JOSHUA 7:24 - DAÜLANGPÜ LAIHING (BSI)

²⁴ Hahepak kü Joshua hatü Israel am peüi Zerahlei cheha Akhan, ngin, bhagthuh, hon, büpalei hapeüthü, büpalei mohoh, gadu hatü mi, büpalei ashakshem hatü büpalei nyupü lemphü yah-ei Akhor Kahjilei deiteke.

JOSHUA 7:24 Iomraidhean Croise

KAHBHAO 18:25

“Henüng keipü dou dükkahen shei nüngi tedeihhah; daülangpüthü mangthü mü aihük mü jütükhen shei nüngi tedeih. Kahdoknyü peü kü Shahphenbüi jiüpü nedükhen je?”

JOB SHAHSHA APPÜ 20:15

Büpai mophimo lühnyüke, hatü shao bhaitüknyüke; Kahvangi jomei mongeipü bhaitükhünyüke.

MÜLANGPÜ 20:5

Ammi hathü kü aümei tesha nevaijü ha kü tekhüm; mehenangkü ngeiyü Shembüpa, ammei Kahvangü mükhühpü Kahvang. Ngei yaktükpü nyühipathülei hühihathü kü denshem jem, ali thahshi ngei hanghi shuohnyüpeih,

KANDOK 15:27

Hahnempü shennyaki laophülei shemong kü shanghah koei leinyüpeih, shejao üpai yawhdou kü jiühitnya, yemmü nyuhen.

CHONGVENBÜ 5:13

Vanghenyü phangkü ahshi-üng nemeipü mang ngei eetepih: Shemmeithüi jom shanghahpü nyih nohen mop jaoei tuhnyüke,

ISAIAH 65:10

Ngei yempü ngelei nanglakthü shingvaishi Sharonü jomei mithüi het hahshing, hatü Akhor kahjiyü jomei yemhathü lemeilehen shing vaihen.

HOSEA 2:15

Halei ngei pinnyü kü pinnyülei nyalingngupai yahshuohhen, hatü Akhor kahjiyü monglempü kahji leihühen. Halei pinnyüi nela hepak kü keiha, hatü pinnyü Ijip leipü vamei daipü nyih kü kei ngei kü ephahen.

JOSHUA 15:7

Hapheikü shao viong Debir thahshi Akhor kahji kübü Gilgal apshaphi lemei nyokei leiyei Adummimei aongpü lem pehephi kahji kü dangteishi nyuteke. Ha kübü nedoh-i En-Shemesh yungyen kü phungei aongpü En-Rogel kü leanshi nyu.

JOSHUA 22:20

Mechem Zerahlei cheha Akhani douthü kemei mangtüktuh shei epü nebangi dükpai mang thahpa, hapa mangi Israel am khong kemei neponghah-angpü je? Büpalei mang nangkü büpa mon nemahangpih’ ” shei e.

JOSHUA 6:18

Shejao ammi mangtükhen nyupü douthü meheyao teyah; ammi hapakei dükjema, ammi Israel amei baümtapei shanghah hatü ten koei leihen.

JOSHUA 6:21

Jomei yani chingnyülei nyupü nyüha, baha, hashih hatü behe peü jütük; jomi mohoh, mi, hatü gaduthüao jütük.

JOSHUA 7:1

Shejao Israel ami mangtükhen epü dou meheyao teyah shei Shembüpai epü nebang. Judah am jat kübü Zerahlei cheha Zimri, Zimrilei cheha Karmi, Karmilei cheha Akhani dou hanei joei yahteke. Hanangkü Shembüpa mongshihpü Israel am khüei vam.

JOSHUA 7:23

Jomi ha shem leipü douthü yah-ei Joshua hatü Israel am peü touei dei, hatü Shembüpa touei ha laiteke.

JOSHUA 7:26

Jomi Akhanei mahng kü yaong longi thaiyei chetphong hatü hathü shinnyih thahshi nyüke. Hanangkü ha nyih mü leitü hapa shing kü, “Shanghah Kahji” shei nyüknyüke.