JOSHUA 11:20 - DAÜLANGPÜ LAIHING (BSI)

²⁰ Shembüpai Mosa kü epükei phahji neshiüi bhanghili mahtükhen, chemjalak kü jütükhen shingvaishi Israel am mü khüei hokhen Shembüpai jom mahmong longhüteke.

JOSHUA 11:20 Iomraidhean Croise

2 SAMUEL 17:14

Absalom hatü Israel shennyakthü kemei, “Ark am Hushai-i epeyü Ahithopheli epü mao meipüba khih” shei e. Shembüpai Absalom lomohhühen shingvaishi Ahithopheli epü shahnying meipeyü nejiüpükei leitük.

1 ONGPATHÜ 12:15

Hanangkü ongpai nanglakthüi epü kü nebang; mehenangkü hapa neshetnephen vampeyü Nebatei cheha Jeroboam kü Shembüpai Shiloh am Ahijah thibü homei epü shah jiühühen shingvaishi Shembüpai dükhüpü dou shiüteke.

2 SHÜPPÜKENGPÜ 22:7

Joram thümnüng Ahaziah yiüpü homei büpa dohpütenpü ngoihen Kahvangi temtükpü nyu. Mechem büpa yiüei ngoipa, büpai Joram mü chemi Nimshilei cheha Jehu, üpa Kahvangi Ahab am shem jütükhen jepa, büpa mü pongteinüng dai.

2 SHÜPPÜKENGPÜ 25:16

Mechem büpai ha eyei nyupa, ongpai büpa kü, “Hami nüngü ongpa kü shahnying venhen jepü je? Shah te-e; hei nevaijema jühen” shei e. Hanangkü thibüpai shah epü doh shejao eteke, “Mehenangkü nüngi ha dükpü nangkü Kahvangi nüng jütükhen temei nyüke shei ngei nyingnyüke, hatü nüngi ngei epü kü nebang.”

MÜLANGPÜ 10:1

Hahepak kü Shembüpai Mosa kü, “Pharaoh kü peiyei veituh; mehenangkü ngei ngelei yashanyale douthü jom kü dükei huhen,

MÜLANGPÜ 11:10

Mosa hi Aaron nyi-i Pharaoh touei hathü yashanyale douthü peü dük, shejao Shembüpai Pharaohlei mong vaanhü, hatü büpalei kahdok kübü Israel am neleishih.

MÜLANGPÜ 14:17

Hahepak kü ngei Ijip am jom pheikü müei yung homhen monglonghühen, hatü ngei Pharaoh, büpalei veshan, büpalei koyei khari, hatü ha kü mübüthü shak kü ngei müknyinshekhang danghen.

MÜLANGPÜ 14:4

Ngei Pharaohlei mong vaanhühen, hatü büpai jom kü changhen. Shejao Pharaoh hatü büpalei veshanthü shak kü ngei müknyinshekhang danghen, hatü Ijip ami ngeiyü Shembüpa shei nyinghen” shei eteke. Israel ami jom kü eshuohpükei dük.

MÜLANGPÜ 14:8

Shembüpai Ijip ongpa Pharaohlei mong vaanhü, hatü büpai mong longshi lüdaipü Israel am phei changteke.

MÜLANGPÜ 4:21

Shao Shembüpai Mosa kü, “Nüng mechem Ijiplei nyokei leihenshang, ngei nüng kü Pharaoh touei dükhen shuohpü yashanpü dou peü düktuh; shejao büpai nanglakthü neleishihhen shingvaishi ngei büpalei mong vaanhühen” shei e.

MÜLANGPÜ 9:12

Shejao Shembüpai Pharaohlei mong vaanhü, hatü Shembüpai epü keiha büpai jiji-i epü kü nebang.

MÜLANGPÜ 9:16

Shejao nüng kü ngelei nganhilong huhen, hatü kahdoknyü peü touei ngelei men baonghühen nangkü mon ngei am nemahtüki tuhpeih.

ISAIAH 14:24

Jeiyong Shembüpai lahteke: Ngei lingpü keiha hapayü chongkahen; hatü ngei tempü küpjan keiha hapayü jiüshi vamkahen.

ISAIAH 34:2

Mehenangkü Shembüpai jatthü peü kü mongshih-ei nyüke; büpalei mongpuk jomei veshanthü mü nyüke. Büpai jom peü mahtükhen, büpai jom jühen lanei shuohtükhen.

ROM SHAHSHA APPÜ 9:18

Hanangkü Kahvangi büpai jepü shennyak kü phahji hunyeih, hatü büpai mong vaantükhüpü shennyakei mong vaantüknyeih.

SHAHKÜP 2:30

Shejao Heshbon ongpa Sihoni jen peih-ei daihen nemong. Mehenangkü Shembüpa, ammei Kahvangi büpa neütüktü büpalei kahdok shaang thahshi jeni noteipü shuohhühen shingvaishi büpalei mong vaanhüpeih, hatü khüei yaonghüpeih.”

SHAHKÜP 7:16

Shembüpa Kahvangi ammei lak kü shuohpü jatthü kemei mahtükkemtuh, hatü ammi jom kü yahyang shinshang tehu. Ammi jomei kahvang kü tekhüm; mehenangkü hapai am kü aethitai vaikahen.

SHAHPHENBÜTHÜ 14:4

Chenyü chepai hapayü SHEMBÜPAleipü khih shei nenying; mehenangkü büpai Philistia am khüei dou dükhen lem yempü shiüteke. Hapa nyihhihe kü Philistia ami Israel am shak kü vanglem lemei nyuteke.

1 SAMUEL 2:25

Shennyak hüki shennyak hük homei mang thahjema, hapa kü Kahvangi baong kü ithen, shejao shennyak hüki Shembüpa khüei mang thahjema büpa kü üpai baong kü ithen?” shei e. Shejao cheha nyi-i chepai epü nebang; mehenangkü jiji jütükhenü Shembüpai mongpü nyuteke.