JOSHUA 1:7 - DAÜLANGPÜ LAIHING (BSI)

⁷ Nüng wong kohtuh hatü longi monglongtuh. Ngelei chongphobü Mosai nüng kü shuohpü shahkungthü banghen kentuh; nüng dailem peü kü aokpü danghen shingvaishi ha kübü laknyong lakdah shei teleplük.

JOSHUA 1:7 Iomraidhean Croise

1 ONGPATHÜ 2:2

Sheyü ngei didaihen hepak ngoiteke, “Nüng wong kohtuh hatü monglongtuh,

1 ONGPATHÜ 2:3

hatü Shembüpa, nüngei Kahvangi mehe nanya ha düktuh. Büpalei lemthü kü kamtuh, hatü büpalei shahkungnyüthü peü Mosa Shahkung kü nyangei nyupükei düktuh. Shejüang nüngi dükpü lemphü kü, hatü nüng daipü lem peü kü dapüshepü nyukahen,

2 ONGPATHÜ 22:2

Büpai Shembüpa touei mehe jiü, ha dük, hatü büpai chebü Davidei lemthü kü laknyong lakdah melemeiyao neleplüki kamteke.

1 SHÜPPÜKENGPÜ 22:13

Israel am shingvaishi Mosa homei Shembüpai shuohpü shahkung hatü vanglemthü kenhingei dükjema nüngi aokpü danghen. Nüng wong kohtuh hatü monglongtuh. Nüng tenyem nevaijü mongtemaan.”

2 SHÜPPÜKENGPÜ 15:7

Shejao am payü wong kohtuh, hatü ha kübü teyan; mehenangkü ammei dou kü laklei shuohhen” shei e.

2 SHÜPPÜKENGPÜ 26:5

Zekhariahlei nyih kü Kahvang kü nyemhen nyuhpü nangkü büpai Kahvang yem. Büpai Shembüpa yempü thahshi Kahvangi büpa kü moihiman.

JOB SHAHSHA APPÜ 1:8

Shembüpai Satan kü, “Nüngi ngei chongphopü Job kü mük shahnyu je? Kahdoknyü kü büpa kei eelashing neshiüpü, kangshangpü shennyak, Kahvang nyempü hatü mang nedükhen kenhingpü neshiüpih” shei e.

MENVIH KESHO 80:19

Ham müei leituh, Oh Shembüpa Jeiyong Kahvang; ham yanghen shingvaishi nüngei dhe ham kü khangshih.

KANDOK 4:27

Nüngi laknyong lakdah kü teleplük; nüngei la mang lem kübü shuonglangtuh.

KANDOK 8:20

Ngeiyü daülangpülei lem kü, hatü shahhing epülei lem kü kamnyüpeih;

DANIEL 10:19

Büpai, “Oh Kahvangi bampüba, nüng tenyem, nüng mong yangtuh, wong kohtuh hatü monglongtuh” shei eteke. Mechem büpai ngei kü epa, ngei kü wong vam, hatü, “Ngelei Shembüpai etuh; mehenangkü ngei wong kohhüteke” shei e.

BHEI-IE 27:23

hatü Shembüpai Mosa kü epükei büpai Joshua kü laki shüngei büpa kü jeiyei kangpü dousho shuohteke.

SHAHKÜP 11:8

Amphongi Jordan yungyen homei hapa kahdok yah-aokhen shingvaishi,

SHAHKÜP 12:32

Ngei am kü epü lemphüli düktuh; ha kü meheyao te-ü, nevaijü haleipü meheyao teyaktük.

SHAHKÜP 28:14

Shinnyih ngei am kü shuohpü shahkungthü kübü nyonghidah kü teleplük nevaijü lebü kahvangthü kü khümei chongtepho.

SHAHKÜP 29:8

Jeni jomei kahdok yah-ei Reuben, Gad hatü bhaosheipü Manasseh phang nyi kü mükjüp vaishi shuohteke.

SHAHKÜP 29:9

Ammi dükpü lemphü kü aokpü danghen shingvaishi hapa vangpüshuwpü mong shuoh-ei düktuh.”

SHAHKÜP 31:7

Hahepak kü Mosai Joshua kü nyükei Israel am peü nyushi eteke, “Nüng wongkoh monglongtuh; mehenangkü Shembüpai jom kü shuohhen shei jomei chebü chepa kü lahpü kahdokei nüngi nanglakthü müei daihen, hatü nüngi jom kü mükjüp vaishi haneishuoh.

SHAHKÜP 4:2

Ngei epü kü amphongi meheyao te-ü nevaijü haleipü meheyao teyaktük, shejao ngei am kü shuohpü Shembüpa, ammei Kahvangei shah bangtuh.

SHAHKÜP 5:32

Hanangkü Shembüpa, ammei Kahvangi am kü epü dükhen kenhingtuh. Büpalei shah nebangi melemeiyao teleplük.

JOSHUA 1:1

Shembüpa chongphobü Mosa dipheikü Shembüpai Nunei cheha Joshua, Mosalei sheühbü kü eteke:

JOSHUA 1:8

Hapa shahkungnyü laitap nüngei ju kübü teyanhü; halei nyangei nyupü lemphü dükhen shingvaishi nyihjeih yajeih hapa yemtuh. Shejüang nüngi moihiman hatü aokpü danghen.

JOSHUA 1:9

Nüng wongkoh monglonghen shingvaishi ngei nüng kü etepih. Nüng tenyem nevaijü mong temaan; mehenangkü Shembüpa, nüngei Kahvang nüng dailem peü kü nyukahen.”

JOSHUA 11:15

Shembüpai büpa chongphopü Mosa kü epükei, Mosai Joshua kü e, hatü Shembüpai Mosa kü epü peü lemhükao nedüki netuh-i Joshua-i dükteke.

JOSHUA 23:6

Hanangkü ammi kenhingei Mosa shahkung kü mehe nyangei nyu, ha banghen hatü dükhen kentuh, hatü haleipü laknyong nevaijü lakdah melemeiyao teleptei;