JONAH 4:2 - DAÜLANGPÜ LAIHING (BSI)

² Büpai Shembüpa kü, “Oh Shembüpa, ngei shem leipü layaonghinüng hapakei dükküshasha hih shei ngei epü ha nevaiang je? Hanangkü ngei shüshülangi Tarshish lemei lüdaipeih. Nüngü phahjipü hatü yahyang shinshangpü Kahvang, mongshihhen youngmü, hatü bampü kü bhashahshi, shangpong yakying shomhen kübüao mang tükpü Kahvang shei ngei nying.

JONAH 4:2 Iomraidhean Croise

1 ONGPATHÜ 19:4

büpa monha nyih hük lem kü daiyei yingnyü ngoiyei püdhüm hükei uotü ngei didaihüangke shei phop. “Oh Shembüpa, hajük-üng; ngelei yangnyu yahlangtuh; mehenangkü ngelei bühipa mü ngei meheyao meipü nevai” shei e.

MENVIH KESHO 103:8

Shembüpayü shinshangpü, hatü phahjipü, mongshihhen youngmü, hatü bampü kü bhashahshi nyüke.

MENVIH KESHO 145:8

Shembüpai phahjinyeih, hatü shinshangei deihnyeih; mongshihhen yung mü, hatü bampü kü changshishashi nyüke.

MENVIH KESHO 78:38

Shejao büpa phahji yahyangpai, jomei mang yaktük; hatü jom nemahtüki düngei büpalei mongshih yepei tuh, hatü büpa mongshihpü kemei nevamhü.

MENVIH KESHO 86:15

Shejao nüngü phahji yahyangpü Kahvang, Oh Shembüpa, mongshihhen youngmü, bampü hatü shahhing epü kü bhashahshi nyüke.

MENVIH KESHO 86:5

Mehenangkü nüngü meipü, hatü mang tükpü, Oh Shembüpa, nüng kü nyükpüthü peükü bampü bhashahshi shuohnyüke.

MENVIH KESHO 90:13

Lepei leikei, Oh Shembüpa! Nüngei mongshih meshük lushi nyuhen? Nüngei chongphobü kü phahjishih.

MÜLANGPÜ 32:14

Hahepak kü Shembüpai laophülei nanglakthü kü koei peihen shei tempü shanghah neshuohhen mong leiteke.

JEREMIAH 18:8

ngei shahvüng shuohpü jati mang kübü mong lepjema, ngei temei nyupü shanghah neshuohhen,

JEREMIAH 20:7

Oh Shembüpa, nüngi ngei kü lueilemteke, hatü ngeiyü lueilemtükteke. Ngei meyü nüng-üng wong kohpüba, hatü nüngi ngei kü neüteke. Helushoei ngeiyü mihnyi pü leidaiteke, peüi ngei kü yaünyüke.

JEREMIAH 26:13

Hanangkü shaang ammei lemthü hatü dükhiling yeiyatuh, hatü Shembüpa, ammei Kahvangei shah bangtuh. Shejüang am khüei Shembüpai shuohhen epü shanghah vongshüh neshuoh-i mong yeiyadaihen.

JEREMIAH 42:10

Ammi hapa kahdokei nyujema, ngei am linghen hatü nevütükhen; ngei am sheiphonghen shejao nebhitükhen; mehenangkü ngei am kü shuohpü shanghah eeyei ngei mongshangnyeih.

AMOS 7:3

Hahepak kü Shembüpa mong leiteke; “Hapa am kü nevamküpih” shei Shembüpai ephüteke.

AMOS 7:6

Hahepak kü Shembüpa mong leiteke; “Hapa am kü nevamküpih” shei Shembüpa Kahvangi ephüteke.

JONAH 1:3

Shejao Jonah-i Shembüpa toueipü lükei Tarshish lemei dai. Büpa Joppalei yiüjashingkü Tarshish lemei daihen jahas hük heüteke. Büpai fara shuohtü jahas mongei shü hatü Shembüpa toueipü lükei Tarshish lemei dai.

JONAH 3:10

Mechem Kahvangi jomi dükpü hatü mekei jomei mang lemthü kübü mong leppü eepa, büpai büpalei mong yeiya, hatü büpai dükhen shei tempü hanghi jom kü neshuoh.

JONAH 3:9

Üpai nyingpa, Kahvangi büpalei mong jeileiyei büpa mongshih anpü doh-ei jen nemahtükhen aokpeih” shei e.

MIKA 7:18

Nüng keiha lebü Kahvang neshiü, Oh Shembüpa, Nüngi aoei nyupü laophülei nanglakthülei mang tüknyüke; Nüng denden mongshih-ei nenyunyu, shejao düngei ham kü bampü huhen mongongnyüke.

LUK SHAHSHA APPÜ 10:29

Shejao büpai laophü nying dahshakhü, hanangkü büpai Jisu kü, “Ngelei chingyowpa üpaang?” shei phe.

SHAHKÜP 4:31

Mehenangkü Shembüpa, ammei Kahvangü phahjipü Kahvang nyüke; büpai am netuhphonghen nevaijü nemahtükhen, hatü büpai ammei bühipa mü vangtükpü nebetükhen.