JOSHUA 1:2 - DAÜLANGPÜ LAIHING (BSI)

² “Ngelei chongphobü Mosa didaiteke. Israel am kü ngei shuohhen shei epü kahdokei Jordan yung homei daihen nüng hatü nanglakthü peü layaonghen temtuh.

JOSHUA 1:2 Iomraidhean Croise

KAHBHAO 17:8

Kanan kahdok kempü, melei nüng shaang benha kei nyunya, hayü ngei nüng hatü nüng phei kübü nüngei hühihathü kü den shing vangei shuohhen, hatü ngei jomei Kahvang vaihen” shei e.

NEHEMIAH 9:23

Nüngi jomei lihilathü vangsho lithathü kei dahü, hatü nüngi chebü chepa kü shuohhen epü kahdokei peiyei kaamei yahhü.

JOB SHAHSHA APPÜ 1:8

Shembüpai Satan kü, “Nüngi ngei chongphopü Job kü mük shahnyu je? Kahdoknyü kü büpa kei eelashing neshiüpü, kangshangpü shennyak, Kahvang nyempü hatü mang nedükhen kenhingpü neshiüpih” shei e.

ISAIAH 42:1

Ngei wong kohhüpü ngelei chongphobü hamü nyüke, Ngei monghahpü ngei jepü hük; Ngei ngelei laangha büpa kü shihpeih, hatü büpai jatthü peü kü shahhing koei peikahen.

BHEI-IE 12:7

Shejao ngei chongphobü Mosa meyü hapakei nevai; Büpayü ngelei Israel nanglak peü kü veihen ngei shuohpeih.

SHAHKÜP 3:28

Shejao Joshua kü kangpü dousho koeishuoh; büpa kü mongnang thongeishuoh, hatü wong kohhütuh; mehenangkü büpai hapa nanglakthü yung homei müei daihen, hatü nüngi eepü kahdok mükjüp yahhühen.

SHAHKÜP 31:7

Hahepak kü Mosai Joshua kü nyükei Israel am peü nyushi eteke, “Nüng wongkoh monglongtuh; mehenangkü Shembüpai jom kü shuohhen shei jomei chebü chepa kü lahpü kahdokei nüngi nanglakthü müei daihen, hatü nüngi jom kü mükjüp vaishi haneishuoh.

SHAHKÜP 34:5

Hanangkü Shembüpai epükei Shembüpa chongphobü Mosa Moab kahdokei didai.

JOSHUA 1:1

Shembüpa chongphobü Mosa dipheikü Shembüpai Nunei cheha Joshua, Mosalei sheühbü kü eteke:

JOSHUA 1:11

Ammei baümtap shinei daituh hatü nanglakthü kü, “Hahying temtuh; mehenangkü nyih jem mongkü Shembüpa, ammei Kahvangi am kü shuohpü kahdok yahhen shingvaishi Jordan homei daihen” shei eteke.