JOHAN 9:7 - DAÜLANGPÜ LAIHING (BSI)

⁷ büpa kü, “Daiyei Siloam yungyenei paütüktuh” shei e. (Hapa lappü, Deishihpü). Hapheikü büpa daiyei paütüktü mük eeyei shemei lei.

JOHAN 9:7 Iomraidhean Croise

NEHEMIAH 3:15

Yungkuk Shadenü Mizpah district kü vanglem lempü Kolhozehlei cheha Shallumi ling. Büpai ha lingei leitü adok küpei shaküp lingei pü mounghibhang kemei shih. Shao büpai Ongpalei Pe toueipü Siloam yungkuk kübü heihdaipü David chingnyülei yiüpü lateen thahshi ling.

MENVIH KESHO 146:8

Shembüpai mükphüngpathülei mük vamhünyeih; Shembüpai maanpü leipüthü longei anshihnyeih; Shembüpai daülangpüthü kü bamnyeih.

MÜLANGPÜ 4:11

Hahepak kü Shembüpai büpa kü, “Hangku kü üpai shah ne-e-i nevaijü dhong aangei leitüknya? Üpai mük eehünya hatü mükphüngtüknya? Hapayü ngei, Shembüpa nevaipü je?

ISAIAH 32:3

Hahepak kü üamei müki eenya, jomei mük nengühhen, hatü üamei dhaongi dannya, bangei nyuhen.

ISAIAH 35:5

Hahepak kü mükphüngpüthü mük aphen, hatü dhaong aangdaipüthüi danhen.

ISAIAH 42:7

Amphongi mükphüngpüthülei mük aphühen, hatü vangnyak kü khoklatei uoshi nyupüthü ngailanghen.

ISAIAH 43:8

Nanglakthü üam mük nyu, shejao mük phüngdai, üam kü dhaong nyu, shejao aangdai hathü leituh.

ISAIAH 8:6

Mehenangkü hathü nanglakthüi nenmü yenpü Shiloah yungyen tuhphongtü Rezin ongpa hi Pekah ongpa nyi kü nyempü nangkü;

MATHI 11:5

Mükphüngpathüi eenyüke, la khopüthü kamaoknyüke, ngombüthü daüdainyüke, aangdaipüthü dannyüke, didaipüthü yangei leishihnyüke hatü taopathü kü shahjangmei chongvennyüke.

LUK SHAHSHA APPÜ 13:4

Nevaijü Siloam shangdü laamshingkü mahpü jom anpüshetü Jerusalemei nyupü lebüthü mü nyeishi pungpükei ammi deihnyu je?

LUK SHAHSHA APPÜ 2:32

Kung am shakei vamhühen shingvaishi vangngai, hatü nüngei Israel nanglak shingvaishi müknyinshekhang.

JOHAN 10:36

‘Ngeiyü Kahvang Ha’ shei epü nangkü Opai daütüktü kahdoknyülei shompü hüki thaüvaüei enyüke shei ammi eaokhen je?

JOHAN 11:37

Shejao jomphong hanei-i, “Mükphüngdaipü shennyakei mük aphüpü shennyaki hapa shennyak nedihüi netuh-aokpü je?” shei e.

JOHAN 9:11

Büpai jomphong kü, “Jisu shei menpü shennyaki ashem nuitü ngelei mük kü nyiotü ngei kü, ‘Daiyei Siloamei paütüktuh’ shei ephopeih. Hanangkü ngei daiyei paüjü ngelei mük eepeih” shei e.

JOHAN 9:39

“Ngei kahdoknyülei peipeyü ne-eepüthüi eehen, hatü eepüthü mükphünghen nangkü shahphenhen peipeih” shei Jisui e.

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

ROM SHAHSHA APPÜ 8:3

Mehenangkü phai-i wong nekohhüpü nangkü mepa shahkungnyüi nedükaok, ha Kahvangi laophülei Ha mang phai keiha leihütü mang mahtükhen shompai phai kü büpai mang nyonghüteke.

GALATIA 4:4

Shejao mechem jiüpü hepak lomei peipa, Kahvangi shahkungnyü phangkü nyüha hüki bühhüei laophülei Ha shom.