JOSHUA 22:5 - DAÜLANGPÜ LAIHING (BSI)

⁵ Shejao Shembüpa, ammei Kahvang kü bamhen, büpalei lemthü kü kamhen, büpalei shahkungthü banghen, büpa kü wongshongi shuonghen hatü ammei mongdang hatü laangha kempai büpa chongphohen shingvaishi Shembüpalei chongphobü Mosai am kü shuohpü shahkungthü kenhingei noteituh” shei e.

JOSHUA 22:5 Iomraidhean Croise

MENVIH KESHO 106:3

Üami shahhing dou dük, hatü daülangshemshepü hepak peü kü dük, jom moihiman.

MENVIH KESHO 78:7

Hapa keiha jomiyao Kahvang kü hinglemhen, hatü Kahvangei douthü nebetüki büpalei shahkungnyüthü noteihen.

MÜLANGPÜ 15:26

Büpai, “Ammi Shembüpa, ammei Kahvangei ngeü kenhingei bangjema, hatü büpa touei mehe jiüpa, ha dükjema, hatü büpai kangpü kü ven bangei büpalei shahkungnyü noteijema, ngei Ijip am kü shuohbenüng dinlem meheyao am kü neshuohpih; mehenangkü ngeiyü din meihüpü Kahvang hih” shei eteke.

MÜLANGPÜ 20:6

shejao ngei kü bampü hatü ngelei shahkungnyü ven bangpüthü kü denshem haja haja ngei bampü hunyüpeih.

MÜLANGPÜ 23:13

Ngei am kü epü lemphüli kenhingei bangtuh. Ammi lebü kahvang kü tephop; ammei ju kübü ha jung epü tedanhü.

MÜLANGPÜ 23:25

Ammi Shembüpa, ammei Kahvang kü khümhen, hatü ngei am kü hahying yungying moihimanphahen, hatü ngei am toueipü dinlem peü yahlangphahen.

KANDOK 4:23

Peü mü nüngei mongdang yomtuh, mehenangkü hapayü yangnyu yunglok khih.

ISAIAH 55:2

Hahying nevaipü kü mehekei ammi lop tüknya? Mepai am hüneshemhü, ha kü mehekei nang mahnya? Ngei epü kü kenhingei bangtuh: mehe mei, ha hahtuh, hatü hetmei kü mong hüshemtuh.

JEREMIAH 12:16

hatü jomi ngelei nanglakthülei lemthü meishi nyingjema, hatü ngelei men kü lah-ei, “Shembüpayü vanyangyem Kahvang” shei shelei jomi Baal kahvang kü lahhen ngelei nanglakthü kü nyuhpükei dükjema, jomao ngelei nanglakthü mü chingchingei nyuhen.

MATHI 22:37

Büpai büpa kü, “Nüngi Shembüpa, nüngei Kahvang kü nüngei mong kempai, nüngei laangha kempai hatü nüngei sholi kempai bamtuh.

MATHI 4:10

Jisui büpa kü, “Lüdaituh, Kahshih! Laihingi ha enyüke: ‘Shembüpa, nüngei Kahvang kü khümtuh, hatü büpa mon chongphotuh’ ” shei e.

MATHI 6:24

Üpaiyao shembü nyi chongphonüng neaok; mehenangkü aa hüki shembü hük kü jiühithen hatü hük kü bamhen, nevaijü shembü hük kü lanei shuohhen, hük ne-ienelemi yakphonghen. Nüngi Kahvang hatü mop nyi chemi chongphonüng neaok.

LUK SHAHSHA APPÜ 1:74

Hamei vepathülei lak kübü ham yanghen,

JOHAN 12:26

Üami ngei chongphonya, ngei phei mütuh, hatü ngei melei nyu, halei ngelei chongphobüthü nyuhen. Üami ngei chongphonya, Opai-i dhüm huhen” shei e.

JOHAN 14:15

Ammi ngei kü bamjema, ngelei shahkungthü banghen.

PHONGSHANTHÜ DOU 11:23

Mechem büpa peipa, Kahvang phahji eeyei büpa mongong, hatü büpai peü kü lanei shuoh-ei Shembüpa kü hinglemei nyuhen nangthongei e;

PHONGSHANTHÜ DOU 27:23

Mehenangkü meya ngelei Kahvang, ngei üpalei nyüpa hatü üpa kü khümnya, büpalei vangsho phongshan ngei touei peiyei,

ROM SHAHSHA APPÜ 1:9

Düngei ngei phoppü kü nedoh-i am deihei dangpü ngelei denbüyü büpalei Ha jung shahjangmei chongvenpü ngelei laanghai chongphopü Kahvang nyüpeih.

ROM SHAHSHA APPÜ 12:9

Bampeyü hingshangpü vaihütuh. Mehe ten ha kü jiühittuh; mehe mei ha kü shoungtuh.

ROM SHAHSHA APPÜ 8:28

Mehenangkü üami Kahvang kü bam, hatü büpalei mükhong aimü nyük, hathü shingvaishi dou peü mei shingvaishi chemi düknyeih shei jeni nyingnyüke.

SHAHKÜP 10:20

Shembüpa, ammei Kahvang kü nyemtuh hatü büpa chongphotuh. Büpa kü wongshongi shongtuh hatü büpalei men vihtuh.

SHAHKÜP 11:1

Shembüpa, ammei Kahvang kü bamtuh hatü düngei büpalei shahkungthü bangtuh.

SHAHKÜP 11:13

Hanangkü shinnyih ngei am kü shuohpü shahkungnyü ven bangjema; Shembüpa, ammei Kahvang kü bamjema, hatü ammei mongdang kempai, ammei laangha kempai büpa chongphojema,

SHAHKÜP 11:22

Ngei am kü shuohpü shahkungthü hingshangi bangjema, Shembüpa, ammei Kahvang kü bamei büpalei lemthü kü kamei büpa kü hinglemjema,

SHAHKÜP 13:4

Ammi Shembüpa, ammei Kahvang phei mon mütuh, hatü büpa kü dhüm shuohtuh; büpalei shahkungthü düktuh hatü ven bangtuh; büpa chongphotuh hatü hinglemtuh.

SHAHKÜP 4:29

Shejao ammi halei Shembüpa, ammei Kahvang kü veijema, hatü ammei mong kempai büpa yemjema, ammi büpa danghen.

SHAHKÜP 4:4

shejao am üami Shembüpa, ammei Kahvang kü hingshangi nyutepa, shinnyih thahshi yemmü nyüke.”

SHAHKÜP 4:6

Hathü kenhingei düktuh hatü lebü jatthüi amphongü longi nahpülangpü, nyingpühingpü jatli shei nyinghen hatü jomi, ha danei, “Hingmei, hapa longpü jatliyü nahpülangpü, nyingpühingpü jatli khih” shei ehen.

SHAHKÜP 4:9

Am kenhingtuh, hatü ammei müki lekei mehe eetepa, ha nebetükhen, nevaijü am yemmü nyupü thahshi ammei mongdang kübü hapa nemahtükhen kentuh. Ammei hühihathü kü ha nyuhtuh.

SHAHKÜP 5:10

shejao üami ngei kü bam, hatü ngei epü bangnya, jom kü denshem haja haja ngei bampü hunyüpeih.

SHAHKÜP 6:17

Shembüpa, ammei Kahvangi am kü shuohpü shahkungnyüthü banghen nyingtuh.

HEBREW 12:15

Üpaiyao Kahvang phahji nedangi nenyuhen, hatü shanghah vamhen mü hatü longi nesheihhen mü shahyakpü tünglang nevamhühen yomtuh.

JAKOB 1:12

Dokpü peishingkü üpai hinglemei nyu, büpa moihiman. Hapa keipü dokpü kü aokpü shennyak kü Shembüpai büpa kü bampüthü kü shuohhen lahpü yangnyu athen shuohhen.

JAKOB 2:5

Ngei bampü jeihinaü nyahinaüthü, bangtuh. Kahvangi kahdoknyü kü taopathü hinglempü kü shemmei vaihen, hatü büpa kü bampüthü kü büpai lahpü ongching mükjüp vaihühen nejeangpü je?

JOSHUA 23:8

Shejao am shaang nyupükei-üng Shembüpa, ammei Kahvang kü wongshongi shuongtuh.

SHAKEI VAMPÜ 15:3

hatü jomi Kahvang chongphopü Mosalei kesho, hatü Mi Chehalei kesho hapakei lok: “Longpü hatü yashanpeyü nüngei douthü khih, Jeiyong Shembüpa Kahvang! Shahhing hatü jiüpeyü nüngei lemthü, jatthülei Ongpa!

1 SAMUEL 12:20

Samueli nanglakthü kü, “Am tenyem; ammi ha mangthü peü dükteke, shejao ammi Shembüpa toueipü telepdai shejao ammei mong kempai chongphotuh;

1 SAMUEL 12:24

Shembüpa kü mon nyemtuh, hatü mong kempai hinglemei büpa chongphotuh, hatü büpai am shing mehe dou longpü dükpa ha deih-ei dangtuh.

1 SAMUEL 7:3

Hahepak kü Samueli Israel phang kempü kü, “Ammi ammei mongdang kempai Shembüpa touei lepei leipü vaijema, am toueipü kung amei kahvangthü hatü Astartes kahvangthü yaktüktuh, hatü Shembüpa kü lanei shuohtuh hatü büpa mon chongphotuh; shejema büpai am Philistia amei lak kübü yangphahen” shei e.