JOSHUA 7:11 - DAÜLANGPÜ LAIHING (BSI)

¹¹ Israel am mang thahteke; jom kü ngei dükhen eshuohpü ngelei vangpüshuwpü mangtükteke. Jom kü ngei teyah, mangtüktuh shei epü dou hanei yah-ei nyüke; jomi gühteke; shahshem eteke; jomi hapa dou laophülei douthü mü tuh-ei nyüke.

JOSHUA 7:11 Iomraidhean Croise

2 ONGPATHÜ 18:12

Hathü kemei jomi jomei Kahvangei ven nedanpü homei vam; jomi büpa mü vangteishuwteipü Shembüpalei chongphobü Mosa homei shuohpü mangtük. Jomi shahkungnyü nebang nevaijü nedük.

2 ONGPATHÜ 5:24

Mechem Gehazi-i kahshang ngoipa, büpai jijinyi leipü khoung yah-ei shem mongei shüei tuh. Büpai Naamanei chongphobü nyi leishihtük.

ISAIAH 24:5

Nanglakthüi ha kahdok sheihtükteke; jomphongi shahkungthü nebang, vanglemthü pungei nedohnetenpü vangpüshuwpü mangtükteke.

JEREMIAH 31:32

Ngei Ijip leipü jomei lak kü düktü müei leipü hepak kü chebü chepa mü lingpü vangpüshuwpü keiha hapayü nechongkahen. Ngei jomei baha kei nyujao jomi ngelei vangpüshuwpü mangtükpeih shei Shembüpai enyüke.

HOSEA 6:7

Shejao Adami keiha, jomi vangtükpü mangtük, halei jomi ngei kü hingnelem.

LEVI 5:15

“Mechem shennyak hanei-i punghen, hatü Shembüpalei daülangpü dou kü lemhük kü dangkao nenyingi mang thahhenshang, büpai Shembüpa kü manglat mi chebaongha hük mi khong kübü kawhikang neshiüpü koei peihen, hatü phopshemei dokteipü dok aimü ngin koei peihen. Hapayü pungpü moila nyüke.

HABAKKUK 2:6

Henüng keipü shennyakthü khüei peüi ne-ienelemi, vüshih-ei hapakei eela-ei ne-ehen je? “Gühdoui shem maei nyupüthü amphong Onyükei!” Meshükpa am aetpüshepü doui shemmei leiyei nyuaokhenang?

ZEKHARIAH 5:4

Jeiyong Shembüpai enyüke, “Ngei hapa thaüvaü shomhen hatü hapa gühpalei shemei hatü ngelei men kü shahshem denbülei shemei shühen. Hapa jomei shemei shüei taukta hatü yaongthü peü mangtükhen.”

MATHI 22:21

Jomi, “Ongpalei” shei e. Hahepak kü büpai jomphong kü, “Ongpa kü shuohhen jiüpü ongpa kü yah-eishuoh, hatü mehe Kahvang kü shuohhen jiü, ha Kahvang kü yah-eishuoh” shei e.

PHONGSHANTHÜ DOU 5:9

Hahepak kü Peteri pinnyü kü, “Mekei etü anjinyiyü Shembüpalei Laangha kü dokhen shah shetpa? Veituh, ambaha mahng vüpüthü shadenei nyüke, hatü jomi nüngao hapakei paiyei daihen” shei e.

SHAHKÜP 17:2

Shembüpai am kü shuohpü jila kü chemi nyupü nyüha nevaijü baha hüki Shembüpa, ammei Kahvangi vangeishuwpü mangtüktü mang thahjema,

HEBREW 4:13

Hatü büpa touei lingpü dou mepayao joei neshiü, shejao büpalei mük touei lemphü bümbai hatü heeyei yeemshi nyüke, hatü jeni dükpü peü büpa kü ehen.

JOSHUA 23:16

Ammi Shembüpa, ammei Kahvangi shuohpü vangteishuwteipü mangtüktü daiyei lebü kahvangthü chongphoei hathü kü khümjema, Shembüpai am khüei mongshih vamhen, hatü büpai am kü shuohpü kahdok kübü lomi mahtükkemhen” shei e.

JOSHUA 7:1

Shejao Israel ami mangtükhen epü dou meheyao teyah shei Shembüpai epü nebang. Judah am jat kübü Zerahlei cheha Zimri, Zimrilei cheha Karmi, Karmilei cheha Akhani dou hanei joei yahteke. Hanangkü Shembüpa mongshihpü Israel am khüei vam.

JOSHUA 7:10

Shembüpai Joshua kü, “Yaongtuh! Nüng mehekei kahdokei dhe shüshi lemshi nyunya?

SHAHPHENBÜTHÜ 2:20

Hanangkü Shembüpai Israel am khüei mongshih vam hatü büpai e, “Mehenangkü hapa nanglakthüi ngei chebü chepa kü shuohpü vangpüshuwpü mangtük, hatü ngei epü nebangpü nangkü,

1 SAMUEL 14:38

Hanangkü Sauli mübüthü peü kü, “Hatouei thaikei, hatü shinnyih mehe mang thahpüshang yemshah” shei e.