KAHBHAO 2:9 - DAÜLANGPÜ LAIHING (BSI)

⁹ Shembüpa Kahvangi kahmong leipü veihen meipü hatü hahhen meipü betjükpüthü kohei longhü, hatü hapa pe jiamei yangnyu pü, manghimei nyingpü püao nyuteke.

KAHBHAO 2:9 Iomraidhean Croise

KAHBHAO 2:17

shejao nüngi manghimei nyingpü pü leipü tehah; mechem nüngi haleipü hahhen, nüng hingmei ha nyih-üng dihen” shei shahkung shuoh.

KAHBHAO 3:22

Hapheikü Shembüpa Kahvangi e, “Veituh, hapa shennyakü jenphong khongkü hük keiha tenhimei nyingei leiteke. Sheyü büpalei laki hapa yangnyu pü kübü betjük vaümei hahtü den kü nyuhen mü nehanhen vaipü khih.”

KAHBHAO 3:24

Büpai hapa shennyak changtükpheikü yangnyu pü philei üpaiyao neheihhen shingvaishi heong philei cherubim hatü nyeleppü awlom vampü yanlu hük tuhphong.

KAHBHAO 3:3

shejao Kahvangi pe jiamei nyupü pü kübü betjük tehah hatü ha kü lakiyao tehong, hei nevaijema dihen shei ephopeih” shei e.

KAHBHAO 3:5

mechem nüngi ha hahhenshang, nüngei mük aphen, hatü nüngao Kahvang keiha tenhimei nyinghen shei Kahvangi nyingei nyüke.”

KANDOK 11:30

Daülangpüthülei betjükü yangnyu pü; hatü üpai laangha müei leinya, büpayü kon kohpü.

KANDOK 3:18

Pinnyü kü shoungpüthü kü pinnyü-ü yangnyuyem pü; Pinnyü kü wongshongi khaaipüthü kü moihimanpü shei nyükhen.

ISAIAH 44:25

Ngei lak-ow veipüthü ngapa leitüknyeih, hatü phongyompüthüi tetpü ngashah leitüknyeih. Ngei nahpülangpüthülei kihikon yaktüknyeih, hatü ngashah yoishah leitüknyeih.

ISAIAH 47:10

Ammei mang kü ammi mong yangei deihnyüke, hatü, “Üpaiyao ham ne-eeaokpih” shei deihnyüke. Ammei kihikon hatü nyingpühingpai am lemnyong kü mülang, hatü ammi ammei mongei, “Ham mon, ham mü lenei lebü neshiü” shei ehahnyüke.

EZEKIEL 31:16

Sheolei shüpüthü mü ngei mechem hapa halei müei shüpa, hapa dopü ngeü kü jatthü peü nyemei kheühüpeih. Hahepak kü Eden leipü püthü, hatü Lebanon leipü peü mü meipü püthü, yung changshi shuohtükpü püthü peü kahmongei shüshingkü hapa dopü kü mongmeihen.

EZEKIEL 31:18

Eden leipü püthü mepai nüng nethe meipü hatü longpü mü shetteiaokhen? Shejao nüngao Eden leipü püthü mü kahmongei shüei shühen; nüngü nejaptükpü, yani mahpüthü mü lemshi nyuhen. “Hapayü Pharaoh hatü büpalei nanglakthü” shei Shembüpa Kahvangi enyüke.

EZEKIEL 47:12

Hapa yungyen yungkung nyiphen kü hahying vaihen pülem longi vamhen. Hathülei lak nekaudaihen, betjük nejüki nenyuhen, shejao hathü shing yungü phopshem leipü yenpü nangkü len ieyei betjük meipü jükhen. Hathülei betjük hahying vaihen, hatü hapalei phenlak meli vaihen.”

JOHAN 6:48

Ngeiyü yangnyu hahying.

1 KORINT 8:1

Shaangü lajei kü jeetükpü hahying nangkü: “Jen peü kü kihikon nyüpeih” shei jeni nyingnyüke. Kihikoni changmeipai pouknyeih, shejao bampai lingnyüpeih.

SHAHKÜP 6:25

Shembüpa, jenei Kahvang touei büpai epü shahkungthü peü hingshangi dükjema, büpai jen kü mong hahhen.

SHAKEI VAMPÜ 2:7

Üpa kü danhen dhaong nyu, Laanghai attoithü kü mehe enya ha bangtuh. Vehok neüpü peü kü Kahvangei Paradise leipü yangnyuyem pü kübü hahhen ngei shuohhen.”

SHAKEI VAMPÜ 22:14

Laophülei bhagthuh dhotüktü nyupüthü moihiman; mehenangkü jomphongü yangnyu pü kübü betjük hahhen jiüpü nyüpeih, hatü peshaden homei chingnyülei shüaokhen.

SHAKEI VAMPÜ 22:2

hatü hayü chingnyü chingyangshong jiam homei yenteke. Hapa yungdang nyiphen kü yangnyu pü nyüke, hatü halei betjük lem anpünyi len ieyei jüknyüke; hatü hapalei phenlakü jatthü meihühen shingvaishi nyüke.