JOSHUA 12:7 - DAÜLANGPÜ LAIHING (BSI)

⁷ Joshua hatü Israel ami Jordan heshüphi Lebanon kahji Baal-gad kübü pehephi Seir kü Halak Kahshang thahshi kü nyupü ongthü neütük, hatü jomei kahdok Joshua-i Israel am kü jat jat aimü hantü jomei lompü vaihen shuohtük.

JOSHUA 12:7 Iomraidhean Croise

KAHBHAO 14:6

hatü phaüshang kahmük Seir leipü Hor kübü heihdaipü jahpan jung kü nyupü Elparan thahshi,

KAHBHAO 32:3

Jakobi büpa shekü Edom kahmük Seirlei chejei Esau mü pongnüng phongmokbüthü shom.

KAHBHAO 36:20

Hathüyü hapa moidoilei nyupü Hor am Seirlei hapeüthü nyuteke: Lotan, Shobal, Zibeon, Anah,

KAHBHAO 36:30

Dishon, Ezer hatü Dishan. Hathüyü Seir kahdokei nyupü Hor am phang hanpü nyuteke.

KAHBHAO 36:8

Hanangkü Esau (hapayü Edom) Seir phaüshang kahdokei nyu.

MENVIH KESHO 135:11

Amor am Sihon ongpa, Bashan am Og ongpa, hatü Kanan ongchingthü peü–

SHAHKÜP 2:1

Hapheikü Shembüpai ngei kü epükei jen Hakla Yungching lem kü jahpanei layaongei daiteke. Hepak luangi Seir phaüshang kahdok shinei longteiyei nyu.

SHAHKÜP 2:4

Ha nanglakthü kü hapa ngeükhüam shuohtuh shei ephüteke: ‘Seirlei nyupü ammei jeihinaü Esaulei hühihathü nyupü kahmük homei daihen yodaiteke. Jomi am kü nyemei shiühen shejao am lituh.

JOSHUA 11:17

Halak Kahshang kübü Seir philei heihdaipü Hermon Kahshang phangkü Lebanon kahji Baal-gad thahshi yahteke. Büpai jomei ongthü kemei yepei lei, hatü deh-ei jütükkem.

JOSHUA 11:23

Shembüpai Mosa kü epükei Joshua-i kahdok kemei yah; hatü Joshua-i Israel jat ieyei kü hapa kahdok mükjüp hanei shuoh. Hapheikü mon kahdok kü hokpüheipü dohteke.

JOSHUA 3:17

Mechem nanglakthüi kahvan kü yungdang homei daipa, ngongpathüi Shembüpalei Vangpüshuwpü Pela paitü Jordan yung jiamei kahvan kü yaongshi nyuteke.

JOSHUA 9:1

Mechem Jordan yungdang heshüphi kahshang hatü kahshangla hatü Mediterranean yungkung kahjishong kübü Lebanon apshaphi thahshi nyupü Hit, Amor, Kanan, Perizz, Hiv hatü Jebus ongthüi Israel ami vehok neüpü jung danpa,