KAHBHAO 1:9 - DAÜLANGPÜ LAIHING (BSI)

⁹ Hapheikü Kahvangi, “Vangshang phang kübü yungthü shing hükei thaidaituh, hatü kahvan vamtuh” shei e, hatü ha vam.

KAHBHAO 1:9 Iomraidhean Croise

KAHBHAO 1:8

Kahvangi hapa shingkong kü, “Vangshang” shei men, hatü om dhü, hatü dhom shei nyipabü nyih nyuteke.

NEHEMIAH 9:6

Nüng monha Shembüpa, nüngi vangshothü hatü vangsho lithilenthü, kahdoknyü hatü ha shak kü nyupü peü, yungching hatü halei nyupü peü lingpeih. Nüngi hathü peü kü yangnyu shuoh, hatü vangshothüi nüng kü khümnyüke.

JOB SHAHSHA APPÜ 26:10

Büpai yungching shangkü viong lingei vangnyak hi vangngai baong hannyüke.

JOB SHAHSHA APPÜ 26:7

Büpai heongphi kong kü sheüshi tuhnyüke, hatü kahdoknyü shingkong kü sheüshi nyüke.

MENVIH KESHO 104:3

nüngi yung shangkü laophülei shem veteke, nüngi phumthü koyei khari vaihü, nüngi phumei yang kü uotü longtei;

MENVIH KESHO 33:7

Büpai dük kü shihpükei yungching yungthü thailangnyeih; büpai yungching ilangmong tuhshingei tuhlangnyeih.

MENVIH KESHO 95:5

Yungchingao büpalei, büpai ha lingpeih, hatü kahdokvanao büpalei laki lingpeih.

CHONGVENBÜ 1:7

Shoha kemei yungching kü cheinyüpeih, shejao mechemao yungching nemanyih. Shohathü vampü shingei-üng shao nyokei leidainyeih.

JEREMIAH 5:22

Ngei kü nenyemnyu je? shei Shembüpai enyüke. Nüngi ngei touei nekheünyu je? Ngei yungching kü viongü bhih moni kungtü tuhpeih; lenei neheihhen mü denshing viong lingpeih; yungmoki yung lemei heihjao hapai neaoknyu; jom ngüngjao jomi ha peih-ei neheih-aoknyu.

JONAH 1:9

Jonah-i, “Ngeiyü Hebrew am hih” shei jangei e. “Ngei Shembüpa, vangsho Kahvang, üpai yungching hatü kahdoknyü ling, büpa kü khümnyüpeih” shei jangei e.

2 PETER 3:5

Hepak longi daiteke, Kahvangei shah-i vangshothü vamhüpeih, hatü kahdoknyü-ü yung kübü vamhüpeih hatü yung homei vamhüpeih shei epü shahhing jomi nyingshangi yaktüknyüke.

SHAKEI VAMPÜ 10:6

den den kü nyupüba üpai vangsho hatü halei nyupü, kahdok hatü halei nyupü hatü yungching hatü halei nyupü ling, büpalei men kü vangteke: “Pheiyei nenyupih,