JOSHUA 5:13 - DAÜLANGPÜ LAIHING (BSI)

¹³ Mechem Joshua Jeriko yopailei nyupa, ngangahük kü büpai veishuohshingkü shennyak hük yanlu notü yaongshi ee. Joshua-i büpa touei heih-ei, “Nüngü hamphong khong kübü veshan hük hi vepa hük ang?” shei phe.

JOSHUA 5:13 Iomraidhean Croise

KAHBHAO 18:1

Nyihnüng shaampü nangkü Mamrelei longkham püchong yopai kübü büpalei ashakshem shadenei Abraham uoshi nyushingkü büpa touei Kahvang peiteke.

KAHBHAO 18:2

Abrahami ngangei veishingkü büpa yopailei shennyak jem yaongshi ee. Büpai hathü eeyei hathü mü pongteinüng ashakshem shaden leipü mokei heih-ei kahdokei aümei shaei khüm.

KAHBHAO 28:16

Mechem Jakob shipü kübü paopa, büpai, “Hingmei, Shembüpayü hapa shingei nyüke, hatü ngei ha nenyingi nyupü khih” shei deih.

KAHBHAO 33:1

Shaang Jakob ngangei veishingkü Esau-i büpa mü shennyak kho ali mütü peijaei ee. Hanangkü büpai Leah hi Rachel nyi hatü aa lanyü nyi kü naüthü hanei shuoh.

KAHBHAO 33:5

Hapheikü Esau chiyei veishingkü nyüha hapeüthü eeteke. “Nüng mü leipü hathü üamang?” shei phe. Jakobi, “Hathüyü nüngei chongphobü kü Kahvangi phahjiyei shuohpü hapeüthü khih” shei e.

1 SHÜPPÜKENGPÜ 12:22

Kahvangei veshanthü kei veshanthü longi manglei thahshi nyihjeih shennyakthü David touei peiyei sheüh.

1 SHÜPPÜKENGPÜ 21:27

Hapheikü Shembüpai vangsho phongshan kü e, hatü büpai laophülei yanpishungei yan hülang.

1 SHÜPPÜKENGPÜ 21:30

Shejao Davidi halei Kahvang kü khümhen ne-aongaok; mehenangkü büpayü vangsho phongshanei yanlu kü nyemei nyu.

MÜLANGPÜ 23:23

Ngelei phongshani am sheshongkahen, hatü am Amor, Hit, Pirizz, Kanan, Hiv, hatü Jebus amei kahdokei müei leihen, hatü ngei jom mahtükhen,

DANIEL 10:5

Ngei ngangei veishingkü shennyak hük nyemin ashak ümtü büpalei shüngshep honi mon sheptü eeteke.

DANIEL 8:3

Ngei ngangei veishuohshingkü ngei shekü yungyen touei mi chebaongha hük vaung luangi nyi kohtü yaongshi ee. Vaung hükü lushi shiüteke shejao hükpayao pheishi lupüba aongteke.

ZEKHARIAH 1:8

Yanüng ngei manghkhang hük kü shennyak hük koyei hakla kü uoshi ee. Büpa myrtle püying shoshowlei yaongshi, hatü büpa pheikü koyei hakla, manghshemi hakpü hatü shola shei eeteke.

BHEI-IE 22:23

Mechem gadu-i lemba bangei vangsho phongshani yanlu notü yaongpü eepa, lem kübü yanei kah philei heihteke. Balaami lemei müei leinüng shei longi pinnyü kü bheiteke.

BHEI-IE 22:31

Hahepak kü Shembüpai Balaamei mük aphü, hatü büpai lembalei vangsho phongshan yanlu notü yaongshi ee. Hanangkü Balaami kahdok lemei dhe thaungei sha.

PHONGSHANTHÜ DOU 1:10

Büpa anlangpü kü jomphong veishi nyushi ngangahük kü shennyak nyi shola ow temtü jomphong touei peiyei yaong.

JOSHUA 6:2

Shembüpai Joshua kü, “Veituh, ngei nüngei lak kü Jeriko, haleipü ong hatü veshanthü shuohtepih.

SHAKEI VAMPÜ 1:13

hatü hathü awdük shemshing jiamei ngei Shennyak Ha kei hük bhagthuh lula thuhtü hatü jaaba kü bhag-ai aitü eeteke.

SHAHPHENBÜTHÜ 13:11

Manoah-i layaongei chenyüha pheikü mü, hatü hapa shennyak touei peiyei büpa kü, “Ngelei shembünyü mü shah eteipeyü nüng hiang?” shei phe. Büpai, “Ngei hih” shei jangei e.

SHAHPHENBÜTHÜ 13:22

Manoah-i chenyüha kü, “Jiyü dihen shepü khih; mehenangkü ji-i Kahvang eepü khih” shei ejateke.