JONAH 1:3 - DAÜLANGPÜ LAIHING (BSI)

³ Shejao Jonah-i Shembüpa toueipü lükei Tarshish lemei dai. Büpa Joppalei yiüjashingkü Tarshish lemei daihen jahas hük heüteke. Büpai fara shuohtü jahas mongei shü hatü Shembüpa toueipü lükei Tarshish lemei dai.

JONAH 1:3 Iomraidhean Croise

KAHBHAO 3:8

Hahepak kü hapa baha hatü chenyüha nyi-i om kü vanglük lükha dhüngpü hepak kü pemongei Shembüpa Kahvang kamteipü danei jijinyi-i pemong leipü püyingei Shembüpa Kahvang kü joteke.

KAHBHAO 4:16

Hanangkü Kaini Shembüpa toueipü daiyei Eden heongphi Nod kahdokei nyu.

1 ONGPATHÜ 19:3

Elijah-i ha kü nyemei yanglem yemei büpalei chongphobü mütü Judah kahdok Beer-shebalei lüdai. Büpalei chongphobü halei tuhphongtü,

1 ONGPATHÜ 19:9

Halei büpa yaongsha hükei shüei ha ya paümteke. Ngangahük kü Shembüpai büpa kü, “Elijah, nüng hatouei mehe lingnya?” shei phe.

2 SHÜPPÜKENGPÜ 2:15

Shaang wheat, barley, mainga, hatü yiü nangkü nüngi mehe etepa, hayü nüngei chongphobüthü mü shomshihma.

2 SHÜPPÜKENGPÜ 2:16

Nüngi napükei hami Lebanon leipü taukta vethen hatü Joppa thahshi phenei lingtü yung kü bhongei shanphahen, hatü nüngi Jerusalem thahshi anhahte” shei e.

2 SHÜPPÜKENGPÜ 9:21

Hiramei chongphobüthü mü ongpalei jahas Tarshishlei heih; bong jem kü chem Tarshish leipü jahas hon, ngin, meinyübha, meishang hatü yangmei ou yah-ei leihamteke.

EZRA 3:7

Persia ongpa Cyrus-i shahkung shuohpükei jomi yaong shangpüthü hatü pü mistrithü kü lop shuoh, hatü Sidon hi Tyre ami Lebanon kübü Joppa thahshi cedar pü yung kü bhongei shanhen nangkü hahying hatü mainga shuoh.

JOB SHAHSHA APPÜ 1:12

Shembüpai Satan kü, “Meiteke, büpai angpü lemphüli nüngei lakmongei yahphünyeih; nüngi büpalei büm kü mon laki tehong” shei e. Hanangkü Satan lüdai.

JOB SHAHSHA APPÜ 2:7

Hanangkü Satan Shembüpa toueipü daiyei Job kü shangnyüshang kübü lajaang laishi büm lüpei ngühma vamhü.

MENVIH KESHO 107:23

Haneiyü yungchingei jahas kü longteiyei bhei leihteke;

ISAIAH 2:16

Bhei leihpü Tarshish leipü jahas peü, hatü veinyuhüpü lakdouthü peü khüei nyüpeih.

ISAIAH 23:1

Hapayü Tyre nangkü epü shah: Theptuh, Oh Tarshish am jahas müpüthü, ammei Tyre kahdok jahas yaongshing mangtükteke. Am Cyprus leipü leishingkü hapa shahjang danteke.

ISAIAH 23:10

Ammei kahdokei leihümao, Oh Tarshish nelathü, am yangphahen üpayao neshiü.

ISAIAH 23:6

Tarshishlei yanglem yemei nyaituh, theptuh, Oh yungching yungkungei nyupüthü.

ISAIAH 60:9

Mehenangkü büpai am müknyinshekhanghüpü nangkü, Shembüpa, ammei Kahvang, daülangpü Israel Kahvangei men kü, ammei hapeüthü tailu kahdok leipü, hatü hon hi ngin jom mü kotü tailu kahdok Tarshish leipü jahasthü leikünyüke.

JEREMIAH 10:9

Kaoklaki shükpü nginü Tarshish leipü, hatü honü Uphaz leipü leipeih. Mepa mistri hatü hon shükbüi shükpa, ha kü thüngla hatü manghmepü ashak yah-ei ow shihpeih peü kemei lahhinpü mistrithüi lingpeih.

EZEKIEL 2:8

Shejao nüng, shennyak ha, ngei mehe enya, ha kü bangtuh. Hapa khüei yaongpü jatli keiha nüngi ngei khüei teyaong; nüngei ju katuh hatü ngei mehe shuohnya, ha hahtuh.

EZEKIEL 27:12

Ammei mopnyümopha longi nyupü nangkü Tarshish ami am mü bhei leihteke. Jomi ammei douthü mü ngin, nyiam, dam, hatü langdüknyiam jeiteiteke.

EZEKIEL 3:14

Laanghai ngei shangei an hatü ngei müei dai, hatü Shembüpalei ngan ngei touei wongmü pei, hatü ngei shahyaki mongshih-ei deihteke.

JONAH 1:10

Jonah-i shelei ejapü nangkü shennyakthü peüi büpayü Shembüpa toueipü lükei daiküpü khih shei nying. Jahas mübüi nyemdaitü büpa kü, “Nüngi mehe dükshuohpa?” shei phe. Mehenangkü büpa Shembüpa toueipü lüdaipeih shei ejapü nangkü shennyakthü peüi nyingei nyu.

JONAH 4:2

Büpai Shembüpa kü, “Oh Shembüpa, ngei shem leipü layaonghinüng hapakei dükküshasha hih shei ngei epü ha nevaiang je? Hanangkü ngei shüshülangi Tarshish lemei lüdaipeih. Nüngü phahjipü hatü yahyang shinshangpü Kahvang, mongshihhen youngmü, hatü bampü kü bhashahshi, shangpong yakying shomhen kübüao mang tükpü Kahvang shei ngei nying.

LUK SHAHSHA APPÜ 9:62

Jisui büpa kü, “Üpai hanshong kü laki düktü ngaümphei lemei yaakei veihenshang Kahvang ongching kü nechang” shei e.

PHONGSHANTHÜ DOU 15:38

Shejao Pauli Pamphilialei jiji tuhphongtü dousho kü chemi nedai-i leidaipü nangkü büpa nemunghahhüei deih.

PHONGSHANTHÜ DOU 26:19

Hanangkü, Agrippa ongpa, ngei hapa pheikü vangsho amei manghkhang ven nedani nenyuangpih,

PHONGSHANTHÜ DOU 9:36

Shaang Joppalei nanglom hük Tabitha, (Greek shah mü Dorkas) shei menpü nyu. Pinnyü-ü düngei doumei dükpü hatü taopathü kü sheühhamteke.

PHONGSHANTHÜ DOU 9:38

Lyddayü Joppa yopailei nyupü nangkü Peter halei nyükeja shei danei nanglomthüi büpa touei shennyak nyi shomei, “Chingmeilemlingei nepheidai-i ham touei peikütuh” shei khümei e.

PHONGSHANTHÜ DOU 9:42

Joppa kempülei hapa jung nyingdai, hatü longi Shembüpa kü hinglem.

PHONGSHANTHÜ DOU 9:43

Nyih shohük büpa Joppalei ashakshem lingbü Simon am shemei nyu.

1 KORINT 9:16

Ngei shahjangmei baongjema, ngei changmeihen laphen neshiü; mehenangkü chongvenhenü ngei kü nangtükpü dou, hatü ngei ha shahjang meipü nevenjema ngei onyükei!

2 THESALONIKA 1:9

Hathüyü Shembüpa, hatü büpalei müknyinshekhang ngan kübü yanei nedohnetenpü mahpü hanghi danghen,

JOSHUA 19:46

Me-Jarkon hatü Joppa lemei meepü Rakkon omei nyu.