JOSHUA 24:14 - DAÜLANGPÜ LAIHING (BSI)

¹⁴ “Hanangkü shaang Shembüpa kü dhüm shuohhen, hatü shüeinyiükei, hinglemei büpa chongphotuh; ambü ampai Euphrates yungdangei hatü Ijiplei chongphopü kahvangthü yaktüktuh hatü Shembüpa chongphotuh.

JOSHUA 24:14 Iomraidhean Croise

KAHBHAO 17:1

Mechem Abram bong 99 nyupa, Shembüpa büpa touei peiyei, “Ngeiyü Jeiyong Kahvang; ngei touei eela nekoh-i kamtuh.

KAHBHAO 35:2

Hanangkü Jakobi büpa mü nyupü shem am peü kü, “Am mü nyupü kung amei kahvang peü yaktüktuh hatü am nyingi daütüktuh hatü ashakviha jeituh,

2 ONGPATHÜ 20:3

“Oh Shembüpa, ngei mekei nüng kü ngelei mongdang kempai hinglemei kampa, hatü nüng touei mehe jiü ha dükei daipa, ha deih-ei dangtuh” shei e, hatü büpai shahyaki thep.

EZRA 9:11

nüng chongphopü thibüthü homei ham kü, “Am peiyei yahhen nyupü kahdokü halei nyupü shennyakthüi jomei jiühitnalai dou homei sheihtükpü nedaünelangpü kahdok khih. Jomi kahdok jung hük kübü jung hük thahshi nedaünelangpai matükteke.

JOB SHAHSHA APPÜ 1:1

Chem hepak kü Uz kahdokei shennyak hük Job shei mentü nyu. Hapa shennyakü eela neshiü hatü kangshangi nyu, hatü büpai Kahvang nyem hatü mang nedükhen kenhingpü shennyak nyuteke.

JOB SHAHSHA APPÜ 28:28

Hatü hangku kü büpai, “Shembüpa nyempeyü kihikon, hatü ten kübü yangpeyü danaokpü” shei eteke.

MENVIH KESHO 111:10

Shembüpa nyempeyü kihikon chongpangpü; ha noteipüthü peü kü danaokpü meipü nyüke. Büpa menvihpü den kü nyunyeih.

MENVIH KESHO 119:1

Üamei lemthü eela neshiü; üpai Shembüpalei shahkung kü kam, jom moihiman.

MENVIH KESHO 119:80

Ngei veü nedanghen shingvaishi nüngei shahkung kü ngelei mongkü eela neshiüi nyuhütuh.

MENVIH KESHO 130:4

Shejao nüng mü mang tükpü nyüke, hanangkü nüng kü dhüm shuohnyeih.

MENVIH KESHO 81:10

Ngeiyü Shembüpa, am Ijip leipü müei leipü Kahvang. Ammei ju katuh hatü ngei ha kü maei shihphahen.

EZEKIEL 20:18

Ha nangjeiyei ngei jomei thehilathü kü ammei nyühipathülei vanglem kü tekam, jomei shahkung kü tedai, nevaijü jomei lajeithü homei am nedaü-i telei shei epeih.

EZEKIEL 23:3

Jijinyi-i hashih mebü Ijiplei büm yuei pai mü ngühpü la den mahtükpeih.

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

LEVI 17:7

Jomphongi hajük kü yum lajei kü yem jüei moila shuoh-ei mang dou nedükhen. Hapayü jom shingvaishi hüdenhalenshi noteihen shahkungnyü nyüke.”

MIKA 6:8

Oh shennyak, mehe mei büpai ha am kü eteke. Shembüpai jen leipü yüpeyü ha khih: Mehe shahhing ha dükhen, düngei bampü huhen, hatü jenei Kahvang mü munenei kamhen.

LUK SHAHSHA APPÜ 8:15

Shejao kahmeichong kü vüpeyü hathü, mechem jomi shah danhen, hingshangpai hatü mongdang meipai ha kü wongshongi shongnyüke, hatü nenteiaokpai betjük jüknyüke.

PHONGSHANTHÜ DOU 9:31

Ha vangpan mü Judea, Galil hatü Samarialei nyupü attoithü chingmei kü nyu hatü wong koh. Shembüpa nyempü kü nyuei hatü Laangha Daülangpülei nyiushemmei kü nanglak bhei-ie dateke.

2 KORINT 1:12

Shaang ham changmeipü hatü hamei mongdeih denpeyü hapa hih: Hami hapa kahdoknyülei anyei vaishi am mü shahngai eshi, shüeinyiükei kahdoknyü kihikoni nevai, shejao Kahvang phahji homei nyupeih shei hamei mongi denpü shuohnyüke.

EPHESIA 6:24

Jenei Shembüpa Jisu Khrista shingvaishi mechemao nemahnemenpü bampü nyupüthü peü kü phahji nyute.

SHAHKÜP 10:12

Shaang, Oh Israel nanglakthü, Shembüpa, ammei Kahvangi am kü mehe yünya shei shejema, Shembüpa, ammei Kahvang kü nyemhen, büpalei lemthü kü kamhen; ammei mongdang hatü laangha kempai büpa kü bamhen hatü büpa chongphohen,

SHAHKÜP 18:13

Shembüpa, ammei Kahvang touei am eela nekoh-i nyutuh.

SHAHKÜP 6:13

Shembüpa, ammei Kahvang kü dhüm shuohtuh hatü büpa kü mon khümtuh, hatü büpalei men kü mon vangeishuwtuh.

PHILIPPI 1:10

hatü Khristalei nyih kü amphong daülangi hatü eela neshiüi mehe peü mü mei ha jeaokhen,

JOSHUA 24:2

Joshua-i nanglakthü peü kü e, “Shembüpa, Israel amei Kahvangi enyüke: Hepak longi daiteke, ammei ambü ampa, Abraham hatü Nahor nyilei chepa Terah omshi Euphrates yungdangei lebü kahvangthü chongphoei nyuhampeih.

JOSHUA 24:23

Joshua-i, “Shejema shaangüng am toueipü kung amei kahvangthü yaktüktuh, hatü Shembüpa, Israel amei Kahvang kü ammei mongdang shuohtuh” shei e.

1 SAMUEL 12:14

Ammi Shembüpa kü nyemjema hatü büpa chongphoei büpalei shah bangei, shejao Shembüpalei shahkungnyüthü kü khüei neyaongjema, hatü am hatü am shak kü vanglem lempü ongpai Shembüpa, ammei Kahvang phei müjema, hapayü meikahen;

1 SAMUEL 12:24

Shembüpa kü mon nyemtuh, hatü mong kempai hinglemei büpa chongphotuh, hatü büpai am shing mehe dou longpü dükpa ha deih-ei dangtuh.

1 SAMUEL 7:3

Hahepak kü Samueli Israel phang kempü kü, “Ammi ammei mongdang kempai Shembüpa touei lepei leipü vaijema, am toueipü kung amei kahvangthü hatü Astartes kahvangthü yaktüktuh, hatü Shembüpa kü lanei shuohtuh hatü büpa mon chongphotuh; shejema büpai am Philistia amei lak kübü yangphahen” shei e.