JOSHUA 17:15 - DAÜLANGPÜ LAIHING (BSI)

¹⁵ Joshua-i jangei, “Am shennyak longi ahdaijema hatü Ephraim phaüshang kahmük am kü longi maandaijema, Perizz hatü Rephaim phaü ami aongei daühahtuh” shei e.

JOSHUA 17:15 Iomraidhean Croise

KAHBHAO 13:7

hatü nyeinya vaishi Abramei mi yombüthü hi Lotei mi yombüthü aa kü deyeilaoei nyu. Hahepak kü Kanan hatü Perizz amü hapa kahdokei nyuhamteke.

KAHBHAO 14:5

Bong anpüalipabü kü Kedorlaomer hatü büpa mü nyupü ongthü peiyei Ashteroth-Karnaim leipü Rephaim, Ham leipü Zuzim, Shaveh-Kiriathaim leipü Emim,

KAHBHAO 15:20

Hit, Perizz, Rephaim,

2 SAMUEL 18:6

Hanangkü veshanthüi Israel am mü hoknüng kahjilei heih, hatü Ephraim jahpanei hokteke.

2 SAMUEL 5:18

Shaang Philistia am Rephaim Kahjilei aongei yaüshi nyu.

2 SAMUEL 5:22

Shao Philistia am aongei Rephaim Kahjilei yaüshi nyu.

EZRA 9:1

Hathü dou peü dükpheikü, mübüthü ngei touei peiyei, “Israel nanglakthü mü ngongpa hatü Levi am omshi jom mü chingyow yowpü Kanan, Hit, Perizz, Jebus, Ammon, Moab, Ijip hatü Amor am hatü jomei jiühitnalai dükhiling kübü hayaoha yanei nenyunyu” shei ephüteke.

MÜLANGPÜ 33:2

Ngei am shekü vangsho phongshan hük shomhen hatü Kanan am, Amor am, Hit am, Perizz am, Hiv am, hatü Jebus am peü changtükhen.

LUK SHAHSHA APPÜ 12:48

Shejao chongphobü üpai shembüi napü nenying shejao bheihahhen mü lemhük dük, büpa kü maani bheihen. Üpa kü nyeishi shuoh, büpa leipü nyeishi yühen; hatü üpa kü maani nyeishi shuoh, büpa leipü longi nyeinya yühen.”

JOSHUA 17:14

Josephei hühihathüi Joshua kü, “Mehekei nüngi ham kü kahdok mükjüp phaihan hük mon yahphopa? Hamü shennyak longi ahshi nyüke; mehenangkü Shembüpai ham kü hapakei moihimanteke” shei e.

JOSHUA 17:16

Josephei hühihathüi jangei e, “Phaüshang kahmükü ham shingvaishi nechangang; mehenangkü Kanan am üamphong Beth-Shean hatü hapalei chingthü, hatü Jezreel kahji kü nyunya, jom peülei nyiam koyei khari nyüke”.

SHAHPHENBÜTHÜ 17:1

Ephraim phaüshang kahmükei shennyak hükei meni Mikah shei nyu.