KAHBHAO 23:2 - DAÜLANGPÜ LAIHING (BSI)

² Pinnyü Kanan kahdok Hebronei di, hatü Sarahlei mahng kü Abraham thepeiyoung.

KAHBHAO 23:2 Iomraidhean Croise

KAHBHAO 23:19

Hapheikü Abrahami Makhpelah kah leipü yaongdungei Kanan kahdok leipü Mamre (Hebron) philei meeshi Sarahlei mahng vü.

KAHBHAO 13:18

Hanangkü Abrami büpalei baümtap chaiyei daiyei Hebron Mamre leipü kahdok longkham püchongei nyu, hatü halei büpai Shembüpa kü moidü hük ling.

1 SHÜPPÜKENGPÜ 6:57

Hanangkü Aaronei hühihathü kü Hebron (shojo ching), Libnah, Jattir, Eshtemoa,

SHAHPHENBÜTHÜ 1:10

Judah ami Hebronei nyupü Kanan am mü (shelei jom kü Kiriath-Arba shei nyükhamteke) hokhen dai, hatü Sheshai, Ahiman hatü Talmai am neütükteke.

PHONGSHANTHÜ DOU 8:2

Kahvang shennyak hanei-i Stephenei mahng vü, hatü büpa kü wongmü mahng thep.

JOHAN 11:35

Jisui thep.

JOHAN 11:31

Jehoda am pinnyü mü shemei mong nyiushemmei shah eyei nyupüthüi Mary shülangi yaongei vamdaipü eeteke. Jomi pinnyü phei mü; mehenangkü pinnyü mahngchongei mahngthep heihnyu khih shei jomi deih.

JEREMIAH 22:18

Hanangkü Josiahlei cheha Jehoiakim, Judah amei ongpa nangkü Shembüpai hapakei enyüke: “Üpaiyao büpalei mahngshe kü, ‘Onyükei, jeihinaü!’ ‘Onyükei, nyahinaü!’ shei nethephen. Üpaiyao ‘Onyükei, ngelei shembü!’ ‘Onyükei, ngelei ongpa!’ shei neyounghen.”

JEREMIAH 22:10

Nüngi didaipü ong nevaijü büpa lomohpü kü tethep; Halei meyü wüpküpei lüdaipüthü shing shahyaki theptuh; mehenangkü büpa mechemao laophülei kahdokei nyokeineleikahen, nevaijü hapa ne-eehen.

2 SHÜPPÜKENGPÜ 35:25

Jeremiah-i Josiah kü mahng kesho hük ling hatü shaang thahshi nyüha baha kesho lokpüthüi jomei mahng kesho kü Josiah deih-ei loknyeih. Hapayü Israel kü bü vanglem hük leipeih hatü hapayü Mahng Kesho kü nyangei nyüpeih.

2 SAMUEL 5:5

Hebronei nyushi büpai Judah kü bong nyet mü lenyang vok vanglem lem, hatü Judah hatü Israel kempü kü bong hapüanpüjem thahshi vanglem lem.

2 SAMUEL 5:3

Hanangkü Israel am behethü peü Hebronei David ongpa touei pei, hatü Shembüpa tou mü ongpai jomphong mü vangpüshuwpü ling, hatü jomi Israel shak kü ong vaihen David je.

2 SAMUEL 2:11

Davidi Judah phang kü Hebronei bong nyet mü lenyang vok vanglem lemteke.

2 SAMUEL 1:17

Davidi Saul hatü cheha Jonathan nyi kü hapa yim kesho lok,

2 SAMUEL 1:12

Jomi Saul hatü cheha Jonathan nyi hatü Shembüpalei veshanthü hatü Israel phang mih-ei yani mahdaipü nangkü youngei mahng thep, hatü om dhüshi shüaeiyungle.

1 SAMUEL 28:3

Shaang, Samuel didai. Hanangkü Israel am kemei büpa kü mahng thepei nyu hatü büpayü büpalei jila Ramahlei vüphong. Sauli kahmük kübü thihivam hatü phongyomteipüthü kemei changtük.

1 SAMUEL 20:31

Jesselei cheha kahdoknyülei nyupü thahshi nüng nevaijü nüngei ongching chongkhenei nelingaokpih. Shaang ngei touei müei deikei; büpa jütükhen hih” shei e.

JOSHUA 20:7

Hanangkü jomi phaüshang kahdok Naphtali kü Galilei Kadesh, hatü phaüshang kahdok Ephraimei Shekhem, hatü phaüshang kahdok Judahlei Kiriath-Arba (hapayü Hebron) jeyei tuh.

JOSHUA 10:39

Büpai hapa ching, haleipü ongpa hatü hapa yopai leipü chingthü kemei hahtük; büpai Hebron am hatü Libnah hatü haleipü ongpa kü dükshuohpükei Debir hatü haleipü ongpa kao dük.

SHAHKÜP 34:8

Moab kahjilei Israel ami theppüyoungpü nyih mangpeih thahshi Mosa kü nyih hapüan thahshi mahng thepteke.

BHEI-IE 20:29

Mechem Israel ami Aaron didaiteke shei danpa, khong kemei nyih hapüan thahshi mahng thepteke.

BHEI-IE 13:22

Jom Negeb homei aong, hatü Anakei hühihathü, Ahiman, Sheshai hatü Talmai am nyupü Hebron ngoishi peiteke. (Hebronü Ijip leipü Zoan mü vangbong nyeti yeihshi ching agteke.)

KAHBHAO 50:10

Mechem jomi Jordan yungdangei Adadlei hah tenshing ngoipa, halei jomi longi mahng theppü hatü youngpünangpü nyu; büpai halei nyih nyet thahshi mahng theppü hepak nyu.

KAHBHAO 27:41

Shaang chepai Jakob kü moihiman shuohtükpü nangkü Esau-i Jakob kü jiühit, hatü Esau-i büpa nyingi, “Opa dihen nyih ngoikünyüke; hahepak kü Jakob jühen” shei deih.

KAHBHAO 23:1

Sarah bong 127 nyu; hapayü Sarahlei yangnyu den nyu.

KAHBHAO 24:67

Hapheikü Isaki Rebekah müei chenyü Sarah nyupü ashakshemei müei shü, hatü büpai Rebekah mü shem yemteke. Hanangkü pinnyü büpalei nyüha vai, hatü Isaki pinnyü kü bam, hatü chenyü didaipü young lakteke.

KAHBHAO 35:27

Abraham hi Isak nyi benha kei nyupü Mamre nevaijü Kiriath-Arbalei (hapayü Hebron) Jakobi chepa Isak touei heih.

KAHBHAO 37:14

Büpai büpa kü, “Anjeihijei am hatü mithü mekei nyüpüshang shatuh, hatü shahom koei aongkei” shei e. Hapheikü büpai büpa Hebron Kahjilei shanshihteke. Büpa Shekhem ngoi,

JOSHUA 15:13

Shembüpai Joshua kü epükei, büpai Judah am khong mü Jephunnehlei cheha Kaleb kü Kiriath-Arba, hapayü, Hebron (Arbayü Anakei chepa nyuteke) kahdok shuohteke.

JOSHUA 15:54

Humtah, Kiriath-Arba (hapayü Hebron), hatü Zior: jila kukshü mü chingthü omei nyuteke.

JOSHUA 21:11

Jomphongi jom kü Judah amei phaüshang kahmükei Kiriath-Arba (hapayü Hebron) hatü ha kü shinpü phaümük yemhah shing omshi shuohteke. (Arbayü Anakim amei chebü nyuteke).

NEHEMIAH 11:25

Nanglak haneiyü jomei kah yopaipü chingthülei nyu. Judah amü Kiriath-Arba, Dibon hatü Jekabzeel hatü ha kü shonpü chingthülei nyu.

KAHBHAO 50:1

Hahepak kü Joseph-i chepa kü laongei khaaitü thep hatü jüpteke.

1 SAMUEL 25:1

Shaang Samuel di hatü Israel am kemei thaiyei büpa kü mahng thep, hatü jomi Ramah leipü büpalei shemei mahng vüphong. Hapheikü David layaongei Paran jahpanei dai.