JOSHUA 24:20 - DAÜLANGPÜ LAIHING (BSI)

²⁰ Ammi Shembüpa yakphongtü lebü kung amei kahvangthü chongphojema, büpai shelei am kü meipü düklangmao am kü shanghah yahphahen hatü li mahtükhen” shei e.

JOSHUA 24:20 Iomraidhean Croise

1 SHÜPPÜKENGPÜ 28:8

Hanangkü shaang Israel am peüi eeshi, Shembüpalei nanglakthü thaipü touei, jenei Kahvangi danshi Shembüpa, ammei Kahvangei shahkungthü peü bangtuh; shejüang ami hapa kahdok yah-aokhen hatü am pheikao denshing ammei hühihathü kü mükjüp vaishi tuh-aokhen” shei eteke.

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

2 SHÜPPÜKENGPÜ 15:2

Büpai Asa mü pongteinüng heih-ei, “Ngei epü banghümao, Asa, Judah hatü Benjamin am peü. Am Shembüpa mü nyupü thahshi büpayao am mü nyüke. Ammi büpa yemjema, ammi büpa danghen, shejao ammi büpa yaktükjema, büpaiyao am yaktükhen.

EZRA 8:22

Lemei vepathü kübü yanghen shingvaishi ongpa kü veshan, koyei veshan yahshih shei yühen ngei veüteke; mehenangkü ngei ongpa kü, “Büpa kü hinglempüthü kü hamei Kahvangü phahjinyeih, shejao büpa tuhphongpüthü khüei büpai mongshihnyeih” shei ngei etüktü nyupeih.

MENVIH KESHO 89:31

jomi ngelei vanglem kü pungei, ngelei shahkung nedükjema,

ISAIAH 1:28

Shejao khüei yaongpü hatü mangthü chemi mahtükhen, hatü Shembüpa yaktükpüthü mahtükkemhen.

ISAIAH 63:10

Shejao jomi büpa khüei yaong, hatü büpalei Laangha Daülangpü mongmanghü; Hanangkü büpa jomei vepa leipeih, hatü büpai jom khüei hokpeih.

JEREMIAH 17:13

Oh Shembüpa, Israel amei monglemshing, nüng yakphongpüthü peü veü ponghen. Nüng toueipü yanei lüdaipüthü kübhih kü men nyangpükei nyuhen, mehenangkü jomi Shembüpa, yangnyu yunglok tuhphongteke.”

EZEKIEL 18:24

Shejao mechem daülangpü shennyak hük mang lemei nyokei daiyei mang thah-ei mangthüi dükpü jiühitnalai douthü dükei daihenshang, hapa shennyak yemmü nyuaokhen je? Hapa shennyaki dükpü daülangpü dou hükao deih-ei nedangpih; mehenangkü hapa shennyaki hingnelempü hatü büpai thahpü mangthü nangkü büpa dihen.

PHONGSHANTHÜ DOU 7:42

Shejao Kahvang jom toueipü yandai hatü vangsho lithilen kü khümhen shuohtük. Thibüthüi lai kü hapakei nyangei nyüke: “Bong pinyi jahpanei nyushi ammi ngei kü jakpü moila koei peila, Oh Israel phang?

SHAHKÜP 4:25

Ammi hapeü hüpeüthü büh-ei paüm-ei hapa kahdok kü luangi nyupheikü amphongi mang thahjema hatü lajei lemhük kei dangkao lingei Shembüpa tou kü nemeipü dükjema,

SHAHKÜP 4:26

ammi Jordan yungyen homei yahpü kahdok leipü amphong lomi mahdaihen shei shinnyih ngei kahdok vangsho kü am khüei denpü vaihen nyüknyüpeih. Amphong halei luangi nenyuhen shejao hingmei mü mahdaihen.

HEBREW 10:38

Shejao ngelei daülangpü nanglak hinglempai nyuhen. Shejao üam ngümpheilei shinei leidai, büpa kü ngei mongneonghen.”

JOSHUA 24:21

Shejao nanglakthüi Joshua kü, “Nevaipih, hami Shembüpaüng chongphohen!” shei e.

1 SAMUEL 12:15

Shejao ammi Shembüpalei shah nebangi büpalei shahkungnyü khüei yaongjema, am hatü ammei ong khüei büpalei lak nohen.

1 SAMUEL 12:25

Shejao ammi nedoh-i mang dükjema, am hatü ammei ong shei chemi büpai maoei yaktükhen” shei e.