JOSHUA 7:1 - DAÜLANGPÜ LAIHING (BSI)

¹ Shejao Israel ami mangtükhen epü dou meheyao teyah shei Shembüpai epü nebang. Judah am jat kübü Zerahlei cheha Zimri, Zimrilei cheha Karmi, Karmilei cheha Akhani dou hanei joei yahteke. Hanangkü Shembüpa mongshihpü Israel am khüei vam.

JOSHUA 7:1 Iomraidhean Croise

KAHBHAO 34:27

hatü Jakobei lebü hapeüthü peiyei chenaü mangtükpü nangkü chingnyü leipü mop kemei yah-ei leilang.

2 SAMUEL 24:1

Shao Shembüpai Israel am kü mongshih, hatü büpai David homei jom kü shanghah koei peihü. Shembüpai büpa kü, “Daituh, hatü Israel hatü Judah veshanthü shangkuk ietuh” shei e.

2 ONGPATHÜ 5:24

Mechem Gehazi-i kahshang ngoipa, büpai jijinyi leipü khoung yah-ei shem mongei shüei tuh. Büpai Naamanei chongphobü nyi leishihtük.

1 SHÜPPÜKENGPÜ 21:7

Hapa ngeükhüam Kahvang touei mang nyuteke; hanangkü büpai Israel am kü hanghi shuoh.

2 SHÜPPÜKENGPÜ 24:18

Jomi Shembüpa, chebü chepalei Kahvangei phopshemei khümpü dohdai, hatü Asherah nyüha kahvang hatü lajeithü kü khüm. Jomi mang thahpü nangkü Judah hatü Jerusalem kü Shembüpalei mongshih peiteke.

EZRA 9:6

“Oh ngelei Kahvang, ngei ahshi-üng veüangke, hatü ngelei dhe nüng kü ngangei veihen neaoknyu; ngelei Kahvang; mehenangkü hamei mangi hamei shangjing lümlangteke, hatü pungpü shaipai vangsho thahshi aongdaiteke.

JOB SHAHSHA APPÜ 35:8

Nüngei mangi nüng keipüthü kü sheünyüke, hatü nüng daülangshemshepai mih nanglei dangnyüke.

CHONGVENBÜ 9:18

Kihikonü vehok phunglang mao meipeih, shejao mang shennyaki mei longi mangtüknyeih.

DANIEL 9:7

Oh Shembüpa, nüngü daülangpü, shejao shinnyih hamü veüi jümtü nyüpeih– Judah shennyakthü hatü Jerusalem nanglakthü yopailei hatü tailuei Israel nanglakthü kung kahdokei nüngi haitükpeyü jomi nüng kü hingnelempü nangkü khih.

LEVI 10:6

Hahepak kü Mosai Aaron hatü büpalei cheha Eleazar hatü Ithamar nyi kü, “Am theppüyoungpü huei sho nehai-i tenyu, nevaijü ammei ashakviha teshaak; hapakei nevaijema amphongao dihen, hatü Shembüpai noknyü peü kü mongshihkahen. Shejao ammei shem amthü, Israel phang kemei Shembüpai henyi aw kü shamtükpü shingvaishi thepeiyounghen.

JONAH 1:7

Hahepak kü jahas mübüthüi hüki hük mü hapakei etei, “Kei, üpalei mangi jen hapa vongshüh ponghünya nyinghen shingvaishi phongyomshah.” Jomi phongyom, hatü hapa phong Jonah kü hetteke.

JOSHUA 22:16

“Shembüpalei nanglakthü kempai hapakei enyüke, ‘SHEMBÜPABÜPA khüei shinnyih am nyingi moidü lingei Shembüpa phei müpü kübü lepdaihen mü Israel Kahvang khüei ammi mehekei mang dou dükpa?

JOSHUA 22:18

Hatü shaang amü SHEMBÜPAleipü lepdainyu je? Shinnyih ammi Shembüpa khüei yaongjema, ngenyih Shembüpai Israel am kemei kü mongshihkahen.

JOSHUA 22:20

Mechem Zerahlei cheha Akhani douthü kemei mangtüktuh shei epü nebangi dükpai mang thahpa, hapa mangi Israel am khong kemei neponghah-angpü je? Büpalei mang nangkü büpa mon nemahangpih’ ” shei e.