JOSHUA 7:20 - DAÜLANGPÜ LAIHING (BSI)

²⁰ “Hayü hingmei-üng! Ngei Shembüpa, Israel amei Kahvang khüei mang thahteke. Ngei hapa dükpeih:

JOSHUA 7:20 Iomraidhean Croise

KAHBHAO 42:21

Jomphong hüki hük mü, “Jeni jenei naüpeü kü dükshuohpü hapalei mang nangkü ponghahnyu khih; büpa ponghahküpü jeni eephei; büpai ngei yangshih shei khümshingkü jeni ha nebangpeih. Hanangkü jen kü ha shanghah peipeih” shei etei.

JOB SHAHSHA APPÜ 33:27

Hapheikü büpa shennyak touei peiyei enyeih, “Ngei mang thahteke, hatü kangshangpü ngei kaoktükteke. Shejao ngelei mang shangshi hanghi neyahphaangpih.

JOB SHAHSHA APPÜ 7:20

Ngei mang thahpai nüng kü mehe dükphopa? Oh hangku Yombü? Mehekei ngeiyü nüngei mükshah pü leihünya? Ngei nüng kü ahshi hanggovih vaiküpü je?

MENVIH KESHO 38:18

Ngei ngelei mang lahnyeih; ngelei mangi ngei ponghahnyeih.

MÜLANGPÜ 10:16

Hahepak kü Pharaoh-i shüshülangi Mosa hatü Aaron nyi kü nyükei, “Ngei Shembüpa, ammei Kahvang hatü anji khüei mang thahteke.

MÜLANGPÜ 9:27

Hahepak kü Pharaoh-i Mosa hi Aaron nyi nyükei, “Shinnyih-ü ngei mang thahteke; Shembüpayü jiüshangpü nyüke, shejao ngei hatü ngelei nanglakthü nejiüpü khih.

BHEI-IE 22:34

Balaami vangsho phongshan kü, “Ngei mang thahteke. Ngelei yendai lem banghen nüng lemei yaongshi nyüpeih shei ngei nenyingangpih. Nüngi ngelei yendai nejiüang shei deihjema, ngei nyokei leidaihen” shei e.

MATHI 26:9

Mehenangkü hapa meli lop longi kü yutü hapa lop taopathü kü shuohhen vaipeih” shei e.

MATHI 27:4

Büpai, “Ngei daülangpü shennyak jühen luhahpai mang thahteke” shei e. Shejao jomphongi, “Hami ha mehe vaihen? Hayü nüng mong khihma” shei e.

JOSHUA 7:19

Hahepak kü Joshua-i Akhan kü, “Ngelei hapeü, Israel amei Kahvang kü müknyinshekhang shuohtuh hatü ngaiyei lahtuh. Nüngi mehe dükpa ha ngei kü eshih; ha ngei kü tejo” shei e.

JOSHUA 7:21

Jeni yahpü douthü khongkü ngei Babylon amei bhagthuh meipü hük, ngin dok nyi hükshing, hatü hon dokbhao shei ahshi-üng mükhühshi eepü nangkü ngei hathü yahpeih. Hathüyü hamei ashakshemei kahdok shotü ngin peü mü phangei shihtü dungshi shepeih” shei Akhani e.

1 SAMUEL 15:24

Sauli Samuel kü, “Ngei mang thahteke; mehenangkü ngei Shembüpalei shahkung shaiteke hatü nüngei shah nebang; mehenangkü ngei nanglakthü kü nyempai jomei shah bangpeih.

1 SAMUEL 15:30

Hahepak kü Sauli, “Ngei mang thahteke, shejao Israel am behethü hatü nanglakthü touei ngei kü dhüm huei ngei Shembüpa nüngei Kahvang kü khümhen chemi leishah” shei e.