JOHAN 9:39 - DAÜLANGPÜ LAIHING (BSI)

³⁹ “Ngei kahdoknyülei peipeyü ne-eepüthüi eehen, hatü eepüthü mükphünghen nangkü shahphenhen peipeih” shei Jisui e.

JOHAN 9:39 Iomraidhean Croise

ISAIAH 29:10

Mehenangkü Shembüpai amphong kü shükshi shihen laangha shuohteke; Thibüthüi büpai ammei mük kü shaktükteke, hatü manghkhang eepüthüi ammei shangjing kü jümtükteke.

ISAIAH 44:18

Hapa keipü shennyakthüi hapa nenyingnyu, nevaijü nedannyu; jomei mük phüngdaipü nangkü jomi ha ne-eenyu, hatü jomei mongdang küplangpü nangkü jomi ha nedanaoknyu.

ISAIAH 6:9

Hanangkü büpai ngei kü daiyei nanglakthü kü hapa shahjang etuh shei e: “Amphongi düngei dannyüke, shejao nenyingnyu; düngei veinyüke, shejao ne-eenyu.

EZEKIEL 12:2

Shennyak ha, nüngü dokteikhaungkheipü nanglak chi kü nyunyüke. Jom kü veihen mük nyüke, shejao ne-eenyu; banghen dhaong nyüke shejao nedannyu.

MATHI 11:5

Mükphüngpathüi eenyüke, la khopüthü kamaoknyüke, ngombüthü daüdainyüke, aangdaipüthü dannyüke, didaipüthü yangei leishihnyüke hatü taopathü kü shahjangmei chongvennyüke.

MATHI 15:14

Jom hei-üng tuhphongtuh. Jomü mükphüngpü lem mübüthü. Mükphingpa hüki lebü mükphüngpa müjema jijiphen kahshalei vühen” shei e.

MATHI 6:23

shejao nüngei mük meishi nenyujema büm kemei shangmangi maei nyuhen. Nüng kü nyupü vangngai shangmang leidaijema, ha shangmang meshük longpüang!

LUK SHAHSHA APPÜ 1:79

shangmang hatü dipü vangdhüm kü nyupüthü kü vangngai shuohhen, hamei la chingmei lem kü mühen.

LUK SHAHSHA APPÜ 13:30

Shaang üam shomnya, jom-ang shongpü vaihen, shaang üam shongpü vainya, jom-ang shompü vaihen.

LUK SHAHSHA APPÜ 2:34

Hapheikü Simeoni jomphong kü moihimanei chenyü Mary kü, “Hapa naü-ü Israel kü longshi shing dohühen, hatü phukhen nyangeihepü hük vaihen nangkü jepeih,

LUK SHAHSHA APPÜ 4:18

“Shembüpalei Laangha ngei kü nyüpeih, mehenangkü büpai ngei kü taopathü kü shahjangmei kohen thiteiphuei jepeih. Büpai ngei khoklatei nyupüthü kü bümei baonghen, mükphüngpathü kü mük aphen, hatü hanghipüthü bümei leihühen,

LUK SHAHSHA APPÜ 7:21

Hahepak kü jiüshi Jisui dinlem longi, chamhilem, hatü mang laangi yeppüthü, hatü mükphüngdaipüthü kü mük aphüei nanglakthü longi meihüei nyu.

JOHAN 12:31

Shaangü hapa kahdoknyü kü shahphenhen hepak; shaangü hapa kahdoknyü kübü vanglem lembü changtükhen hepak.

JOHAN 12:46

Ngei kü vaipü üpaiyao vangnyak kü nekamhen shingvaishi ngei kahdoknyülei vangngai hük kei yiüpeih” shei e.

JOHAN 3:17

Mehenangkü Kahvangi kahdoknyülei laophülei Ha kahdoknyü nyonghühen shingvaishi nevai, shejao büpa homei kahdoknyü yanghen shingvaishi shompeih.

JOHAN 3:19

Shahphenpü dou-ü ha: Vangngaiyü kahdoknyülei yiü, shejao hangkuthüi vangngai nangjei vangnyak küang bam; mehenangkü jomei douthü-ü mang nyuteke.

JOHAN 8:12

Shao Jisui jomphong kü, “Ngeiyü kahdoknyü vangngai. Üpai ngei phei münya, vangnyak kü nekamhen, shejao yangnyu vangngai danghen” shei e.

JOHAN 8:15

Ammiyü shennyakei laphen aimü shahphennyüke, shejao ngei üpa kao shahnephennyih.

JOHAN 9:25

“Hapa shennyakü mang shennyak hi nevaipa, ngei nenying. Ngei nyingpeyü ha mon: Ngei mükphüngdaitü nyupeih shejao shaang ngei eenyeih” shei büpai e.

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

2 KORINT 2:16

Mahpüthü touei dibenüng koei peipü dibenüng shie, hatü yangpüthü touei jenphongü yangnyu koei peipü vong meipü yangnyu meli. Hathü dou dükhen üpa changpüshapü nyüpa?

EPHESIA 5:14

mehenangkü eehen mü vampü lemphüli vangngai. Hanangkü ha enyüke: Oh shipü shennyak, paotuh! Dipü kübü yangei leituh, hatü Khristai nüng kü vangngaiphahen.

2 THESALONIKA 2:10

hatü ten lemphü yah-ei mahdaihen nyupüthü kü lueilemhen; mehenangkü jomi shahhing kü bamhen nemong hatü yemleipü yaktük.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

1 JOHAN 2:11

Shejao üami jeihinaü hük kü jiühithen vangnyak kü nyüke, vangnyak kü kamnyüke, hatü daihen lem nenyingi nyüke; mehenangkü vangnyaki büpalei mük phüngtükteke.