JOSHUA 11:6 - DAÜLANGPÜ LAIHING (BSI)

⁶ Shembüpai Joshua kü, “Ammi jom kü tenyem, ngenyih shaang kei jom kemei jüei Israel am kü shuohhen; ammi jomei vehok koyeithülei laphei chah langtüktuh hatü koyei kharithü aw kü jaktüktuh” shei e.

JOSHUA 11:6 Iomraidhean Croise

2 SAMUEL 8:4

Davidi jomei koyei khari kü uopü shennyakthü haja hük mü kho nyet, hatü la mü daiyei hokpü veshan haja kukha yepei yah. Büpai koyei khari kho hük mon tuhtü aopü kemei la bhagtükkem.

2 ONGPATHÜ 6:16

Elisha-i, “Nüng tenyem” shei e. “Jomphong mü nyupü meyü ji mü nyupüthü-üng nyeishi nyüpeih” shei e.

2 SHÜPPÜKENGPÜ 20:16

Ngenyih jom khüei hoknüng yiütuh; jomao Ziz lembaong thahshi aongkahen, hatü ammi jom kahji dohpü Jeruel jahpan mangngoi shekü pongteihen.

MENVIH KESHO 46:10

Nenmü nyutuh, hatü ngeiyü Kahvang shei nyingtuh! Ngeiyü jatthü khongkü longei anshihhen, ngeiyü kahdoknyü kü longei anshihhen.

MENVIH KESHO 46:11

Jeiyong Shembüpa jen mü nyüke; Jakob Kahvangü jenei penyüsha.

MENVIH KESHO 46:9

Büpai kahdoknyü dohpü thahshi vehok dohtükhünyeih; büpai lahhilaong bhagtüknyeih, phunghilang mangtüknyeih, hatü inyüshungthü aw kü jaktüknyeih.

KANDOK 20:7

Daülangpü shennyaki yangnyu kü eela neshiüi nyunyeih; büpa pheikao hühihathüi moihiman dangnyüpeih.

ISAIAH 30:16

“Hami koyei kü uotü nyaihen” shei epü nangkü, ami hapakei-üng nyaihen! “Hami longi la shangshi mokpü koyei kü nyaihen hih” shei ammi epü nangkü am kü changpüthüao longi la shangshi nyukahen.

ISAIAH 31:1

Üami Ijiplei sheühpü yemei yiünya, üami koyeithü kü mong nyangnya, üami koyei kharithü kü monglemnya, hatü koyei veshanthü khong kü monglemnya, shejao üami daülangpü Israel Kahvang kü neveinya, nevaijü SHEMBÜPAleipü sheühpü neyemnya, onyükei.

EZEKIEL 39:9

Hahepak kü üam Israel amei jilathülei nyu, jomi vehok phunglang kaakei aw kü jakheninyü, iha, lah, lahhan, phung hatü miyaung hathü vangbong nyet thahshi pü vaishi aw kü jakhen.

HOSEA 14:3

Assyria ami ham neyangaok; ham hajük kü vehok koyei kü ne-uohen; Hamei laki lingpü lajei kü, ‘Hamei kahvang’ shei hajük kü nenyükpih. Nüng kü hashihhathüi phahji dangnyüke.”

NAHUM 2:13

“Ngeiyü nüngei vepa hih shei Jeiyong Shembüpai enyüke. Ngei ammei vehok koyeithü jütükhen; ammei veshanthü vehok kü mahtükhen, hatü ammi mih leipü aetpüshepü dou peü ngei yahlanghen, hatü ammei phongmokbüthülei ngeü hajük kü nedanhen.”

SHAHKÜP 7:16

Shembüpa Kahvangi ammei lak kü shuohpü jatthü kemei mahtükkemtuh, hatü ammi jom kü yahyang shinshang tehu. Ammi jomei kahvang kü tekhüm; mehenangkü hapai am kü aethitai vaikahen.

JOSHUA 10:8

Shembüpai Joshua kü, “Nüngi jom kü tenyem; ngei nüngei lak kü jom shuohtepih. Jom üpayao am khüei neyaongaokpih” shei e.

JOSHUA 11:5

Hapa ongpathü kemei jomei veshanthü khong hük vaihütü jomi chem kü Israel am mü hokhen shingvaishi Merom yungyenei baümtap veteke.

JOSHUA 11:7

Hanangkü Joshua-i büpalei veshanthü peü mütü Merom yungyenei heih-ei ngangahük kü vepathü jüteke.

JOSHUA 11:9

Shembüpai epükei Joshua-i jom kü dük; büpai vehok koyeithülei laphei chah langtük hatü koyei kharithü aw kü jaktük.

JOSHUA 3:5

Hapheikü Joshua-i nanglakthü kü, “Amphong laophü laophüi daüeilangei dantuh; mehenangkü ngenyih am touei Shembüpai yashanpü dou dükkahen” shei eteke.

SHAHPHENBÜTHÜ 20:28

hatü Eleazarlei cheha Phinehas, Aaronei chehüi hapa chongphoei nyuteke.) Jomphongi, “Hamphongi hamei jeihinaü Benjamin am mü hoknüng aonghen hi hajük kü dohdaihenang?” shei phe. Shembüpai, “Aongtuh, hatü ngenyih ammei lak kü jomphong shuohhen” shei e.

SHAHPHENBÜTHÜ 7:9

Ha ya-üng Shembüpai Gideon kü, “Paotuh hatü yiüei hapa baümtap shümtuh; mehenangkü nüngei lak kü ngei hapa shuohhen.

1 SAMUEL 11:9

Jomi Jabesh leipü peipü phongmokbü kü, “Jabesh-Gilead kü nyupü nanglakthü kü ammi hapakei eyeishuoh: Ngenyih, shaang kei vanghe nyahpü hepak kü am yanglanghen” shei e. Mechem phongmokbüthüi leiyei Jabesh am kü ha ejapa, jom longi mongong.