KAHBHAO 12:2 - DAÜLANGPÜ LAIHING (BSI)

² “Ngei-i nüngü jat longpü hük leihühen, hatü ngei nüng kü moihimanhen. Ngei nüngei men longpü leihühen, hatü nüngü moihimanpü leihen.

KAHBHAO 12:2 Iomraidhean Croise

KAHBHAO 13:16

Ngei nüngei lihila molo bhihhiphang kei leihühen. Hanei ami molo bhihhiphang ieaokjema nüngei hühihathüao ieaokhen.

KAHBHAO 15:5

Büpai büpa kü chingshelei ngaiyei, “Vangsholei ngangei veituh, hatü nüngi ieaokülashang lithathü ietuh” shei e. Hapheikü büpai, “Hapa keiha nüngei hühihathü nyuhen” shei e.

KAHBHAO 17:20

Ishmael shingvaishi nüngi phepü ngei danphei: Hingmei ngei büpa kü moihimanhen; ngei büpa kü hapeü longi shuoh-ei hühihathü dahühen. Büpayü ong anpünyilei pa vaihen, hatü ngei büpayü jat longpü hük leihühen.

KAHBHAO 18:18

Abrahamei hühihathüi longpü hatü wong kohpü jat hük leihen, hatü büpa homei kahdoknyü jatthü peü moihimanhen.

KAHBHAO 18:19

Mehenangkü mehe jiüpü hatü shahhing ha dükei Shembüpalei lem kü kamhen shingvaishi büpai laophülei hapeüthü hatü shem am kü nyuhhen venhen ngei Abraham jepeih; shejüang Shembüpai Abraham kü mehe lahpa, ha koei peihen” shei e.

KAHBHAO 19:29

Shejao mechem Shembüpai Lot nyupü kahji leipü chingnyü nyi mahtükpa, büpai Abraham deihpü nangkü Lot müei yanglem yemei deilang.

KAHBHAO 24:1

Shaang Abrahamü viüei bong longi dai, hatü Shembüpai Abraham kü lemphü lem kü moihiman.

KAHBHAO 24:35

Shembüpai ngelei shembü kü longi moihimanei büpa shemmei leiteke. Büpai büpa kü mi, mohoh, hon, ngin, nyüha, baha aathü, ut hatü gadu longi shuohteke.

KAHBHAO 25:11

Abraham dipheikü Kahvangi Isak kü moihiman; büpa hahepak kü Beerlahai-roi shei epü shingei nyu.

KAHBHAO 26:3

Hapa kahdokei kanja nyutuh, hatü ngei nüng mü nyuhen hatü moihimanphahen. Nüng hatü nüngei hühihathü shing hapa kahdok kemei shuohhen, hatü ngei ampa Abraham kü lahpü ha jiühühen.

KAHBHAO 26:4

Ngei nüngei hapeüthü vangsho lithathü kei leihühen, hatü nüngei hühihathü kü hapa kahdok kemei shuohhen, hatü nüngei hühihathü homei kahdoknyü jatthü peü moihiman danghen.

KAHBHAO 27:29

Nanglakthüi nüng chongnyempho, hatü jatthüi nüng kü aümei nyemkhüm. Nüngi nüngei jeihinaüthü shak kü shembü vaituh, hatü anyüi bühpü hapeüthüi nüng kü aümei nyemkhüm. Nüng kü thaüvaüpüthü kü thaüvaü hettuh, hatü nüng kü moihimanpüthü kü moihiman nyutuh.”

KAHBHAO 28:14

hatü nüngei lihilathü molo bhihhiphang kei nyuhen, hatü jomphongü heong heshü apsha pehe peü lemei daei daihen, hatü nüng hatü nüngei lihila homei kahdoknyü nanglak peü moihimanhen.

KAHBHAO 35:11

Kahvangi büpa kü, “Ngeiyü Jeiyong Kahvang: Nüng kü betjük jükei nanglak longi datuh; nüng kübü jat hük hatü jat khong longi vamhen, hatü nüng kübü ongthü vamhen.

KAHBHAO 46:3

Hahepak kü büpai, “Ngeiyü Kahvang, ampa amei Kahvang. Nüng Ijiplei yiühen tenyem; mehenangkü ngei nüng jat longpü hük leihühen.

2 SAMUEL 7:9

hatü nüng melei dai halei ngei nüng mü nyu, hatü nüng toueipü vepathü peü ngei neütük; hatü kahdoknyü kü peü mü longpü shennyakei men keiha ngei nüngei men longpü leihüpeih.

1 ONGPATHÜ 1:47

Nyeinya vaishi ongpalei chongphobüthüi David ongpa kü, ‘Nüngei Kahvangi Solomonei men, hatü büpalei ongching nüngei ongching mao nyeinya men-e hatü longpü nyemleihü!’ shei mongmei shah ehen peinyu khih, hatü ongpai büpalei lüngei aümei khümei,

JOB SHAHSHA APPÜ 35:8

Nüngei mangi nüng keipüthü kü sheünyüke, hatü nüng daülangshemshepai mih nanglei dangnyüke.

MENVIH KESHO 107:38

Büpalei moihimani jom longi daeishenyeih, hatü büpai jomei yemhimak nyokei neleitüknyih.

MÜLANGPÜ 1:7

Shejao Israel hapeüthü nanglak longi da, hatü wong koh-ei lei, hatü Ijip kahdokü jomi mateke.

MÜLANGPÜ 32:10

Shaang ngei ngelei mongshih vamhen hatü jom mahtükkemhen. Ngei nüng kübü jat longpü hük linghen” shei eteke.

ISAIAH 51:2

Ampa Abraham hi am bühpü Sarah nyi kü veituh; Ngei mechem büpa kü nyükpa, büpa hapeü nenyuham, shejao ngei büpa kü moihiman, hatü hühiha longi dahüpeih.

EZEKIEL 34:26

Ngei jom hatü ngelei kahshang shinei nyupü shingthü kü moihimanhen; ngei hepak vangpan kü jiüshi vang shomhen; halei moihimanpü vang keihen.

MIKA 7:20

Nüngi aivang den mü hamei bühipathü kü lahpü keiha, nüngi Jakob kü shahhing dükhen, hatü Abraham kü phahji yahyang huhen.”

ZEKHARIAH 8:13

Oh Judah hatü Israel phang, jatthü khongkü am thaüvaütükpü jat nyuteke, shejao ngei am yanghen, hatü amü moihimanpü hük vaihen. Tenyem, shejao monglongtuh.”

BHEI-IE 14:12

Ngei jom kü cham shomei dihühen, shejao ngei nüng kübü jom mü longpü hatü wong kohpü jat hük linghen” shei eteke.

BHEI-IE 22:12

Shejao Kahvangi Balaam kü, “Nüng jomphong mü tedai, hatü hathü nanglakthü kü tethaüvaü; mehenangkü jomphongü moihimanpüthü nyüke” shei e.

BHEI-IE 23:20

Ngei kü moihimaneishuoh shei ephopeih; Mechem büpai moihimanhen, ngei ha neyeiya-aokpih.

ROM SHAHSHA APPÜ 4:11

Büpa shao-üng mangjapi nyushi hinglempai dangpü daülangshemshepü füoshang vaishi japhen nyangeihepü dangpeih. Hapalei mükhongü üami nejapjapi hinglem, hatü üam kü daülangshemshepü shei ieyeilem, hathü peüei pa leihen,

GALATIA 3:14

Khrista Jisu homei Abraham kü shuohpü moihiman Kung am touei peihen; shejüang hinglempü homei Laanghai lahpü danghen.

GALATIA 3:7

Hanangkü veituh, üami hinglem, hathüyü Abrahamei hühihathü.

SHAHKÜP 26:5

Hapheikü Shembüpa, ammei Kahvang tou kü hapakei baonghen, “Hamei bühipayü Aramea am kei longteihampeih, hatü Ijiplei nanglak maani mon yiüei nyuteke, shejao halei nyuei longpü wong kohpü hatü nanglak ahpü jat hük leiteke.