JOSHUA 7:12 - DAÜLANGPÜ LAIHING (BSI)

¹² Hanangkü Israel ami vepathü khüei neyangaoki nyemei nyaipü khih; hanangkü jomphongao mahhen shangteke. Ngei teyah shei epü dou amphongi nemangtükpü thahshi ngei am mü nenyuküpih!

JOSHUA 7:12 Iomraidhean Croise

MENVIH KESHO 44:10

Nüngi ham vepathü toueipü nyaihü, hatü hamei vepathüi hamei douthü shetlangkem.

MENVIH KESHO 60:10

Nüngi ham yaktükei neshiüpa yo, Oh Kahvang? Nüngi hamei vepathü mü nedainyih, Oh Kahvang.

KANDOK 28:1

Üpaiyao nechangpü kü nemeipüthü nyaidainyeih, shejao daülangpüthü mailang kei monglongnyeih.

ISAIAH 59:2

Shejao ammi phoppü büpai nedanhen mü ammei mangi am Kahvang toueipü yandaipeih, hatü am pungpü homei büpalei dhe am toueipü jodaipeih.

JEREMIAH 23:33

Mechem hathü nanglakthü nevaijü thibüi nevaijü ngongpa hüki, “Shembüpalei shahjang mehe khih?” shei phehüjü nüngi hathü kü, “Amphongü hanggovih khih, hatü ngei amphong yakphonghen” shei Shembüpai enyüke shei etuh.

JEREMIAH 6:8

Shahvüng shuohpü bangtuh, Oh Jerusalem! Hei nevaijema ngei nüng toueipü nyokei lüdaihen, hatü üpayao nenyui hapa chingnyü lavüngtoiyei tuhphonghen.

HOSEA 9:12

Jomi hapeüthü bühlangmao, ngei jom hashih shihphonghen. Mechem ngei jom yakphonghen, jomü onyükei shei ponghen.

HABAKKUK 1:13

Ten kü veihen nüngei mükü ahshi-üng daülangpü nyüke, hatü douten dükpü kü nüngi neveihünyu. Shejema mehekei lawlüppüthü kü nüngi hei-üng veishi nyudainya? hatü nemeipüthüi jom mü nyeinya daülangpüthü lühtükpü kü nenmü veishi nyudainya?

BHEI-IE 14:39

Mechem Mosai Israel am peü kü hapa shahthü ejapa, jom shahyaki thep.

BHEI-IE 14:42

Amphong te-aongtei; mehenangkü Shembüpa am mü nenyu. Ammi ammei vepathüi neühahshasha;

BHEI-IE 14:43

mehenangkü halei ammi Amalek hatü Kanan am ponghen. Mehenangkü am Shembüpa toueipü yandaipü nangkü büpa am mü nenyukahen hatü amü vepathülei lak kü mahkemhen.”

BHEI-IE 14:45

Hahepak kü phaüshang kahmükei nyupü Amalek hatü Kanan am yiüei jom neütüktü Hormah thahshi jom kü changteke.

SHAHKÜP 7:26

Ammi laophülei shemei henüng jiühitbenüng yah-ei telei; hei nevaijema hathü keiha amphongao mahtükhen. Hathü kü chemjalak kü jiühittuh hatü yaktüktuh; mehenangkü hathüyü mahtükhen shingvaishi khaatei tuhtükpü nyüke.

JOSHUA 6:18

Shejao ammi mangtükhen nyupü douthü meheyao teyah; ammi hapakei dükjema, ammi Israel amei baümtapei shanghah hatü ten koei leihen.

SHAHPHENBÜTHÜ 16:20

Hahepak kü pinnyüi, “Samson! Philistia am peikünyüke!” shei büpa kü nyük. Büpa shipü pao, hatü sheleipü kei-üng daiaokhen shei deihshejao Kahvang büpa toueipü yandaiteke shei büpai nenying.

SHAHPHENBÜTHÜ 2:14

Hanangkü Israel am khüei Shembüpa mongshih vam, hatü büpai jom aetpüshepü hatü gühpathülei lak kü shuohtük. Büpai jom ngeih-ei shonei nyupü vepathülei lak kü shuohtük, hatü jomi vepathü khüei nehokaok.

SHAHPHENBÜTHÜ 2:4

Mechem Shembüpalei phongshani ha eyei kempa, Israel am kemei vaüei thepteke.

1 SAMUEL 14:38

Hanangkü Sauli mübüthü peü kü, “Hatouei thaikei, hatü shinnyih mehe mang thahpüshang yemshah” shei e.