JOSHUA 3:1 - DAÜLANGPÜ LAIHING (BSI)

¹ Nepphei Joshua hatü Israel am kemei lomi Shittim kübü layaongei daiyei Jordan ngoi hatü halei yungdang homhen shekü baümtap veteke.

JOSHUA 3:1 Iomraidhean Croise

KAHBHAO 21:14

Nepphei lomi Abrahami hahying hanei hatü yinghen yung yah-ei Hagar kü bhagchongei chanhütü cheha jiji deitük. Pinnyü daiyei Beersheba jahpanei paüeiyonei longtei.

KAHBHAO 22:3

Hanangkü Abrahami dhom mü lomi büpalei gadu kü uotü büpa mü nethe nyi hatü cheha Isak mü, hatü moila jakhen pü yah-ei kotü Kahvangi büpa kü hushuohpü tailu shing hükei dai.

MENVIH KESHO 119:60

Ngei shaoksheüei nepheidai-i nüngei shahkungthü düknyüpeih.

JEREMIAH 25:3

Judah am Amonei cheha Josiah-i ong vaipü bong anpüjempabü kü pangei shinnyih ngoishi bong hapüjem mongkü Shembüpalei shah ngei touei peiteke, hatü nedoh-i ngei am kü etepih, shejao ammi ha nebangpeih.

JEREMIAH 26:5

hatü ammi nebangjao ngei am touei leiyei leiyei shompü ngei chongphopü thibüthülei shah nebangjema,

JEREMIAH 7:13

Shaang, ammi hathü dou peü dükpü nangkü, shei Shembüpai enyüke, hatü ngei nedoh-i am kü eteke, shejao ammi ha nebang; mechem ngei am kü nyük, ammi nejangpeih;

MIKA 6:5

Ngelei nanglakthü, Moab am Balak ongpai am kü mehedükhen küpjan tempa? hatü Beorlei cheha Balaami mehe jangshuohpa, deih-ei dangtuh. Ammi Shembüpai shahhing dükpü nyinghen shingvaishi Shittim kübü Gilgal thahshi yendai shingkü mehe heüpa, ha nyingtuh.

BHEI-IE 25:1

Mechem Israel am Kittimei nyupa, bahathüi Moab am nyühathü mü mükbongjuyungei chongpangteke.

MARK 1:35

Nepphei vangngai pibom kü büpa lomi paoei daiyei vüngmakpü shing hükei phop.

JOSHUA 2:1

Hahepak kü Nunei cheha Joshua-i Shittim leipü shennyak nyi joei gühshuk shomteke. “Daituh, hatü kahmük doktuh, nyeinya vaishi Jeriko kü veituh” shei eteke. Hanangkü jiji daiyei büm yupü nyüha hük Rahab am shemei ngoi, hatü halei paümteke.

JOSHUA 6:12

Joshua-i nepphei lomi pao hatü ngongpathüi Shembüpalei Vangpüshuwpü Pela paiteke.

JOSHUA 6:15

Nyih nyetpabü jom vangaihinüng layaongei daiyei aihük mü chingnyü kü nyetpa shin; hapa nyih mon jomi chingnyü kü nyetpa shinteke.

JOSHUA 7:16

Nepnüng dhom mü Joshua-i Israel am jat jat peihü, hatü büpai Judah jat loukei ngai.

JOSHUA 8:10

Nepphei lomi Joshua-i veshanthü nyükei thaihü, hatü Israel am mübüthü mü Ai chingei aong.

SHAHPHENBÜTHÜ 20:19

Nepphei Israel am aongei Gibeah yopailei baümtap veteke.

1 SAMUEL 17:20

Davidi nepnüng lomi paoei mithü kü veihen hanei tuhtü temshuohpü hahying kotü Jesse-i büpa kü epükei dai. Büpa baümtap ngoijashingkü veshanthü men dhüngyaki thepjulei heih-ei nyujateke.