JOSHUA 10:20 - DAÜLANGPÜ LAIHING (BSI)

²⁰ Mechem Joshua hatü Israel ami kempü vaishi jüpa, shejao haneipa nyaiyei daiyei chingnyü penyüsha mongei shüdai.

JOSHUA 10:20 Iomraidhean Croise

2 SAMUEL 20:6

Davidi Abishai kü, “Shaang Bikrilei cheha Sheba-i Absalomi dükpü mao nemeipüba dükphahen khih; ngelei shennyakthü mütuh hatü büpa changei daituh, hei nevaijema büpai penyü showtükpü chingnyü mongei shüei jen toueipü yangdaihen khih” shei e.

1 ONGPATHÜ 20:21

Israel ongpa Ahabi daiyei koyei hatü koyei kharithü jütüktü Aram am longi jü.

2 SHÜPPÜKENGPÜ 13:17

Abijah hatü büpalei veshanthüi Israel am veshanthü 500, 000 jütü neüteke.

JEREMIAH 4:5

Judahlei leneishuoh, Jerusalemei baongeishuoh, Kahmük kempülei amit vüngtuh, wongmü lenei etuh, “Thaikemtuh, hatü penyü showtükpü chingnyü mongei shütuh” shei etuh.

JEREMIAH 8:14

Jen mehekei nenmü uoshi nyuhen? chemi thaishah hatü penyü showtükpü chingei aongei halei didaishah; Mehenangkü Shembüpa, jenei Kahvangi jen kü mahhen hanteke, hatü leü nemeipü kohpü yung yinghen shuohteke, mehenangkü jeni Shembüpa khüei mang thahteke.

SHAHKÜP 20:16

Shejao Shembüpa, ammei Kahvangi am kü mükjüp vaishi shuohpü jatthülei chingnyüthü kü ngü heepü meheyao yemmü aoei tetuh.

JOSHUA 10:10

Shembüpai hathü Israel am touei longi nyemhü. Israel ami Gibeonei jom longi jü, hatü Israel ami Beth-Horonei daipü lemyangkü jom changei shanei Azekah hatü Makkedah thahshi jüteke.

JOSHUA 10:19

shejao amphong payü hatouei tenyu; ammei vepathü kü changei daituh, hatü ngaümpheilei müshi changei jütuh; jom laophülei chingei te-anshih; mehenangkü Shembüpa, ammei Kahvangi hathü ammei lak kü shuoh-ei nyüke.

JOSHUA 10:21

Veshanthü kemei Makkedahlei Joshua touei meishi leiyei ngoikemteke hatü üpaiyao Israel am khüei shah phahükao ne-e.”

JOSHUA 11:12

Shembüpa chongphobü Mosai epükei Joshua-i chingnyüthü neütük, haleipü ongthü kemei jütük.

JOSHUA 11:8

Shembüpai jom Israel amei lak kü shuoh; Israel ami jom jü, hatü Longpü Sidon kübü Misrephothmaim thahshi hatü heongphi Mispeh kahji thahshi changei shan. Jomi hükao yemmü netuh-i mangjükem thahshi nedoh-i hokteke.

JOSHUA 8:24

Mechem Israel ami Ai am kemei kahjishongei changiteiyei jüpa, Israel am kemei Ai chingei aongei aopüthü peü jütük.