KAHBHAO 22:2 - DAÜLANGPÜ LAIHING (BSI)

² Büpai, “Nüngei halom Isak nüngi bampü ha müei Moriah kahdokei daituh, hatü ngei nüng kü huphahen kahshang hükei büpa jüei jakpü moila shuohtuh” shei e.

KAHBHAO 22:2 Iomraidhean Croise

KAHBHAO 17:19

Hahepak kü Kahvangi, “Nevai, shejao anyüha Sarah-i yeshang hük bühkahen, hatü nüngi ha naü kü Isak shei mentuh. Ngei büpa mü vangpüshuwpü hük linghen, hatü hapayü büpa phei kübü hühihathü shing nedohnetenpü vangpüshuwpü vaihen.

KAHBHAO 21:12

Shejao Kahvangi Abraham kü, “Anha hatü aa lanyü nyi nangkü nüng mongteshang; Sarah-i epü keiha düktuh; mehenangkü Isak homei mon nüngei li shei nyuhen.

KAHBHAO 21:3

Sarah-i bühjapü naü kü Abrahami Isak shei men.

KAHBHAO 22:12

Büpai, “Nüngi naü kü lak teshih nevaijü büpa kü meheyao tedük; mehenangkü nüngi Kahvang kü nyemnyüke, hatü laophülei halom hük mon nyupü dangkao ngei kü moilahen kaungei nenyu shei ngei nyingteke” shei e.

KAHBHAO 22:16

“Ngei, ngei nyingi lahtepih shei Shembüpai enyüke: Nüngi nüngei halom dangkao shümei nedoh-i ha dükpü nangkü,

KAHBHAO 22:3

Hanangkü Abrahami dhom mü lomi büpalei gadu kü uotü büpa mü nethe nyi hatü cheha Isak mü, hatü moila jakhen pü yah-ei kotü Kahvangi büpa kü hushuohpü tailu shing hükei dai.

KAHBHAO 22:9

Mechem Kahvangi hupü shingei jiji ngoipa, Abrahami halei moidü hük lingtü pü ai jiüei bhaongei haü. Büpai cheha Isak kü shatü moidülei pübhaong shangkü haüteke.

KAHBHAO 8:20

Hapheikü Noah-i Shembüpa kü moidü hük ling, hatü daülangpü yemhimak hatü ou hanei yah-ei halei jakpü moila shuoh.

2 ONGPATHÜ 3:27

Hahepak kü büpa jeiyei ong vaihen nyupü cheha hashongpa yah-ei jütü chingnyü bham shangkü Moab kahvang kü jakpü moila shuoh. Israel am kü longi nyempü pei hatü jomi nyokei jomei kahdok yemei leidai.

2 SHÜPPÜKENGPÜ 3:1

Solomoni Jerusalemei Moriah Kahshangei Shembüpalei shem vehen chongpang. Hatouei chepa David kü Shembüpa vamei hushuohteke. Hapayü Jebus am Araunahlei hah tenshing Davidi jepü shing nyuteke.

MIKA 6:7

Mi cheha haja longi müei peijajü, nevaijü olive mainga yungyen haja an mü mongmeihen je? Ngei pungpü nangkü ngelei hashong, ngelei mang nangjei ngelei büm kübü betjük shuohhen hiang?

JOHAN 3:16

Mehenangkü Kahvangi kahdoknyü kü longi bampü nangkü büpai laophülei Halom shuoh; üami büpa kü hinglem nemahhen, shejao düngeipü yangnyuyem danghen.

ROM SHAHSHA APPÜ 5:8

Shejao Kahvangi bampü jen kü büpai hupeyü jen nedoh-i mang kü nyushi Khrista jen shingvaishi dipeih.

ROM SHAHSHA APPÜ 8:32

Büpa, üpai laophülei Ha shümei netuh, shejao jen peü shingvaishi büpa lanei shuoh, büpai büpa mü jen kü lemphüli neyahphahen je?

HEBREW 11:17

Kahvangi Abraham kü dokshingkü hinglempai büpai Isak jakpü moila shuoh. Üpai lahtükpü dang, büpai hashong moilom moila shuohtükhen mü nyu.

SHAHPHENBÜTHÜ 11:31

ngei Ammon am vehok neütü leishingkü mepa shongei ngelei shem kübü ngei mü pongteinüng vamkahenshang, ngei nüng kü hapa yah-ei jakpü moila shuohhen” shei vangei e.

SHAHPHENBÜTHÜ 11:39

Lenyang nyi angpheikü pinnyüi chepa yemei lei, hatü chepai lahtükpükei pinnyü jüei moila shuoh. Pinnyü pai mü ngühpü nela yangnyu nyuteke.