JOSHUA 7:21 - DAÜLANGPÜ LAIHING (BSI)

²¹ Jeni yahpü douthü khongkü ngei Babylon amei bhagthuh meipü hük, ngin dok nyi hükshing, hatü hon dokbhao shei ahshi-üng mükhühshi eepü nangkü ngei hathü yahpeih. Hathüyü hamei ashakshemei kahdok shotü ngin peü mü phangei shihtü dungshi shepeih” shei Akhani e.

JOSHUA 7:21 Iomraidhean Croise

KAHBHAO 10:10

Shongpü büpalei ongchong chingü Babylon, Erekh, Akkad hatü Kalneh nyu. Hathüyü Shinar kahdokei nyu.

KAHBHAO 3:6

Mechem hapa nyühai hapa pü kübü betjükü hahhen meihen khih, veihenao meiangke hatü kihikon danghenao lümshi khih shei veiaokpa, pinnyüi maani yah-ei ha hah. Shao pinnyüi pinnyü mü nyupü chepaha kao hanei shuoh, hatü büpai ha hah.

KAHBHAO 34:27

hatü Jakobei lebü hapeüthü peiyei chenaü mangtükpü nangkü chingnyü leipü mop kemei yah-ei leilang.

KAHBHAO 6:2

Kahvang hathüi hangkuli yiükha nela meipü ee, hatü jomi jepüthü mü shem yem.

2 SAMUEL 11:2

Nyih hük om hepak kü David shipü paoei shem adokei aongei kamteiyei nyu. Shem adok shangeipü büpai nyüha hük hangha lakei ee. Hapa nyühayü longi nela meipü nangkü,

2 ONGPATHÜ 7:8

Ngombüthüi baümtap jung phihük ngoiyei ashakshem hükei shüteke. Jomi hahying hah, hatü haleipü hon hi ngin, ashakviha yah-ei daiyei jotükkem. Shejao jom leilemei baümtap hükei shü, hatü haleipü dou hanei yah-ei hathüao jophong.

JOB SHAHSHA APPÜ 31:1

Nela hük kü ten deihshi vaüei neveihen ngei ngelei mük mü vangteitüktih.

MENVIH KESHO 119:37

Angsha kü veipü ngelei mük lepei leituh; nüngei lemthü kü ngei kü yangnyu yahshih.

MÜLANGPÜ 20:17

Nüngi nüngei chingyowlei shem kü vaüei tedeih; nüngi nüngei chingyowpalei nyüha kü vaüei tevei, nevaijü jomei mohoh nevaijü gadu nevaijü nüngei chingyowpalei lemphüli kü vaüei tedeih.

KANDOK 1:19

Shahhing ne-e-i mop napüthü peü kü hapakei dohpü peinyüke. Gühpai-üng gühpa heüei jütüknyüke.

KANDOK 23:31

Yiü hakpüh-i nyujao nüngi hapa kü tevei, mechem ha pati mongei laukei aonghen, ha inyainyiami lühdainyeih.

KANDOK 28:22

Taohinangi büpa danei nyüpeih shei nenyingi kaungtut shennyaki shemmei leihen shülangnyeih.

KANDOK 4:23

Peü mü nüngei mongdang yomtuh, mehenangkü hapayü yangnyu yunglok khih.

ISAIAH 28:15

“Hami dipü mü vangpüshuwpü lingtepih, mahngchong mü shah shettepih shei changmeinyüke. Shanghah vongshüh dhaümshing kü ham neponghahpih; mehenangkü shahshemü hamei loishing, hatü peileipeyü ham joshing shei deihnyüke.”

ISAIAH 29:15

Am üami Shembüpa kü ammei küpjan chüloh-i jonya, hatü ammei dou vangnyakei jonya, hatü, “Üpai ham eehen? Üpai ham nyinghen?” shei epüthü onyükei!

HABAKKUK 2:9

“Nyemhihan vongshüh kübü yanghen shingvaishi shahhing ne-epü mopi bükhishem jaan mü jaan mü vepüthü onyükei.”

LUK SHAHSHA APPÜ 12:15

Shao büpai jomphong kü, “Lituh! Maong nyeipü lemphü kübü am yanei nyutuh; mehenangkü mop changshi nyupai shennyak hük yangnyu nenyunyih” shei e.

LUK SHAHSHA APPÜ 12:2

Shakei nevamhen mü meheyao küpei neshiü, hatü nenyinghen mü meheyao joshi neshiü.

EPHESIA 5:3

Shejao iyjeiphailei hatü nedaünelangpü lemphü, nevaijü hahnempü henüng keipü ammi te-etei; mehenangkü daülangpüthü touei ha jiüpü nevai.

EPHESIA 5:5

Iyjeiphailei, nedaünelangpü shennyak nevaijü hahnempü (hayü lajei kü khümpü hük) üpayao Khrista hatü Kahvang ongching kü mükjüp neshiüpih shei ha nyingtuh.

SHAHKÜP 7:25

Ammi jomei kahvangei lajeithü aw kü jaktükhen. Hathü shihpü hon hi nginthü kü amphongi mük tehüh, hatü amphongi laophü shing ha teyah; hei nevaijema hapai aethitai vaikahen, hatü Shembüpa, ammei Kahvang touei hapayü jiühitbenüng nyüke.

KOLOSI 3:5

Hanangkü am kü nyupü kahdoknyü nyingnyoilei douthü peü dihütuh: iyjeiphailei, nedaüpü, iyhiphai-i napü, ten vaüpü, hahnempü (mepa yaongnaüya khümpü nyüpa),

HEBREW 13:5

Nüngei yangnyu lop bampü kübü yangei nyutuh, hatü mehe ang, ha kü mong hüshemei nyutuh; mehenangkü büpai, “Ngei nüng netuhphongpih nevaijü neyakphongpih” shei eteke.

JAKOB 1:15

Hapheikü laophüi yahhahhüpai büm nekongi leipheikü hapai mang bühnyeih; hatü hapa mang mechem lomei longhen, dipü bühnyeih.

JOSHUA 7:20

“Hayü hingmei-üng! Ngei Shembüpa, Israel amei Kahvang khüei mang thahteke. Ngei hapa dükpeih:

JOSHUA 7:22

Hanangkü Joshua-i shennyak hanei shom, hatü jomphongi ashakshemei mokei heih, hatü douthü kemei ashakshem mongei kahdok shotü ngin peü mü phangei shihtü dungshi chongjateke.

2 PETER 2:15

Jomi kangshangpü lem tuhtü Beorlei chehai nejiüpü dükpülei lat kü bampü Balaamei lem kü nyongei dainyüke,