JOSHUA 22:22 - DAÜLANGPÜ LAIHING (BSI)

²² “Jeiyongpayü Kahvang! Büpayü Shembüpa! Jeiyongpayü Kahvang hih! Büpayü Shembüpa! Hami mekei dükpa, ha büpai nyingnyeih, hatü ammiyao ha nyingtuh. Hapayü khüei nevaijü Shembüpa kü hingnelemi dükpü vaijema, shinnyih ammi ham yemmü tetuhphong.

JOSHUA 22:22 Iomraidhean Croise

1 ONGPATHÜ 8:39

nüng nyushing vangsho leipü nüngi bangtuh, hatü mang tüktü dou düktuh. Shennyak ieyei mü büpai dükpü aimü dükeishuoh; mehenangkü nüngi büpalei mong nyingei nyüke, nüngi mon hangkulei mongdangei mehe nyu, ha nyingei nyüke.

JOB SHAHSHA APPÜ 10:7

Ngei pungei neshiü shei nüngi nyingei nyüke, hatü nüngei lak kübü üpaiyao ngei neyangaokpih shei nüngi nyingei nyüke.

JOB SHAHSHA APPÜ 23:10

Shejao ngei daipü lemshong peü büpai nyingnyeih; mechem büpai ngei kü dokhen, ngei hon keiha leidaihen.

JOB SHAHSHA APPÜ 31:22

ngelei bhagchong leipü bhagvang bhagei vüdaituh, hatü ngelei lak vangbaong mü vaümei vüdaituh.

MENVIH KESHO 136:2

Oh kahvangthü khongkü Kahvang kü menvih shuohtuh; büpa bampü den kü nyunyeih.

MENVIH KESHO 37:6

Büpai nüng daülangshemshepü vanghela kei nyahühen, nüng shahhing epü heshotapa kübü vanghe kei khanghühen.

MENVIH KESHO 40:9

Ngei thaihiyu longpülei nüng daülangshemshepü jung baongnyeih; Ngei mechemao ha ne-e-i nenyu shei nüngi nyingei nyüpeih, Oh Shembüpa.

MENVIH KESHO 44:21

hamei mongdang leipü shahjo nyingpü Kahvangi ha nenyinghen je?

MENVIH KESHO 44:22

Shejao nüng tata kü helushoei ham jütüknyüke; hamü jühen deipü mithü kei nyüke.

MENVIH KESHO 50:1

Vanghe aongpü kübü shüpü thahshi, Jeiyong Kahvang, Shembüpai enyüke, hatü nyüknyüke.

MENVIH KESHO 82:1

Kahvangü shahthai longpü kü ong uoshing kü uonyeih; büpai kahvangthü kü shahphenpü shuohnyeih:

MENVIH KESHO 95:3

Mehenangkü Shembüpayü longpü Kahvang; hatü kahvangthü peü shak kü longpü Ongpa.

MENVIH KESHO 97:7

Yaongnaüyathü kü khümpüthü peü, hatü yahlak neshiüpü lajeithü kü khümpüthü peü veühühen; kahvangthü peü büpa kü aümei khümtuh.

MÜLANGPÜ 18:11

Shaang, Shembüpayü lebü kahvangthü peü khongkü longpüpa shei ngei nyingteke; mehenangkü mechem Ijip ami Israel am kü naamei dükpa, büpai nanglakthü Ijip am lak kübü yangpeih” shei e,

JEREMIAH 12:3

Shejao Oh Shembüpa, nüngi ngei nyingnyeih; Nüngi ngei kü veishih, hatü doktuh– ngelei mongdang nüng mü nyüpeih. Jühen mithü kei jom shüei ngaituh, hatü jühen nyih shingvaishi hayaoha khaatei tuhtuh.

JEREMIAH 17:10

Shennyak hük kü büpai dükpü aimü, hatü büpalei doui shangpükei laklei shuohhen shingvaishi, Ngei, Shembüpai mongdang yemnyüpeih, hatü sholi doknyüpeih.

DANIEL 11:36

Syria ongpai büpa mongpükei dükhen. Kahvangthü peü mü büpa-üng longpüba shei changmeihen, hatü Jeiyong Kahvang khüei nyembenüng shah longi ehen. Kahvang mongshihpü hepak mangngoi thahshi büpai aokpü dangei ha dükaokhen; mehenangkü mehe temtük, hapayü dükshasha.

DANIEL 2:47

Ongpai Daniel kü, “Hingmei, nüngei Kahvangü kahvangthü khongkü Kahvang, hatü ongthülei Shembüpa, hatü shahjo shakei vamhüpüba nyüke; mehenangkü nüngi hapa shahjo shakei vamhüaokpü homei ngei nyingteke” shei e.

MIKA 7:9

Shembüpai mongshih anpü ngei kohen; mehenangkü ngei büpa khüei mang thahteke, büpai ngei shing chingmeilemlingei dah shakei mangling thahshi ngei munenhen. Büpai ngei vangngai touei mühen, hatü büpa yemleipü ngei eehen.

MALAKI 3:18

Shao chem, ammi daülangpüthü hatü nedaünelangpüthü aa kü, hatü Kahvang chongphopüthü hatü büpa chongnephopüthü aa kü baong hanei eehen.

JOHAN 21:17

Büpai jempabü büpa kü, “Johanei ha Simeon, nüngi ngei kü bamnyüla?” shei e. “Nüngi ngei kü bamnyüla?” shei büpai büpa kü jempa thahshi eshuohpü nangkü Peter mong yimei deih. Büpai büpa kü, “Shembüpa, nüngi lemphü nyingei nyüke; ngei nüng kü bamnyeih shei nüngi nyingei nyüke” shei e. Jisui büpa kü, “Ngelei mithü haümtuh” shei e.

PHONGSHANTHÜ DOU 1:24

Hapheikü jomphongi, “Shembüpa, nüngi peüei mong nyingei nyüke. Nüngi henyi khongkü üpa jepa?

PHONGSHANTHÜ DOU 25:11

Shaang ngei nejiüi hatü dihen shangshi shaitükpü lemhük dangkao nyujema ngei dihen kübü yanglem neyemnyih, shejao jomi ngei khüei epü kü meheyao shahhing neshiüjema, üpaiyao ngei yepei jom kü shuohnüng neaok. Ngei ongpa touei heihhen hih” shei e.

2 KORINT 11:11

Mehekei? Ngei am kü nebamnyu hiang? Ngei bampü Kahvangi nyingnyüke.

2 KORINT 11:31

Kahvang hatü Shembüpa Jisulei Pa-i (büpa den kü moihimantuh) ngei shahshem ne-epü nyingei nyüpeih.

2 KORINT 5:11

Hanangkü Shembüpa kü nyemhenü mehe ha hami nyingei mih yawhhen khenyeih. Ham meheshang ha Kahvangi nyingdai, hatü ammei mongeiyao ham nyingei shiühen shei ngei monglemnyeih.

SHAHKÜP 10:17

Mehenangkü Shembüpa, ammei Kahvangü kahvangthü khong kü Kahvang, hatü shembüthü khong kü Shembüpa. Büpayü longpü, wong kohpü hatü nyempühanbenüng Kahvang khih. Büpai baong hanei nenonyih hatü yawhdou neyahnyih.

1 TIMOTI 6:16

büpa monha nemahnemenpü, hatü üpaiyao nenei neheih-aokpü vangngai kü nyunyeih; üpaiyao büpa ne-ee hatü ne-eeaokhen, büpa kü dhüm hatü wong düngei nyute. Amen.

HEBREW 4:13

Hatü büpa touei lingpü dou mepayao joei neshiü, shejao büpalei mük touei lemphü bümbai hatü heeyei yeemshi nyüke, hatü jeni dükpü peü büpa kü ehen.

JOSHUA 22:21

Hahepak kü bhaosheipü Manasseh jat, Reuben hatü Gad jatthüi Israel am phang kü shangjingthü kü,

SHAKEI VAMPÜ 19:16

Büpalei bhagthuh hatü shüngkung kü büpalei men hapakei nyangei nyüke: “ONGTHÜ KHONGKÜ ONGPA HATÜ SHEMBÜTHÜ KHONGKÜ Shembüpa.”

SHAKEI VAMPÜ 2:23

hatü ngei jomei hapeüthü bheitü jütükhen. Shejüang attoithü peüi ngeiyü chudeih mongdang yempüba shei nyinghen, hatü ngei am peü kü ammei doui shangpükei shuohhen.

1 SAMUEL 15:23

Venle peyü phongyomthiphepü mang mü maanpü nevai, hatü changmei peyü lajei kü khümpü mang lepeih. Mehenangkü nüngi Shembüpalei shah yaktük, hanangkü büpaiyao nüng ong hean kübü yaktükteke”.

1 SAMUEL 2:3

Hajük ahshi changmei shah te-e; nüngei ju kübü changmei shah tevamhü; Mehenangkü Shembüpayü kihikon Kahvang, hatü büpai dükpü douthü peü doknyüpeih.