KAHBHAO 22:1 - DAÜLANGPÜ LAIHING (BSI)

¹ Kanja angpheikü Kahvangi Abraham kü dok. Büpai Abraham kü, “Abraham” shei nyük, hatü büpai, “Ngei hammü nyüpeih” shei e.

KAHBHAO 22:1 Iomraidhean Croise

KAHBHAO 15:1

Hapheikü Shembüpalei shah Abram touei manghkhang hük kü peiyei, “Nüng tenyem, Abram, ngeiyü nüngei inyüshung, nüngei laklei longi nyüpeih” shei eteke.

KAHBHAO 21:11

Cheha nangkü hapa shahhidou-ü Abraham kü longi mongshang vaiteke.

KAHBHAO 22:11

Shejao vangsho leipü Shembüpalei phongshani büpa kü, “Abraham, Abraham” shei nyük. Büpai, “Ngei hammü nyüpeih” shei e.

KAHBHAO 22:7

Isaki chepa Abraham kü, “Opa” shei nyük. Büpai, “Oi, ngelei hapeü” shei jang. Isaki, “Aw hatü pü nyüke, shejao jakpü moila shuohhen mi melei nyüpa?” shei phe.

KAHBHAO 37:13

hatü Israeli Josheph kü, “Anjeihijei am peü Shekhem yopailei mithü het üh-ei nyupü nüngi nyingei nyüke. Heihkei, ngei nüng jomphong touei shomshah” shei e. “Meiteke” shei büpai e.

KAHBHAO 46:2

Kahvangi Israel kü yanüng manghkhang hük kü, “Jakob! Jakob!” shei nyük. “Ngei hammü nyüpeih” shei büpai jang.

2 SAMUEL 24:1

Shao Shembüpai Israel am kü mongshih, hatü büpai David homei jom kü shanghah koei peihü. Shembüpai büpa kü, “Daituh, hatü Israel hatü Judah veshanthü shangkuk ietuh” shei e.

2 SHÜPPÜKENGPÜ 32:31

Shejao mechem Babylon am vanglem lempüthüi kahdok kü mehe mehe yashanshi nyangeihepü vampü jung phehen shompa, Kahvangi büpa kü dokhen hatü büpalei mongei deihpü lemphü nyinghen nangkü büpa mon tuhphong.

MENVIH KESHO 11:5

Shembüpai daülangpüthü hatü nemeipüthü kü dokei veinyeih, dehilao kü bampüthü kü büpalei laanghai jiühitnyeih.

MÜLANGPÜ 16:4

Hahepak kü Shembüpai Mosa kü, “Ngei am shingvaishi vangsho leipü hahying vang keipükei shomphahen, nyihjeih nanglakthüi daiyei laophü shingvaishi changshi homei leituh. Ngei epü kü jomi mü-ülashangkü hapakei ngei jom kü dokhen.

MÜLANGPÜ 3:4

Mechem Shembüpai Mosa hapa yopailei heihdaiyei eepa, Kahvangi pünien kübü vamei, “Mosa, Mosa!” shei nyük, hatü Mosai, “Ngei hammü nyüpeih” shei jang.

KANDOK 17:3

Hon hi nginü awi doknyüpeih, shejao mongdangü Shembüpai doknyüpeih.

ISAIAH 6:8

Shembüpai, “Ngei üpa shomhen, hatü ngei shingvaishi üpa daihenang?” shei epü ngeü ngei dan, Hatü ngei eteke, “Ngei hammü nyüpeih; ngei shomtuh.”

1 KORINT 10:13

Peüi nepongbenüng dokpai am kü nedokangpih. Kahvangü hingshangpü, hatü ammi nedhangaokhen mü büpai am kü nedokhüpih, shejao ammi ha munenaokhen shingvaishi büpai hapa dokpü mü yanglemao yahphahen.

SHAHKÜP 13:3

ammi hapa keipü thibü nevaijü mangh tetpüthülei shah kü hingtelem. Shembüpa, ammei Kahvang kü ammei mongdang kempai hatü ammei laangha kempai büpa kü bamnyüla shei nyinghen shingvaishi dokpü mon nyüke.

SHAHKÜP 8:16

Jahpanei büpai am kü ambü ampai mechemao nehahpü manna hahhen shuohpeih. Pheilei am kü moihimanphahen shingvaishi büpai am kü shanghah shomei dokpeih.

SHAHKÜP 8:2

Shembüpa, ammei Kahvangi bong pinyi thahshi jahpanei am müei daiyei ammei mong kü deihpü nyinghen hatü ammi büpalei shahkung ven bangüla shei shanghah shomei am kü dokpü deih-ei dangtuh.

HEBREW 11:17

Kahvangi Abraham kü dokshingkü hinglempai büpai Isak jakpü moila shuoh. Üpai lahtükpü dang, büpai hashong moilom moila shuohtükhen mü nyu.

JAKOB 2:21

Jenei bü Abrahami cheha Isak moidülei jakpü moila shuohshingkü büpa dou homei dahshakpü nevaipü je?

1 PETER 1:7

Honü mahdaihen dou vaijao awi doknyüpeih. Am hinglempeyü hon mao nyeinya douvang vaipü nangkü mechem Jisu Khrista shakei vamhen, menvih, müknyinshekhang, hatü dhüm kohshi eehen shingvaishi kentuh.

SHAHPHENBÜTHÜ 2:22

Chebü chepa kei ngelei lem kü nemühen hi mühenshang dokhen shingvaishi ngei hathü noteihen” shei eteke.

1 SAMUEL 3:4

Hahepak kü Shembüpai, “Samuel! Samuel!” shei nyük, hatü büpai, “Ngei hammü nyüpeih” shei etü,