KAHBHAO 12:3 - DAÜLANGPÜ LAIHING (BSI)

³ Nüng kü moihimanpüthü kü ngei moihimanhen; üami nüng kü thaüvaü ngeiyao jom kü thaüvaühen, hatü kahdoknyü hangkuli peü nüng homei moihiman danghen.”

KAHBHAO 12:3 Iomraidhean Croise

KAHBHAO 18:18

Abrahamei hühihathüi longpü hatü wong kohpü jat hük leihen, hatü büpa homei kahdoknyü jatthü peü moihimanhen.

KAHBHAO 18:19

Mehenangkü mehe jiüpü hatü shahhing ha dükei Shembüpalei lem kü kamhen shingvaishi büpai laophülei hapeüthü hatü shem am kü nyuhhen venhen ngei Abraham jepeih; shejüang Shembüpai Abraham kü mehe lahpa, ha koei peihen” shei e.

KAHBHAO 22:18

hatü nüngei lihilathü homei kahdoknyü jatthü peü moihiman danghen; mehenangkü nüngi ngelei shah bangteke” shei e.

KAHBHAO 24:35

Shembüpai ngelei shembü kü longi moihimanei büpa shemmei leiteke. Büpai büpa kü mi, mohoh, hon, ngin, nyüha, baha aathü, ut hatü gadu longi shuohteke.

KAHBHAO 25:11

Abraham dipheikü Kahvangi Isak kü moihiman; büpa hahepak kü Beerlahai-roi shei epü shingei nyu.

KAHBHAO 26:29

shejüang hami nüng kü meheyao ten nedük, shejao meishi nyutü chingmei kü leishihpükei nüngiyao ham kü mehe tenao nedükphahen. Nüng keyü Shembüpai moihimanteke” shei e.

KAHBHAO 26:4

Ngei nüngei hapeüthü vangsho lithathü kei leihühen, hatü nüngei hühihathü kü hapa kahdok kemei shuohhen, hatü nüngei hühihathü homei kahdoknyü jatthü peü moihiman danghen.

KAHBHAO 27:29

Nanglakthüi nüng chongnyempho, hatü jatthüi nüng kü aümei nyemkhüm. Nüngi nüngei jeihinaüthü shak kü shembü vaituh, hatü anyüi bühpü hapeüthüi nüng kü aümei nyemkhüm. Nüng kü thaüvaüpüthü kü thaüvaü hettuh, hatü nüng kü moihimanpüthü kü moihiman nyutuh.”

KAHBHAO 28:14

hatü nüngei lihilathü molo bhihhiphang kei nyuhen, hatü jomphongü heong heshü apsha pehe peü lemei daei daihen, hatü nüng hatü nüngei lihila homei kahdoknyü nanglak peü moihimanhen.

KAHBHAO 30:27

Shejao Labani büpa kü, “Nüngi ngei kü bamei deihjema, haleiüng chongkütuh. Nüng nyupü nangkü Kahvangi ngei kü moihimanpü khih shei phongyompai nyingteke” shei e.

KAHBHAO 30:30

Ngei peishekü nüng maani angpü sheyü longi dateke, hatü ngei melei nyu, Shembüpai nüng kü moihimanteke. Shejao shaang ngei ngelei shemong shing mechem dükhahhen?” shei e.

KAHBHAO 39:5

Hahepak kübü büpai jomei shem kempü hatü büpai angpü lemphü shangkü büpai veihen tuh, hatü Josephei Shembüpai hapa Ijip am shemong kü moihiman. Potiphar am angpü lemphüli kü shemei vaituh, kah kü vaituh Shembüpai moihimanteke.

MENVIH KESHO 72:17

Büpalei men den kü nebetüki nyuhütuh, vanghenyü nyupü thahshi büpalei menmei nyuhütuh. Jatthü peüi büpa kü moihiman danghen, jomi büpa kü mongongpü baonghen.

MÜLANGPÜ 23:22

Shejao büpai epü kü ammi kenhingei bangjema, hatü ngei epü dükjema, ammei vepathü kü ngei vepa vaihen, hatü ngei ammei vepa khüei hokhen.

BHEI-IE 24:9

Mailang keiha jom lemeileyei nyunyüke; mailang chenyüi keiha üpai jom phukaokhen? Üpai am moihimannya, jom kao moihimanhen, hatü üami am kü thaüvaühen, jom kao thaüvaühen.”

MATHI 25:40

Ongpai jomphong kü, “Hingmei ngei am kü enyeih, amphong maanpü ngelei jeihinaüthü kü mepa ammi düktepa, hayü ngei kü dükpeih” shei jangei ehen.

MATHI 25:45

Hahepak kü büpai jomphong kü, “Hingmei ngei am kü enyeih, hathü khongkü maanpü hük kü ammi nedükpeyü ngei kü nedükpeih” shei ehen.

LUK SHAHSHA APPÜ 24:27

Hapheikü Mosa kübü pangei thibüthüi nyangpü laithü kübü büpa jung epü peü nih-eikhoei eteke.

ROM SHAHSHA APPÜ 4:11

Büpa shao-üng mangjapi nyushi hinglempai dangpü daülangshemshepü füoshang vaishi japhen nyangeihepü dangpeih. Hapalei mükhongü üami nejapjapi hinglem, hatü üam kü daülangshemshepü shei ieyeilem, hathü peüei pa leihen,

1 KORINT 1:30

Büpayü Jisu Khrista kü ammei yangnyu ngamshing; büpayü jen shing Kahvang leipü kihikon, daülangshemshepü, daühüpü hatü angei leibü leipeih;

GALATIA 3:16

Shaang Abraham hatü büpalei li kü lahpüthü ling; “Nüngei lihilathü kü” shei longi nyupükei eyei neshiü, shejao, “Nüngei li kü” shei eyei nyüke, lappai, shennyak hük, hapayü Khrista.

GALATIA 3:28

Sheyü hajük kü Jehoda am nevaijü Greek am, aa nevaijü bümei, nyüha nevaijü baha baong hanpü meheyao neshiü; mehenangkü am peü Khrista kü hük khan.

GALATIA 3:8

Kung amao hinglempai Kahvangi dahshakhühen shei Laihingi yeihshi eeyei sheleiüng hapa shahjangmei Abraham kü, “Kung am peü nüng homei moihimanhen” shei baongei eteke.

EPHESIA 1:3

Jen kü vangsho nyuichingei Khrista kü lemphü laangha moihiman shuohpü Kahvang hatü Shembüpa Jisu Khristalei Pa men longtuh.

KOLOSI 3:11

Hapa ja lingpü kü hajük kü Greek hatü Jehoda, japtükpü hatü nejappü, lemphü kü ngaümpheilei nyupü am, Sithia am, aa hatü bümei shei neshiü, shejao Khristayü peü kü peü.

SHAKEI VAMPÜ 7:9

Hapa pheikü ngei veishuohjü iehen neaoki khongnyü longpü hük kahmük, jat, nanglakthü hatü shahlem longi Mi Chehalei ong uoshing touei bhagthuh shola thuhtü jomei lakei palm pükaothü notü nyuteke.