6 Hapheikü Kahvangi, “Yung kübü yung handaitü ha aa kü shingkong vamtuh” shei e.
Hapheikü Kahvangi, “Vangnyak kübü vangngai hanhen shingvaishi vangshangei vangngaithü vamtuh, hatü hathüi hepak vangpan, nyih hatü bongthü nyinghen nyangeihepü hük vaihütuh,
Hapheikü Kahvangi, “Yungi yungyen vamhütuh, hatü kahdok shak kü vangshangei ouhiyüh piteituh” shei e.
Büpalei ngüi vangshothü nethe meihünyeih; büpalei laki mokdaipü biüao shüh-ei jünyüpeih.
Büpai phumthih kübü klang nyephünyeih, hatü nyaühiphum klang shomnyeih.
Büpai kei nyiam kei vaanshi nüngi vangshangthü paanei deishih aoküla?
Ashak ümpü keiha vangngai-i jümshi nyüke. Nüngi ashakshem paanpü keiha vangshothü paanei deishih;
Shaopü vangshothüi büpa vihtuh; hatü vangshothü dok kübü yungthüi büpa vihtuh.
Shembüpa vihtuh! Büpalei daülangpü shemei büpa vihtuh; phumshangthü leiyao büpa vihtuh.
Vangshothüi Kahvang müknyinshekhang jung enyüke, hatü vangshangthüi büpalei lakdou jung baongnyüke.
Nyihjeih jomi ngaiyei enyüke; yajeih jomi kihikon hunyüke.
Shembüpalei shah-i vangshothü lingpeih, hatü büpai ngü heepai lithathü peü lingpeih.
Büpai shah e, hatü kahdoknyü vampeih; büpai ngeükhüam shuoh, hatü peü vampeih.
Mechem phum thihhenshang kahdok kü vang keinyüpeih; Pü hük pehe lemei dohen hi apsha lemei dohenshang dopü shingei lemshi nyudainyeih.
Büpai kahdoknyü toilangpü shangkü ong uoshing kü uoshi nyüke, hatü haleipü shennyakthüyü shoukha melaü kei nyüke. Ashak paanpü keiha büpai vangshothü paanhüpeih, hatü nyuhen shingvaishi ashakshem paanei vepü keiha büpai hathü paanhüpeih.
Shejao Shembüpayü hingshangpü Kahvang; büpayü vanyangyem Kahvang, nedohnetenpü Ongpa. Mechem büpa mongshihhen, kahdok jennyüpeih; jatthüi büpa mongshihpü nenenaoknyih.
Büpai laophülei ngani kahdoknyü lingpeih; büpalei kihikoni kahdoknyü chongnyiam lingpeih, hatü büpalei danaokpü koni vangshothü paanei deishihpeih.
Hapayü Israel am nangkü Shembüpalei shah nyüke: Shembüpa, üpai vangshothü paanei kangei deishihpa, üpai kahdoknyü chongnyiam lingpa, hatü üpai hangkuli kü laangha lingpa, büpai enyüke:
Hepak longi daiteke, Kahvangei shah-i vangshothü vamhüpeih, hatü kahdoknyü-ü yung kübü vamhüpeih hatü yung homei vamhüpeih shei epü shahhing jomi nyingshangi yaktüknyüke.