JOSHUA 3:3 - DAÜLANGPÜ LAIHING (BSI)

³ daiyei nanglakthü kü ngeükhüam shuoh-ei e: “Mechem ammi Shembüpalei Vangpüshuwpü Pela Levi am ngongpathüi paitü daiyei eehenshang, ammi laophü nyushing kübü layaongei hapa phei mütuh.

JOSHUA 3:3 Iomraidhean Croise

2 SAMUEL 6:13

Mechem Shembüpalei Vangpüshuwpü Pela paipüthüi lakham vok dai, Davidi jom yaonghütü Shembüpa kü mohohbaong hatü nitshüpü mohoh cheha moila shuoh.

2 SAMUEL 6:3

Jomi hapa Kahvangei Vangpüshuwpü Pela mohoh khari ja kü shihtü kahshangei nyupü Abinadabei shem leipü Abinadabei cheha Uzzah hatü Ahio nyi-i Kahvangei Vangpüshuwpü Pela shihtü mohoh khari müteke,

1 ONGPATHÜ 8:3

Mechem Israel am behethü thaipa, ngongpathüi Vangpüshuwpü Pela koteke.

JEREMIAH 33:18

hatü ngei kü jakpü moila, hahying moila hatü düngei ngei kü moila shuohhen Levi am taoei nenyuhen.

BHEI-IE 10:33

Hanangkü jomi Shembüpalei daülangpü Sinai Kahshang kübü layaongei nyih jem thahshi dai. Jom metouei yaongei baümtap vehen, shing yemhen shingvaishi Shembüpalei Vangpüshuwpü Pela jom shekü daiteke.

BHEI-IE 4:15

Mechem baümtap shing chaiyei daihen hepak ngoihen, Aaron hatü chehathüi haleipü douhinangthü peü kü jümtükpheikü mon Kohath am phang peiyei hapa daülangpü douthü paiyei daihen. Shejao Kohath am phangi ha daülangpü douthü kü nehonghen, hei nevaijema jom dihen. Ashakshem shing chaiyei daishingkü Kohath am phangi hathü doulemthü dükhen.

MATHI 16:24

Hahepak kü Jisui büpalei nanglomthü kü e, “Hanei ami ngei phei mühüjema, büpai laophü nang betüktuh hatü laophülei shophang paitü ngei phei mükei.

MATHI 8:19

Hahepak kü shahkung nyuhbü hük peiyei büpa kü, “Nyuhbü, nüng melei daihenshang ngeiyao nüng phei müküshah” shei e.

SHAHKÜP 31:25

Shembüpalei Vangpüshuwpü Pela kopü Levi am ngongpathü kü eteke:

SHAHKÜP 31:9

Hanangkü Mosai hapa shahkungnyü nyangteke hatü Shembüpalei Vangpüshuwpü Pela kopü Levi am ngongpathü kü hatü Israel am mübüthü peü kü shuohteke.

JOSHUA 3:4

Shejüang am chemao hapa lem kü mangdaipü nangkü mepa lem kü daihen nyinghen. Shejao hapa Vangpüshuwpü Pela hi am aa kü kilometer hükshing taiteishi tuhtuh, hatü hapa yopailei teheih.”

JOSHUA 3:6

Hatü Joshua-i ngongpathü kü, “Vangpüshuwpü Pela paituh hatü nanglakthü shekü kamtuh” shei eteke. Hanangkü jomi Vangpüshuwpü Pela paitü nanglakthü shekü dai.

JOSHUA 3:8

Nüngi Vangpüshuwpü Pela paipü ngongpathü kü, ‘Mechem am Jordan yungkung ngoihenshang, halei yaongshi dantuh’ shei ngeükhüam shuohhen eteke”.

JOSHUA 4:10

Mosai Joshua homei nanglakthü kü dükhen epü dükei mangkem thahshi ngongpathüi Vangpüshuwpü Pela paitü Jordan yung jiamei yaongshi nyuteke. Nanglakthüi shüshülangi yungdang homei heih.

JOSHUA 6:6

Hanangkü Nunei cheha Joshua-i ngongpathü nyükei jomphong kü, “Amphongi Shembüpalei Vangpüshuwpü Pela paituh, hatü ngongpa nyeti amit nyet notü hapa shekü kamhütuh” shei eteke,

SHAKEI VAMPÜ 14:4

Jomphongü nyüha mü nesheihpüthü; mehenangkü jom daüeilangei nyu; jomi Mi Cheha melei dai, halei müei dainyüke. Jomphongü hangku khong kübü Kahvang hatü Mi Cheha shingvaishi angei leilangpü shongpü betjükthü nyuteke,

1 SAMUEL 6:15

Levi ami Shembüpalei Vangpüshuwpü Pela mü hon lajeithü hüpü pela koei yiüei yaongnyü longpü hük shangkü haü. Hapheikü Beth-Shemesh ami ha nyih Shembüpa kü jakpü moila hatü lebü moilathü shuoh.