JOSHUA 24:7 - DAÜLANGPÜ LAIHING (BSI)

⁷ Mechem jomi Shembüpa kü lenshuohpa, büpai am hatü Ijip am aa kü vangnyak longpü vamhüpeih, hatü yungi leamei leiyei jom lümlangpeih. Ngei Ijip am kü mehe dük, ha ammei müki eeteke. Hapheikü jahpanei am hepak luangi nyupeih.

JOSHUA 24:7 Iomraidhean Croise

MÜLANGPÜ 14:10

Israel ami Pharaoh hatü Ijip am jom phei changei shajapü ee. Longi nyemei Israel ami Shembüpa kü leneiwong.

MÜLANGPÜ 14:20

Ijip hatü Israel am veshanthü aa kü itteke. Vangngaishi phumi Ijip am phikü vangnyak peihü, shejao Israel am phikü vangngai shuoh, hatü veshanthü hüki hük yopailei nepeiteiaok.

MÜLANGPÜ 14:31

Israel ami Ijip am khüei Shembüpai dükpü dou longpü eeteke. Hanangkü nanglakthüi Shembüpa kü nyem, hatü Shembüpa hatü büpa chongphopü Mosa kü hinglem.

SHAHKÜP 1:46

Hanangkü amphong Kadeshlei nyih longi nyuei hepak kemei halei yaktükpeih.

SHAHKÜP 2:14

Kadesh Barnea tuhtü daipü Zered Kahji hompü thahshi vangbong hapüanpüshet nyuteke. Hahepak kü vehokpü shennyakthü kemei Shembüpai epükei didaikemtü nyu.

SHAHKÜP 29:2

Mosai Israel am peü nyükei jom kü eteke: “Shembüpai Ijiplei Pharaoh ongpa, büpalei lakchongbüthü hatü büpalei kahdok kü mehe dükshuohpa ha peü ammei müki eeteke.

SHAHKÜP 4:34

Shembüpa, ammei Kahvangi ammei müki eeshi Ijiplei am kü dükpü douthü kei dokei, yashanyalepü hatü thamapü douthü huei, cham peihüei, hokei, büpalei laklu wong longpai longpü hatü nyempühanpü dou dükphongtü laophü shingvaishi jat hük leipü jat hük yangei mülangpükei lebü üpa kahvangiyao hapakei dükla?

HEBREW 3:17

Hatü üam kü büpai vangbong pinyi thahshi mongshihpa? Hathüyü mang thahtü jahpanei dipüthü nevaipü je?

JOSHUA 5:6

Shembüpai epü nebangpü nangkü Ijip leipü vamei daishingkü veshan vaihen yienmeishem peü mangdidaikem thahshi Israel am jahpanei vangbong pinyi hükshing longtei; mehenangkü Shembüpai jomei bühipa kü amma hatü nyahjiü mon yenpü kahdok shuohhen shei lahpü ha ne-eehüpih shei lahteke.