JOSHUA 11:23 - DAÜLANGPÜ LAIHING (BSI)

²³ Shembüpai Mosa kü epükei Joshua-i kahdok kemei yah; hatü Joshua-i Israel jat ieyei kü hapa kahdok mükjüp hanei shuoh. Hapheikü mon kahdok kü hokpüheipü dohteke.

JOSHUA 11:23 Iomraidhean Croise

NEHEMIAH 9:24

Hanangkü jom peiyei kahdok kaamei yah, hatü nüngi jom touei hapa kahdok kü nyupü Kanan am neühütük; nüngi jom kü Kanan am, haleipü ong, hatü nanglakthü peü jomi mongpükei noteihen lanei shuohtük.

MENVIH KESHO 46:9

Büpai kahdoknyü dohpü thahshi vehok dohtükhünyeih; büpai lahhilaong bhagtüknyeih, phunghilang mangtüknyeih, hatü inyüshungthü aw kü jaktüknyeih.

MÜLANGPÜ 34:11

Shinnyih ngei am kü shuohpü shahkungnyü ven bangtuh. Ngei am toueipü Amor am, Kanan am, Hit am, Perizz am, Hiv am, hatü Jebus am changtükhen.

EZEKIEL 45:8

Hapa kahmük moidoiyü Israel kü vanglem lempü ongpalei kahdok phaihan vaihen; shejüang büpai nanglakthü kü neshüveihen; shejao aopü kahdok kemei Israel jatthülei kahdok vaihen.

SHAHKÜP 1:38

Shejao ammei sheühbü Nunei cheha Joshua-i mütü hapa lahpü kahdokei shüaokhen, hanangkü büpa kü mongnang thongeishuoh.

SHAHKÜP 25:19

Mechem Shembüpa, ammei Kahvangi am kü mükjüp shuohpü kahdok kü shonei nyupü vepathü kübü yangei nyuhen, vangsho phangkü üpaiyao deih-ei nedanghen shingvaishi ammi Amalek am jütüktuh. Ammi hapa tebetük.

JOSHUA 11:18

Joshua-i jomei ongthü mü hepak luangi hokteke.

JOSHUA 12:7

Joshua hatü Israel ami Jordan heshüphi Lebanon kahji Baal-gad kübü pehephi Seir kü Halak Kahshang thahshi kü nyupü ongthü neütük, hatü jomei kahdok Joshua-i Israel am kü jat jat aimü hantü jomei lompü vaihen shuohtük.

JOSHUA 18:10

Hahepak kü Joshua-i Shilohlei Shembüpa touei phongyom, hatü büpai jat hanpü aimü Israel am kü kahdok hanei shuohteke.

JOSHUA 22:4

Shaang, Shembüpa, ammei Kahvangi ammei jeihinaüthü kü büpai lahpükei nyiushemmei shuohteke, sheyü Shembüpalei chongphobü Mosai Jordan yungdangei am kü yahphopü kahdokei nyokei leituh.

JOSHUA 23:1

Hepak longi daipheikü Shembüpai Israel am kü jom shinei nyupü vepathü peü kübü nyiumei shuoh, hatü hahepak kü Joshuayü longi viüdaitü nyu,