JOSHUA 9:1 - DAÜLANGPÜ LAIHING (BSI)

¹ Mechem Jordan yungdang heshüphi kahshang hatü kahshangla hatü Mediterranean yungkung kahjishong kübü Lebanon apshaphi thahshi nyupü Hit, Amor, Kanan, Perizz, Hiv hatü Jebus ongthüi Israel ami vehok neüpü jung danpa,

JOSHUA 9:1 Iomraidhean Croise

2 SAMUEL 24:7

hatü Tyre amei penyüsha hatü Hiv hatü Kanan amei chingnyüthü peüei pei, hatü jomi Judah pehephi Beer-shebalei shomei pei.

MÜLANGPÜ 23:23

Ngelei phongshani am sheshongkahen, hatü am Amor, Hit, Pirizz, Kanan, Hiv, hatü Jebus amei kahdokei müei leihen, hatü ngei jom mahtükhen,

MÜLANGPÜ 23:31

Ngei ammei viong Hakla Yungching kübü Philistia Yungching thahshi, hatü yingnyü kübü Euphrates yungyen thahshi linghen; mehenangkü ngei kahdok kü nyupüthü ammei lak kü lanei shuohhen, hatü am theetei heihyaki jom changtükhen.

MÜLANGPÜ 3:17

Ngei am Ijip kahdokei shangpong yakyingpü kübü amma hatü nyahjiü yenpü Kanan, Hit, Amor, Perizz, Hiv, hatü Jebus amei kahdokei mülanghen ngei temtepih.”

MÜLANGPÜ 34:11

Shinnyih ngei am kü shuohpü shahkungnyü ven bangtuh. Ngei am toueipü Amor am, Kanan am, Hit am, Perizz am, Hiv am, hatü Jebus am changtükhen.

BHEI-IE 13:29

Amalek am Negebei nyunyu khih; Hit, Jebus hatü Amor am phaüshang kahdokei nyunyu khih; hatü Kanan am Mediterranean Yungching hatü Jordan yungyen yungkung kü nyunyu khih” shei ejateke.

BHEI-IE 34:6

Heshüphi kü viongü Mediterranean yungching nyuhen.

SHAHKÜP 1:7

Ammei baümtapthü bentüktuh hatü phaüshang kahmük Amorlei aongtuh hatü Arabah kü nyupü shennyakthü kahshangthülei heshüphi kahshangla kü, Negeb kü hatü Mediterranean yungkung kü Kanan am, hatü Lebanon hatü longpü Euphrates yungyen thahshi daituh.

SHAHKÜP 3:25

Shembüpa, ngei Jordan yungyen homei heih-ei kahcheü kohpü kahdok, nethe meipü phaüshang kahmük hatü Lebanon kü veishah” shei eteke.

SHAHKÜP 4:49

hatü Jordan yungyen heongphi kübü heshüphi Dipü Yungching thahshi hatü Pisgah Kahshangla thahshi nyuteke.

SHAHKÜP 7:1

Mechem Shembüpa, ammei Kahvangi am kü hapa kahdok shuohhen shingvaishi müei leihenshang, büpai am mü longpü hatü wong kohpü jat nyet– Hit am, Girgash am, Amor am, Kanan am, Perizz am, Hiv am, hatü Jebus am amphong toueipü changtükhen.

JOSHUA 1:15

Shembüpa, ammei Kahvangi am kü shuohpü kahdok kü am nyiushem meipükei Shembüpai jom kao nyiushemmei mangshuoh thahshi amphongi ammei jeihinaüthü kü sheühtuh. Hapheikü am nyokei leiyei Shembüpa chongphobü Mosai Jordan apshaphi kü am kü shuohpü kahdokei chongkhenei nyutuh.”

JOSHUA 1:4

Ammei kahdok jahpan kübü Lebanon thahshi, hatü longpü yingnyü Euphrates kübü Hit amei kahdok peü homei heshüphi kü Mediterranean Yungching thahshi nyuhen.

JOSHUA 10:23

Hanangkü yaongsha aptü haleipü Jerusalem, Hebron, Jarmuth, Lakhish hatü Eglon amei ongthü müei deijateke.

JOSHUA 11:17

Halak Kahshang kübü Seir philei heihdaipü Hermon Kahshang phangkü Lebanon kahji Baal-gad thahshi yahteke. Büpai jomei ongthü kemei yepei lei, hatü deh-ei jütükkem.

JOSHUA 13:5

hatü Gebal amei kahdok, hatü heongphi kü Lebanon kemei, Hermon Kahshang pehephi Baal-gad kübü Lebo-Hamath thahshi nyüke” shei e.

JOSHUA 15:12

Heshüphi viongü yungching yungkung aimü nyuteke. Hathüyü Judah nanglakthü mükhiphangthü kü shinpü viong.

JOSHUA 22:4

Shaang, Shembüpa, ammei Kahvangi ammei jeihinaüthü kü büpai lahpükei nyiushemmei shuohteke, sheyü Shembüpalei chongphobü Mosai Jordan yungdangei am kü yahphopü kahdokei nyokei leituh.

JOSHUA 22:7

Bhaosheipü Manasseh jat kü Mosai Bashanei kahdok shuoh, hatü bhaosheipü jat kü Joshua-i Jordan yung heshüphi lemei jeihinaüthü mü kahdokü shuohteke. Mechem Joshua-i jom leishihpa, büpai jom kü,

JOSHUA 23:4

Aoei nyupü jatthülei kahdok hatü Jordan hayü heshüphi Mediterranean yungching aa kü nyupü ngei neütükpü jatthü kemei ngei mükjüp vaishi ammei jatthü kü hanei shuohtepih.

JOSHUA 24:11

Hapheikü am Jordan yung homei Jerikolei peipeih. Amor am, Perizz am, Kanan am, Hit am, Girgash am, Hiv am, hatü Jebus ami keiha Jeriko amiyao am mü hokpeih, shejao ngei ammei lak kü jom shuohpeih.

JOSHUA 3:10

Hapa keiha vanyangyem Kahvang am mü nyüke, hatü büpai hingmei am toueipü Kanan am, Hit am, Hiv am, Perizz am, Girgash am, Amor am hatü Jebus am changtükphahen shei ammi nyinghen.

JOSHUA 3:17

Mechem nanglakthüi kahvan kü yungdang homei daipa, ngongpathüi Shembüpalei Vangpüshuwpü Pela paitü Jordan yung jiamei kahvan kü yaongshi nyuteke.

JOSHUA 5:1

Mechem Jordan heshüphi kü nyupü Amor ongthüi hatü Mediterranean Yungching yungkung kü nyupü Kanan ongthüi Israel am manghomkem thahshi Shembüpai Jordan yung ütükpü ha jung danei jom nyempai mong mahdai hatü jom hokhen mongnelong.

JOSHUA 6:27

Hanangkü Shembüpa Joshua mü nyu, hatü büpalei men kahdoknyü peü lemei yaüei daiteke.

JOSHUA 9:7

Shejao Israel shennyakthüi, “Mehekei hami am mü chingmei linghen? Üpai nyingpa, amü yopailei nyupü am vaihen aokpeih” shei e.