JOSHUA 24:32 - DAÜLANGPÜ LAIHING (BSI)

³² Israel ami Ijip leipü koei anpü Josephei vang Shekhemei cheha Hamorlei hapeüthü leipü Jakobi lop kho hük shuohtü shakpü kahdok Shekhemei dungphongteke. Hapayü Josephei hühihathülei mükjüp kahdok vaiteke.

JOSHUA 24:32 Iomraidhean Croise

KAHBHAO 33:19

hatü büpai Shekhemei chepa Hamor leipü lop kho hük shuohtü kahdok hük shakei ashakshem veteke.

KAHBHAO 48:22

Shaang ngei anjei anaüthü mü nyeishi ngei nüng kü phaihan hük nyeinya shuohnyeih; hapayü ngelei yan hatü lahhilaongi neüei yahpü Amor amei kahdok ha yahphünyeih” shei e.

KAHBHAO 50:24

Hapheikü Joseph-i büpalei cheihinaüthü kü, “Ngei sheyü didaihen khih, shejao hingmei Kahvangi am kü junghen, hatü Abraham, Isak hatü Jakob kü lahpü kahdokei am müei leihen” shei e.

KAHBHAO 50:25

Hanangkü Joseph-i Israel am kü hapakei lahhü: “Mechem Kahvangi am hapa kahdokei mülangnüng yiükahen, amphongi ngelei vangtao-ao hatoueipü koei leituh” shei e.

MÜLANGPÜ 13:19

Mosai Josephei vangtaothüao yah-ei lei; mehenangkü Joseph-i Israel hapeüthü kü hapakei dükhen vanghü. Büpai, “Kahvangi hingmei am kü sheühphahen, mechem am hapa shing kübü layaongei leihenshang, ngelei vangao ammi koei leituh” shei eteke.

JOHAN 4:5

Hanangkü büpai Samaria kü nyupü Sykhar chingei pei; hapayü cheha Joseph kü Jakobi shuohpü kahdok yopailei nyu.

PHONGSHANTHÜ DOU 7:15

hanangkü Jakob Ijiplei yiü. Büpa halei di, hatü jenei pathüao halei di,

PHONGSHANTHÜ DOU 7:16

hatü jomphongei vanghimahng Shekhemei lei, hatü Abrahami ngin shuohtü Shekhem am Hamor leipü shakpü mahngchongei vüteke.”

HEBREW 11:22

Hinglempai Joseph-i büpalei yangnyu dohpülei Israel am mülanghen jung e, hatü büpalei mahngvang nangkü mehe dükhen ha eteke.