JOSHUA 15:4 - DAÜLANGPÜ LAIHING (BSI)

⁴ Hapheikü shao Azmon homei heih-ei Ijip mü viong kübü yungyen phungei aongei Mediterranean yungching kü leanshi nyuteke. Hapayü pehephi kü Judah amei viong nyuteke.

JOSHUA 15:4 Iomraidhean Croise

KAHBHAO 15:18

Ha nyih Shembüpai Abraham mü vangpüshuwpü hük ling, hatü büpa kü, “Nüngei hühihathü kü hapa kahdok Ijip yungyen kübü Euphrates yung thahshi,

1 ONGPATHÜ 8:65

Hanangkü Solomon hatü büpa mü nyupü Israel am kemei, khongnyü longi thaiyei Lebo Hamath kübü Ijip viong apshaphi thahshi ha hepak kü nyih nyet mo moteke.

MÜLANGPÜ 23:31

Ngei ammei viong Hakla Yungching kübü Philistia Yungching thahshi, hatü yingnyü kübü Euphrates yungyen thahshi linghen; mehenangkü ngei kahdok kü nyupüthü ammei lak kü lanei shuohhen, hatü am theetei heihyaki jom changtükhen.

ISAIAH 27:12

Hapa nyih kü Shembüpai Euphrates yungyen kübü Ijip viong thahshi am Israel am hük pheikü hük thailanghen,

BHEI-IE 34:5

haleipü nyokei leidaipü Ijip kahdok Wadi hatü Mediterranean Yungching kü doh-ei nyuhen.

JOSHUA 13:3

‘Ijip kü heongphi Shihor kübü apshaphi Ekron viong thahshi, hathü kü Kanan am shei enyüke; halei Philistia am ongthü, Gaza, Ashdod, Ashkelon, Gath hatü Ekron kü nyüke’, hatü Avvim amei kahdokthü,

JOSHUA 15:3

Akrabbimei aongpü lem pehephi homei Zin thahshi hatü Kadesh-Barnea pehephi thahshi aongei nyuteke. Hapheikü hapayü Hebron peih-ei Addar thahshi hatü Karka philei nyokei leiyei nyuteke.

JOSHUA 15:47

Ashdod hatü hapa kü shinpü jila hatü chingthü; hatü Gaza hatü hapa kü shinpü jila hatü chingthü Ijip viong hatü Mediterranean yungching yungkung ngoishi nyuteke.