JOSHUA 17:11 - DAÜLANGPÜ LAIHING (BSI)

¹¹ Issakhar hi Asher amei kahdok kon mongei Manasseh amei Beth-Shean, Ibleam hatü Dor nanglakthü, Endor, Taanakh hatü Megiddo hatü jom kü ngeihpü shonpü jilathü nyuteke (jempabüyü Naphath nyüke).

JOSHUA 17:11 Iomraidhean Croise

2 SAMUEL 21:12

Philistia ami Gilboalei Saul hatü cheha Jonathan nyi jüei Beth-Sheanei sheüei tuhpü Jabesh Gilead ami güh-ei yahlangpü vangthü Davidi yah-ei leiteke.

1 ONGPATHÜ 9:15

Hapayü Solomoni Shembüpalei Phopshem hatü ongshem vehen, hatü kahdok shaokei Millo hatü Jerusalem bham, Hazor, Megiddo hatü Gezer linghen shingvaishi ngaüngei dou dükhüpü jung nyüke.

2 ONGPATHÜ 9:27

Mechem Judah amei ongpa Ahaziah-i ha eepüshang, büpa Beth-Haggan lemei mokdai. Jehu-i “Büpayao jütuh!” shei lenyaki changei dai. Jomphongi Ibleam yopailei Gur lemei aongpü lemei büpa kü kaw sheüteke, shejao büpa Megiddolei heih-ei halei di.

1 SHÜPPÜKENGPÜ 6:70

hatü bhaosheipü Manasseh jat leipü jom kü Aner hatü Bileam nyi mü yemhimaki het yemhah shing phaümük omshi shuoh.

1 SHÜPPÜKENGPÜ 7:29

Manasseh am mü baongpü viongthüyü Beth-Shean, Taanakh, Megiddo hatü Dor hathü mü jomei jilathü nyu. Jakobei cheha Josephei hühihathü hathü jila kü nyupeih.

2 SHÜPPÜKENGPÜ 35:22

Shejao Josiah-i büpa toueipü nyokei neleidai-i vehok hokhen shingvaishi büpai owyeiowya temtü dai. Kahvangi epü aimü mehe Neko-i etepa büpai ha nebangi büpa mü hokhen Megiddo Kahjilei dai.

MENVIH KESHO 83:10

Jom Endorlei mahkem, hatü mahmahngü kahdokei nyüp kei yaüshi nyuteke.

JEREMIAH 49:2

Shejao ngei Ammon leipü Rabbah am khüei vebaong shemm kaonghen hepak ngoikünyüke shei Shembüpai enyüke. Hapayü bentüktü tuhhen, hatü hapa kü ngeihpü shonpü chingthü awi haptükhen. Hahepak kü Israel am changtükpüthü shao jomiyao hathü changtükhen shei Shembüpai enyüke.

ZEKHARIAH 12:11

Hahepak kü Jerusalem kü theppü youngpeyü Megiddo Kahji Hadad-Rimmon kü theppü youngpükei longshi nyukahen.

JOSHUA 11:2

hatü apshaphi phaüshang kahmük kübü ongthü hatü pehephi Khinneroth kü Arabah Kahshangla kü, hatü heshüphi Naphoth-Dor kü,

JOSHUA 12:21

Taanakh ong hük, Megiddo ong hük,

JOSHUA 12:23

Naphath-Dor leipü Dor ong hük, Gilgal leipü Goiim ong hük,

JOSHUA 16:9

Hapa kü Manasseh phang kü shuohpü mükjüp kü Ephraim am phang kü hayaoha shuohpü jilathü hatü chingthüao omei nyuteke.

JOSHUA 17:10

Pehephi kahdokü Ephraim amei hatü apshaphiyü Manasseh amei; heshüphilep kü yungchingü jomei viong; apshaphi kü Asher am thahshi, hatü heongphi kü Issakhar am ngoishi nyuteke.

JOSHUA 17:16

Josephei hühihathüi jangei e, “Phaüshang kahmükü ham shingvaishi nechangang; mehenangkü Kanan am üamphong Beth-Shean hatü hapalei chingthü, hatü Jezreel kahji kü nyunya, jom peülei nyiam koyei khari nyüke”.

SHAHPHENBÜTHÜ 1:27

Manasseh jati Beth-Shean, Taanakh, Dor, Ibleam hatü Megiddo chingnyüthü kü nyupü nanglakthü nechangtük; Kanan am nedoh-i halei nyu.

SHAHPHENBÜTHÜ 5:19

Taanakhlei, Megiddo yungyen touei ongpathü peiyei hokteke, Kanan ongthü hokteke, shejao jomi hon hi ngin yah-ei neleiaok.

1 SAMUEL 28:7

Hahepak kü Sauli büpalei chongphobüthü kü, “Phongyomteipü nyüha hük yemkütuh; ngei pinnyü touei peiyei phehen hih” shei e. Büpalei chongphobüthüi büpa kü, “Endorlei hük nyüpüja” shei eshuoh.

1 SAMUEL 31:10

Hatü jomi büpalei vehok ow Artarte kahvang khümshemei tuh, hatü jomi büpalei büm Beth-Shean chingnyü bhamba kü sheüshi tuh.

1 SAMUEL 31:12

wong kohpü vehokbüthü kemei layaongei vangnyak daiyei Saul hatü chehathülei mahng Beth-Shean chingnyü bhamba leipü yah. Jomi Jabeshlei leiyei hatouei aw kü jaktük.