JOSHUA 1:5 - DAÜLANGPÜ LAIHING (BSI)

⁵ Nüngei yangnyu den kemei üamiyao am khüei neyaongaokpih. Ngei Mosa mü nyupükei ngei nüng mü nyuhen; ngei nüng kü neshaiphapih nevaijü nüng netuhphongpih.

JOSHUA 1:5 Iomraidhean Croise

KAHBHAO 39:2

Shembüpa Joseph mü nyu, hatü lemphü aokpü shennyak lei; büpa Ijip am büpalei shembü amei shemei nyu.

1 ONGPATHÜ 1:37

Ngelei shembü ongpa mü Shembüpa nyupükei, Solomon mao büpa hapakei nyemnyu, hatü ngelei shembü David ongpalei ong uoshing mao longpüpa büpai büpalei ong uoshing nyemlonghü” shei e.

1 ONGPATHÜ 11:38

Ngelei chongphobü Davidi dükpü keipü nüngi ngei epü peü dükjema, hatü ngelei lemthü kü kamjema, hatü ngelei shahkung hatü vanglemthü dükei ngei touei mehe jiü, ha dükjema, ngei düngei nüng mü nyuhen. Ngei David kü dükpükei ngei nüng kao den kü longsha ongshem leihühen, hatü ngei nüng kü Israel am shuohhen.

1 ONGPATHÜ 6:13

Ngei Israel nanglakthü mü nyuhen, hatü ngei jomphong netuhphongpih” shei e.

1 ONGPATHÜ 8:57

Shembüpa jenei Kahvang, jenei bühipa mü nyupü keiha jen mao nyukahen; büpai jen netuhphongpih nevaijü neyakphongpih.

1 SHÜPPÜKENGPÜ 28:20

Davidi cheha Solomon kü, “Wong kohtuh hatü monglongtuh hatü dou düktuh. Nüng tenyem nevaijü mongtemaan; mehenangkü Shembüpa Kahvang, üpa ngei chongphonya, büpa nüng mü nyüke. Hapa Phopshem dou mangtem thahshi büpai nüng kü neshaiphapih nevaijü netuhphongpih.

MENVIH KESHO 46:11

Jeiyong Shembüpa jen mü nyüke; Jakob Kahvangü jenei penyüsha.

MÜLANGPÜ 3:12

Kahvangi, “Ngei nüng mü nyukahen; hatü ngei nüng shompü denpü hapa nyukahen: Mechem nüngi ngelei nanglakthü Ijip leipü müei daihen, ammi hapa kahshangei ngei kü khümhen” shei e.

ISAIAH 42:16

Ngei mükphüngpüthü jomi chemao nekampü lem kü mühen; Ngei jom touei vangnyakü vangngai leitükhen, hatü nemeipü lemthü lemnyeü meishi lingtükhen. Ngei dükhen dou-ü hathü, hatü ngei jom netuhphongpih.

JEREMIAH 1:8

Nüngi hathü kü tenyem; mehenangkü ngei nüng mü nyüpeih, hatü nüng yanghen” shei eteke.

DANIEL 11:16

Shejao Syria am khüei peijapüthü kü jomi mongpükei dükhen, hatü üpaiyao jom khüei neyaongaokhen. Büpai nethe meipü kahdok kü chonglingei nyuhen hatü hapa büpalei lakmong kü nyuhen.

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

ROM SHAHSHA APPÜ 8:31

Shejema hathü nangkü jeni mehe ehenang? Kahvang jen shing nyujema, jen khühen üpa nyüpa?

ROM SHAHSHA APPÜ 8:37

Nevai, hathü dou peü kü jen kü bampü büpa homei jenü aokpü dangpü mao nyeipeih.

SHAHKÜP 20:1

Mechem amphongi ammei vepathü mü hoknüng daihen hatü koyei, koyei kharithü hatü veshanthü am mü nyeishi eehenshang, ammi jom kü tenyem; mehenangkü Ijip leipü am müei leipü Shembüpa, ammei Kahvang am mü nyukahen.

SHAHKÜP 20:4

Mehenangkü am aokpü danghühen shingvaishi Shembüpa, ammei Kahvang amphong mü daikahen hatü ammei vepathü khüei hokhen.”

SHAHKÜP 31:23

Hahepak kü Shembüpai Nunei cheha Joshua kü, “Nüng wongkoh monglongtuh; mehenangkü ngei jom kü lahpü kahdokei nüngi Israel am müei daihen hatü ngei nüng mü nyukahen” shei e.

SHAHKÜP 4:31

Mehenangkü Shembüpa, ammei Kahvangü phahjipü Kahvang nyüke; büpai am netuhphonghen nevaijü nemahtükhen, hatü büpai ammei bühipa mü vangtükpü nebetükhen.

SHAHKÜP 7:24

Büpai jomei ongthü ammei lak kü yahphahen, hatü ammi vangsho phang kübü jomei men thittükhen. Üamiyao am khüei neyaongaokhen; ammi jom mahtükhen.

2 TIMOTI 4:17

Shejao ngei homei shahjangmei changshi baonghen, hatü Kung ami ha danhen shingvaishi Shembüpa ngei mü nyu, hatü ngei kü wong shuohpeih, hatü ngei mailangei jusha kübü yangpeih.

HEBREW 13:5

Nüngei yangnyu lop bampü kübü yangei nyutuh, hatü mehe ang, ha kü mong hüshemei nyutuh; mehenangkü büpai, “Ngei nüng netuhphongpih nevaijü neyakphongpih” shei eteke.

JOSHUA 1:17

Hami Mosalei shah bangpükei, hami nüngi epü kao banghen. Shembüpa, nüngei Kahvang Mosa mü nyupükei nüng mao nyemnyukeima.

JOSHUA 1:9

Nüng wongkoh monglonghen shingvaishi ngei nüng kü etepih. Nüng tenyem nevaijü mong temaan; mehenangkü Shembüpa, nüngei Kahvang nüng dailem peü kü nyukahen.”

JOSHUA 10:8

Shembüpai Joshua kü, “Nüngi jom kü tenyem; ngei nüngei lak kü jom shuohtepih. Jom üpayao am khüei neyaongaokpih” shei e.

JOSHUA 21:44

Chebü chepa kü lahpükei Shembüpai jom kü lemphü phikü nyiushemmei shuoh. Jomei vepa hükao jom khüei neyaongaok; Shembüpai jomei vepathü kemei jomei lak kü shuoh.

JOSHUA 3:7

Shembüpai Joshua kü, “Ngei Mosa mü nyupükei nüng mao nyunyu khih shei nyinghen shingvaishi shinnyih ngei nanglakthüi eeshi nüng shangei longei anshihhen.

JOSHUA 6:27

Hanangkü Shembüpa Joshua mü nyu, hatü büpalei men kahdoknyü peü lemei yaüei daiteke.

SHAHPHENBÜTHÜ 2:18

Mechem Shembüpai jom shing shahphenbüthü jeyei ngaipa, Shembüpa shahphenbüthü mü nyu, hatü shahphenbüthü yemmü nyupü thahshi büpai jom vepathülei lak kübü yang; mehenangkü Shembüpai jom mih phangkü shüveidoidei hatü hanghi ponghahpü kü shinshangei deih.

SHAHPHENBÜTHÜ 6:16

Shembüpai büpa kü, “Nüngi aokhen hih; mehenangkü ngei nüng mü nyukahen, hatü nüngi Midian am peü ngümtükhen” shei e.

1 SAMUEL 10:7

hathü nyangeihepü vamphei kü mehe dükjü meihen khih shei nüngi veiaok, ha düktuh; mehenangkü Shembüpa nüng mü nyüke,