa Shembüpa ngei mü pongteinüng yiüei nyunüng aokpeih. Büpai mehe ephahenshang, ngei nüng kü ekahen” shei e.

BHEI-IE 23:30

Balaami epükei Balaki dük, hatü moidü ieyei mohoh hatü mi hükbaong moilateke.

BHEI-IE 28:11

Lenja chongpang shingkü ammi Shembüpa kü jakpü moila shuohhen: Mohoh chebaongha nyi, mi chebaongha hük, kawhikang neshiüpü bong hük lompü mi nyet,

BHEI-IE 28:19

Shembüpa kü ammi mohoh chebaong nyi, mi chebaong hük, hatü bong hük lompü kawhikang neshiüpü mi nyet jakpü moila shuohtuh.

BHEI-IE 28:31

Nyihjeih shuohpü jakpü moila hatü hahying moila mü hathü moila hatü yiü moila shuohtuh.

BHEI-IE 29:13

Shembüpa kü vong meipü jakpü moila mohoh chebaongha anpüjem, mi chebaongha nyi, hatü kawhikang neshiüpü bong hük lompü mi chebaong anpüali shuohtuh.

BHEI-IE 29:2

Mohoh chebaongha hük, mi chebaongha hük, hatü kawhikang neshiüpü bong hük lompü mi chebaong nyet yah-ei Shembüpa kü vong meipü jakpü moila shuohtuh.

LUK SHAHSHA APPÜ 1:35

Vangsho phongshani pinnyü kü, “Laangha Daülangpü nüng shak kü peikahen, hatü Chaipübalei ngani nüng kü dhümhen; hanangkü nüngi anghen naü-ü daülangpü nyuhen; büpa kü Kahvang Ha shei nyükhen.

JOHAN 1:36

hatü büpai Jisu kamei daijapü eeyei büpai, “Kahvang Mi Cheha kü veituh!” shei e.

JOHAN 10:7

Hanangkü shao Jisui jomphong kü, “Hingmei ngei am kü enyeih, ngeiyü mi khaok shaden.

JOHAN 10:9

Ngeiyü shem shaden. Üami ngei homei shühen yanghen, hatü daitü lei, daitü lei shei nyuhen hatü hahying danghen.

2 KORINT 8:12

Mehenangkü shuohhüpü mong nyuphei keyü laophüi ne-angpü ai nevai, shejao angpü aimü thintho yahnyüpeih.

2 KORINT 9:7

Am peüi laophülei mongi aokpükei shuohtuh; nemongyaki nevai, nevaijü kangeishungei nevai; mehenangkü Kahvangi mongongshi shuohpü am kü bamnyüpeih.

EPHESIA 2:18

Hanangkü jen khong nyiphen Laangha hük kü Pa touei peiaoknyeih.

EPHESIA 5:27

hanangkü attoiyü nethe meipü kü, ampü nevaijü khangdaipü nevaijü henüng keipü meheyao neshiüi shejao daülangi kawhikang neshiüi büpa kü shuohtuh.

SHAHKÜP 12:27

Shembüpa, ammei Kahvangei moidü touei ammi shuohpü jakpü moila kübü phai hatü iy nyiphen shuohtuh. Jakpü moila kübü iy moidü chongei langeishuoh shejao phaiyü amphongi hahtuh.

SHAHKÜP 15:21

Shejao hapa yem kü lemhük eela koshi, la khodaitü nevaijü nemei-i kawhikang kohdaitü nyujema, hapayü Shembüpa, ammei Kahvang kü moila teshuoh.

SHAHKÜP 17:1

Ammi Shembüpa, ammei Kahvang kü eela kohdaipü nevaijü kaw kohdaipü mohoh nevaijü mi yah-ei moila teshuoh; mehenangkü Shembüpai hapa kü jiühitnyeih.

HEBREW 7:26

Mehenangkü jeni daülangpü, eela neshiüpü, nesheihpü, mangthü kübü yanei nyupü, hatü vangshothü shak kü longei aongpü hapa keipü ngongchong anghen jiüpeih.

HEBREW 9:14

nedohnetenpü Laangha homei laophü nyingi Kahvang kü kawhikang neshiüpü moila shuohpü Khristalei iy homei didaipü douthü kübü vanyangyem Kahvang kü khümhen shingvaishi jenei chudeih mongdang meshük nyeishi daütükphahen!