JOSHUA 24:25 - DAÜLANGPÜ LAIHING (BSI)

²⁵ Hanangkü ha nyih Joshua-i nanglakthü mü vangteishuwteipü ling, hatü Shekhemei büpai shahkungnyüthü lingei shuoh.

JOSHUA 24:25 Iomraidhean Croise

KAHBHAO 35:4

Hanangkü jomei kung amei kahvang lajeithü hatü dhaongchü kemei Jakob kü shuoh, hatü Jakobi hathü peü Shekhem yopai leipü longkhampü phangei jotük.

2 ONGPATHÜ 11:17

Hahepak kü Jehoiada-i Shembüpa hi ongpa hatü nanglakthü aa kü jomphongü Shembüpalei nanglakthü shei vangpüshuwpü ling. Shao büpai ongpa hi nanglakthü aa kao vangpüshuwpü ling.

2 SHÜPPÜKENGPÜ 15:12

Jomei mongdang hatü laangha kempai Shembüpa, chebü chepalei Kahvang yemhen vangeishuwteke.

2 SHÜPPÜKENGPÜ 15:15

Mong kempai vangeishuwpü nangkü Judah am mongongei nyu. Jomi mong shuoh-ei Kahvang yem, hatü jomi büpa dang. Hanangkü Shembüpai jom kü lem peü philei nyiushemmei shuoh.

2 SHÜPPÜKENGPÜ 23:16

Hapheikü Jehoiada-i büpa, nanglak hatü ongpa jom peü Shembüpalei nanglak vaihen shei vangpüshuwpü ling.

2 SHÜPPÜKENGPÜ 29:10

Shaang ngei Shembüpa, Israel Kahvang mü vangeishuwpü hük linghen deihshi nyüpeih; shejüang büpalei mongshih jen toueipü yahlangphahen.

NEHEMIAH 9:38

Hathü peü eetü hami nyangei haütü vangpüshuwpü hük lingpeih, hatü ha shangkü hamei mübüthü Levi am hatü ngongpathüi ha kü jomei füoshang shingteke.

MÜLANGPÜ 15:25

Mosai Shembüpa kü phop, hatü Shembüpai büpa kü pü shohük hushuohteke; büpai hapa yung kü shük, hatü hapa yung vüngnyangi lei. Hamü Shembüpai jom nyuhen chonghen shahkungnyü shuoh, hatü hamü büpai jom kü dokteke.

MÜLANGPÜ 24:3

Mechem Mosa leiyei Shembüpalei shah hatü shahkungnyüthü ejapa, jom peüi ngeü hük mü vamei, “Shembüpai epü lemphüli hami dükhen” shei eteke.

SHAHKÜP 29:1

Hathüyü Shembüpai Israel am mü Sinai Kahshangei lingpü vangpüshuwpü mü üei Moab kahdokei Shembüpai Israel am mü vangpüshuwpü linghen Mosa kü eshuohpü laphen nyüke.

JOSHUA 24:1

Hapheikü Joshua-i Israel am kemei Shekhemei thaihü; büpai Israel am behethü, mübüthü, shahphenbüthü hatü lakchongbüthü kemei nyük, hatü jom peü Kahvang touei pei.

JOSHUA 24:26

Joshua-i hathü shah Kahvangei shahkungnyü laitap kü nyangteke, hatü büpai yaong longpü hük yah-ei Shembüpalei daülangpü shingei longkhampü phangei haong.