JOSHUA 23:1 - DAÜLANGPÜ LAIHING (BSI)

¹ Hepak longi daipheikü Shembüpai Israel am kü jom shinei nyupü vepathü peü kübü nyiumei shuoh, hatü hahepak kü Joshuayü longi viüdaitü nyu,

JOSHUA 23:1 Iomraidhean Croise

KAHBHAO 25:8

Abraham viüei meishi behe leiyei den luei nyutü di.

1 ONGPATHÜ 1:1

Mechem David ongpa viüei bong longi daipa, büpa kü ashak longi ümshuohjao shaampü nepei.

1 SHÜPPÜKENGPÜ 23:25

Davidi, “Shembüpa, Israel Kahvangi büpalei nanglakthü kü nyiushemmei shuoh hatü den kü Jerusalemei nyuhen peidaipü nangkü,

1 SHÜPPÜKENGPÜ 27:1

Hapayü Israel am shemdep kü shangjingthü, haja kü kho hük kü veshan mübüthü, hatü lakchongbüthü bong kemei kü len ieyei veshan khong hantü ongpa chongphoei nyupü shennyakthü nyangpü nyüke. Hanpü khong ieyei kü shennyak 24, 000 baong nyuteke.

2 SHÜPPÜKENGPÜ 14:1

Abijah ongpa di hatü chebü chepa mü David chingnyülei mahng vü. Cheha Asa-i büpa jeiyei ong vaiteke. Büpa hepak kü kahmük kü chingmeivangmei bong an thahshi nyu.

2 SHÜPPÜKENGPÜ 14:5

Büpai Judah chingnyü peü leipü vaümchong hatü ayingshü jakpü moidü peü yaktükkem. Büpa phangkü ongching nyiushemmei kü nyu.

2 SHÜPPÜKENGPÜ 20:30

hatü Jehoshaphatei ongching chingmeivangmei kü nyu; mehenangkü Kahvangi büpa kü lem peü philei nyiumei shuohteke.

MENVIH KESHO 46:9

Büpai kahdoknyü dohpü thahshi vehok dohtükhünyeih; büpai lahhilaong bhagtüknyeih, phunghilang mangtüknyeih, hatü inyüshungthü aw kü jaktüknyeih.

ISAIAH 63:14

Mohohthü kahjishongei müei yiüpü keiha, jom kü Shembüpalei laanghai nyiushemmei shuohpeih. Hapa keiha nüngi laophülei men müknyinshekhanghühen shingvaishi nüngi laophülei nanglakthü mülangpeih.

SHAHKÜP 31:2

“Ngei shaangü nyübüh vangbong kho hük mü kukha lomdaipü nangkü sheyü am müei nedaiaokhen khih. Shembüpai ngei kü, ‘Nüng Jordan yungyen homei neheih-aokpih’ shei ephopeih.

JOSHUA 11:23

Shembüpai Mosa kü epükei Joshua-i kahdok kemei yah; hatü Joshua-i Israel jat ieyei kü hapa kahdok mükjüp hanei shuoh. Hapheikü mon kahdok kü hokpüheipü dohteke.

JOSHUA 13:1

Mechem Joshua viüei vangbong longi daipa, Shembüpai büpa kü, “Sheyü nüng longi viüdaiteke shejao shao-üng mangyahpü kahdok moidoi longi nyüke.

JOSHUA 21:44

Chebü chepa kü lahpükei Shembüpai jom kü lemphü phikü nyiushemmei shuoh. Jomei vepa hükao jom khüei neyaongaok; Shembüpai jomei vepathü kemei jomei lak kü shuoh.

JOSHUA 22:4

Shaang, Shembüpa, ammei Kahvangi ammei jeihinaüthü kü büpai lahpükei nyiushemmei shuohteke, sheyü Shembüpalei chongphobü Mosai Jordan yungdangei am kü yahphopü kahdokei nyokei leituh.

1 SAMUEL 12:2

Sheyü am mühen ammei ong hük nyüke. Sheyü ngeiyü viüei shosho pungdaiteke, hatü ngelei hapeüthü hammü am mü nyüke. Ngei hashih mebü shaang thahshi ammei mübü vaiyei heihteke.