JOSHUA 7:6 - DAÜLANGPÜ LAIHING (BSI)

⁶ Hahepak kü Joshua-i laophülei ashak shaaktük, hatü om dhüshi Shembüpalei Vangpüshuwpü Pela touei kahdok kü dhe shüshi nyuteke. Israel am behethüiyao hapakei dük hatü shangjing kü bhihla nyioteke.

JOSHUA 7:6 Iomraidhean Croise

KAHBHAO 37:29

Mechem Reuben nyokei leiyei kahshalei veipa, büpai Joseph ne-eepü nangkü büpai laophülei ashak shaaktük.

KAHBHAO 37:34

Hahepak kü Jakobi laophülei ashak shaaktük, hatü shüng kü dhoila ashak ngeihtü nyih longi mahng thep.

2 SAMUEL 1:11

Hahepak kü Davidi laophülei ashak shaaktük hatü büpa mü nyupüthü peüi hapakei dük.

2 SAMUEL 1:12

Jomi Saul hatü cheha Jonathan nyi hatü Shembüpalei veshanthü hatü Israel phang mih-ei yani mahdaipü nangkü youngei mahng thep, hatü om dhüshi shüaeiyungle.

2 SAMUEL 1:2

Nyih jempabü kü Saulei baümtap leipü shennyak hük büpalei büm-ow kemei shaaktüktü shangjing kü bhihla nyiotü David touei peiyei dhüm huei kahdokei doei lem.

2 SAMUEL 12:16

Davidi naü nangkü Kahvang kü phop. Büpai shüaeiyungleyei shem mongei shüei yajeih kahdokei lemshi nyu.

2 SAMUEL 13:19

Tamar-i pinnyülei shangjing kü depla nyio, hatü pinnyüi owshi nyupü bhagthuh lupü shaaktüktü pinnyülei laki shangjing kü düktü thepyaki leiteke.

2 SAMUEL 13:31

Ongpai yaongei büpalei ashak kemei shaaktüktü kahdokei lem, hatü büpalei chongphobüthüi jomei ashak kemei shaaktüktü büpa touei yaong.

2 ONGPATHÜ 22:11

Mechem ongpai hapa Shahkungnyü Laitap leipü shahthü danpa, büpai laophülei ashakviha shaak,

2 SHÜPPÜKENGPÜ 34:19

Mechem ongpai shahkungnyü leipü shahthü danpa, büpai laophülei ashakviha shaaktük.

EZRA 10:1

Mechem Ezra-i phopei, mang lah-ei, thepei Kahvangei phopshem chingshelei shükshi nyupa, Israel am khong longinyüha, baha hatü hashihthü büpa shonei thai, hatü jomao shahyaki thep.

NEHEMIAH 9:1

Hapa len nyih hapüalipabü kü Israel nanglakthü peü thaiyei dhoila ashak ümtü kahdok nyiotü shüaeiyungleteke.

ESTHER 4:1

Mechem Mordekai-i hathü dou dükpü jung danpa, büpai laophülei ashak shaaktük, hatü dhoila ashak üm, depla nyiotü shahyaki wongmü thepyaki chingnyülei dai.

ESTHER 4:3

Ongpai yanpü shahkung dangpü chingnyü peülei Jehoda am theppüyoungpü hatü shüaeiyunglepai maei jom longshishing dhoila ashak ümtü lemshi nyuteke.

JOB SHAHSHA APPÜ 1:20

Hahepak kü Job yaong hatü büpalei ashak shaaktük, sho chaei kuptük hatü kahdokei aümei shaei khüm,

JOB SHAHSHA APPÜ 2:12

Mechem jomi tailei büpa eepa, jomi büpa khih shei nenyingaok; mechem büpa khih shei nyingpa, jomi wongmü thep, jomei ashakviha shaaktük, hatü shangjing kü depla nyioteke,

JOB SHAHSHA APPÜ 42:6

Hanangkü ngei etükpeyü nejiü shei ngei lahnyeih, hatü ngei bhihla hatü depla kü hoiyei mong lepnyeih.”

YOUNG LAI 2:10

Zion nela khong kübü behethüi sheyü ju kübü shah nevami kahdokei uoshi nyüke; Jomei shangjing kü bhihla nyiotü, hatü dhoila ashaki jümtü nyüke. Jerusalem nelathüao kahdokei dhe aümei shanyüke.

BHEI-IE 14:6

Nunei cheha Joshua hatü Jephunnehlei cheha Kaleb üpa nyi-i kahmük doknüng daipü kü ompa, mongkü tüngei jijilei ashakviha shaaktük,

BHEI-IE 16:22

Shejao Mosa hatü Aaron nyi-i kahdok philei dhe thaungei shatü lenei, “Oh Kahvang, hangkuli peüei laangha shak kü Kahvang, shennyak hüki mon mang thahjü khong peü kü nüngi mongshihhen je?” shei e.

BHEI-IE 16:45

“Khong toueipü shindaishih, ngei chemjalak kü hathü shennyakthü jütükhen hih” shei e, hatü jiji dhe thaungei sha,

PHONGSHANTHÜ DOU 14:14

Mechem phongshan Paul hi Barnabas nyi-i ha danpa, jijinyi-i ashakviha shaaktüktü lenyaki khongnyü lemei mokei heih.

JOSHUA 7:7

Hatü Joshua-i, “Oh Shembüpa Kahvang, mehekei nüngi ha nanglakthü Jordan yung homei Amor ami jütükhen shingvaishi jomei lak kü shuohhen müei deipa? Jordan yungdangei nyudailangmeyü meihah shepeih!

SHAKEI VAMPÜ 18:19

Jom thepei youngei nyushingkü jomi jomei shangjing kü kübhih mukei sheptü lenei hapakei ehen: “Onyükei, onyükei, longpü chingnyü, jahas angpüthü peü pinnyülei mopi shemmei leipüthü melei daipa! Mehenangkü ghonda hük kü pinnyü nyadaiteke.

SHAHPHENBÜTHÜ 11:35

Mechem büpai pinnyü eepa, büpai mongshangei laophülei ashak shaaktük hatü lenei, “Oh ngelei yiükha! Nüngi ngelei mongdang mangtükteke! Mehenangkü ngei Shembüpa kü vangpüshuwpü hük lingpeih, hatü ngei ha mangtüknüng neaok” shei e.

SHAHPHENBÜTHÜ 20:23

hatü Israel am aongei om dhüshi Shembüpa kü thep, hatü Shembüpa kü, “Hamei jeihinaü Benjamin am mü khüei hokhen ham aongüla?” shei pheyei e. Shembüpai, “Aongei hoktuh” shei e.

SHAHPHENBÜTHÜ 20:26

Hahepak kü Israel shennyakthü hatü veshanthü kemei Bethelei aongei Shembüpa touei thepei uo, hatü om dhüshi jomphongi shüaeiyungleyei Shembüpa kü lanei jakpü moila hatü mongjempü moila shuoh,

SHAHPHENBÜTHÜ 21:2

Israel nanglakthü Bethelei heih-ei om dhüshi Kahvang touei ngeüwong anei shahyaki thepei,

1 SAMUEL 4:12

Ha nyih Benjamin am shennyak hük thepju kübü büpalei ashak shaktüktü, hatü shangjing kü kahdok nyiotü Shilohlei leiteke.