JOSHUA 1:8 - DAÜLANGPÜ LAIHING (BSI)

⁸ Hapa shahkungnyü laitap nüngei ju kübü teyanhü; halei nyangei nyupü lemphü dükhen shingvaishi nyihjeih yajeih hapa yemtuh. Shejüang nüngi moihiman hatü aokpü danghen.

JOSHUA 1:8 Iomraidhean Croise

KAHBHAO 24:63

Büpa om kü kahlei kamtei daiyei nyu, hatü büpa ngangei veishingkü utthü ngoijaei ee,

2 SHÜPPÜKENGPÜ 26:5

Zekhariahlei nyih kü Kahvang kü nyemhen nyuhpü nangkü büpai Kahvang yem. Büpai Shembüpa yempü thahshi Kahvangi büpa kü moihiman.

MENVIH KESHO 119:11

Ngei nüng khüei mang nethahhen shingvaishi nüngei shah ngelei mong kü jaoei tuhnyeih.

MENVIH KESHO 119:15

Ngei nüngei shahkungthü yemnyeih, hatü nüngei lemthü kü ngelei müki chinyeih.

MENVIH KESHO 119:97

Oh, nüngei shahkung kü ngei meshük bamhüpüang! Helushoei ngei ha deih-ei dangnyeih.

MENVIH KESHO 119:99

Ngelei nyuhbüthü peü mü ngei kü-üng danaokpü kon nyüpeih; mehenangkü nüngei shahkungthü ngei deih-ei dangnyüpeih.

MENVIH KESHO 19:14

Ngelei ju kübü shahthü, hatü ngelei mongdangei phoppü nüng touei yahhübenüng vaihütuh, Oh ngelei yaongnyü hatü ngei angei leipüba.

MENVIH KESHO 40:10

Nüng daülangpü jung ngelei mongdangei jolangei neshiü; Ngei nüng monglemaokpü, hatü yemleipü jung enyeih. Thaihiyu longpü kü ngei nüng bampü, hatü shahhing nejolangnyih.

KANDOK 3:1

Ngelei hapeü, ngei nyuhpüvenpü tebetük; shejao nüngei mongdangei ngelei shahkungthü jaotuh;

ISAIAH 59:21

Shembüpai, “Ngei shingvaishiyü, hapayü ngei jomphong mü vangteipü nyüpeih” shei enyüke. “Ngelei laangha mepa am kü nyu, hatü ngelei shah ammei ju kü shihpü ha ammei ju kübü nevaijü ammei hapeüthü nevaijü hapeüthülei ju kübü shaang mebü dohpü neshiüi neyandaipih” shei Shembüpai enyüke.

MATHI 12:35

Shennyakmei-i meipü dou jaoei tuhpü leipü doumei ngainyeih, hatü shennyakteni nemeipü dou jaoei tuhpü leipü nemeipü dou ngainyeih.

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

MATHI 7:21

Ngei kü, “Shembüpa, Shembüpa” shei nyükpü peüi vangsho chingei neshüaokpih, shejao vangsholei nyupü Opai mongpü dükpü shennyak mon shüaokhen.

MATHI 7:24

Hanangkü üami ngelei hathü shah bangei düknya, hathüyü kon kohpü shennyak hük yaong shangkü laophülei shem vepü hük leshi nyüke.

LUK SHAHSHA APPÜ 11:28

Shejao büpai, “Üami Kahvangei shah danei düknya, hathüang moihiman!” shei e.

JOHAN 13:17

Ammi ha nyingei hathü dükjema, amphong moihiman.

JOHAN 14:21

Üam kü ngelei shahkungthü nyu hatü hathü düknya, hathüyü ngei kü bampüthü, hatü üami ngei kü bamnya, hathü kü Opai bamhen, hatü ngei jom kü bamhen hatü ngei jom kü shakei vamhen.

EPHESIA 4:29

Ammei ju kübü shahten tevamhü, shejao nanglaki napükei jom linghen nangkü mehe nadang nyu, ha etuh, shejüang ammei shahthü bangpü am kü nanglei vaihen.

SHAHKÜP 29:8

Jeni jomei kahdok yah-ei Reuben, Gad hatü bhaosheipü Manasseh phang nyi kü mükjüp vaishi shuohteke.

SHAHKÜP 29:9

Ammi dükpü lemphü kü aokpü danghen shingvaishi hapa vangpüshuwpü mong shuoh-ei düktuh.”

SHAHKÜP 30:14

Hapakei nevai, hapayü ammi banghen shingvaishi am mü hakei-üng ammei ju, hatü ammei mongdangei nyüke.

SHAHKÜP 31:11

Mechem Israel am peü Shembüpa, ammei Kahvangi jepü khümshingei peihenshang, jomi danshi nüngi hapa shahkung ietuh.

SHAHKÜP 31:24

Mosai hapa shahkung chongpangpü kübü dohpü thahshi laitap hük kü nyangei kempheikü,

SHAHKÜP 5:1

Mosai Israel am peü chemi nyükei thaihütü jomphong kü eteke: “Oh Israel am, shinnyih ngei ammi danshi epü shahkungnyüthü bangtuh. Hathü nyingei yahtuh hatü dou leiyei düktuh.

SHAHKÜP 5:29

Jomphong kü henüng thentoimongdang jükei ngei kü nyemei ngei epü bangphei küangü jom hatü jomei hapeüthü peü den kü meishi nyuhen.

SHAHKÜP 5:32

Hanangkü Shembüpa, ammei Kahvangi am kü epü dükhen kenhingtuh. Büpalei shah nebangi melemeiyao teleplük.

KOLOSI 3:16

Mop keiha Khristalei shah ammei mongkü maei tuhtuh; kihikon kempü kü hüki hük kü nyuhteituh, hatü nangthongteituh, hatü ammei mongei mongongpai Kahvang kü menvih kesho, khümpü kesho, hatü laangha kesho lokeishuoh.

JOSHUA 1:7

Nüng wong kohtuh hatü longi monglongtuh. Ngelei chongphobü Mosai nüng kü shuohpü shahkungthü banghen kentuh; nüng dailem peü kü aokpü danghen shingvaishi ha kübü laknyong lakdah shei teleplük.

JOSHUA 8:34

Hapheikü Shahkungnyü Laitap kü nyangei nyupü keiha moihiman hatü thaüvaüthü kemei Shahkung kübü Joshua-i ieteke.

SHAKEI VAMPÜ 22:14

Laophülei bhagthuh dhotüktü nyupüthü moihiman; mehenangkü jomphongü yangnyu pü kübü betjük hahhen jiüpü nyüpeih, hatü peshaden homei chingnyülei shüaokhen.