JOSHUA 10:27 - DAÜLANGPÜ LAIHING (BSI)

²⁷ Vanghe shüshingkü Joshua-i ngeükhüam shuoh, hatü hathülei mahng yah-ei shelei jom jopü yaongshalei yakphong; jomi yaong longpü yah-ei deiyei yaongsha kü dhühphong hatü ha shinnyih thahshi nyüke.

JOSHUA 10:27 Iomraidhean Croise

2 SAMUEL 18:17

Jomi Absalom yah-ei yingnyülei kahsha hük kü shükphongtü büpa shangkü yaongthü longi thaiyei shüngphongteke. Israel am kemei laophülei shem yemei nyaiyei leidaikem.

JOSHUA 4:9

Shao Joshua-i Vangpüshuwpü Pela paitü yaongpü ngongpathülei la toueipü yaong anpünyi thaiyei Jordan yung jiamei shüngei tuhteke. Hathü yaong shinnyih thahshi nyüke.

JOSHUA 7:26

Jomi Akhanei mahng kü yaong longi thaiyei chetphong hatü hathü shinnyih thahshi nyüke. Hanangkü ha nyih mü leitü hapa shing kü, “Shanghah Kahji” shei nyüknyüke.

JOSHUA 8:29

Joshua-i Ai amei ongpa pü hük kü shentü om dhüshi sheüphong, hatü vanghe shüshingkü büpai ngeükhüam shuoh-ei hapa mahng yah-ei chingei shüpü penyüsha touei yakphong, hatü ha shangkü yaong longi thaiyei shüngphong hatü ha shinnyih thahshi nyüke.