JOHAN 9:31 - DAÜLANGPÜ LAIHING (BSI)

³¹ Kahvangi mangthülei shah nebangnyih shei jeni nying, shejao üpai büpa kü khüm, hatü büpai mongpü dükpüthülei shah bangnyeih.

JOHAN 9:31 Iomraidhean Croise

KAHBHAO 19:29

Shejao mechem Shembüpai Lot nyupü kahji leipü chingnyü nyi mahtükpa, büpai Abraham deihpü nangkü Lot müei yanglem yemei deilang.

KAHBHAO 20:7

Shaang nüngi hapa nyüha chepaha kü leiyeishuoh; mehenangkü büpayü thibü hük, hatü büpai nüng shing phopphahen hatü nüng meishi nyuhen. Shejao nüngi pinnyü neleishihjema, nüng hatü nüngei nanglak kemei dihen” shei e.

JOB SHAHSHA APPÜ 35:12

Halei jomi leneiwongnyeih, shejao büpai nejangnyu; mehenangkü mang dükpüthü changmeinyeih.

JOB SHAHSHA APPÜ 35:13

Hingmei, Kahvangi shahshemi lenpü kü nebangnyih. Jeiyong Kahvangi henüng kü dhaong neshaangnyih.

JOB SHAHSHA APPÜ 42:8

Hanangkü shaang mohoh chebaong nyet, mi chebaongha nyet yah-ei ngei chongphopü Job touei heihtuh, hatü amphongi laophü shing moila shuohtuh, hatü ngelei chongphobü Jobi am shingvaishi phophen; mehenangkü ammei ngadou shangshi ngei nephahji-i nedükhen shingvaishi ngei ha moila yahhen; mehenangkü amphongi ngei chongphopü Jobi keiha ngei nang mehe jiü, ha ne-eang” shei e.

MENVIH KESHO 106:23

Hanangkü büpai jom mahtükhen shei e; büpai jelangpü chongphobü Mosa paoh baong kü itei neyaonglang meyü büpalei mongshih nemeihüaokhenmü shepeih.

MENVIH KESHO 143:10

Nüngi mongpü dükhen nyuhshih; mehenangkü nüngü ngelei Kahvang. Nüngei laangha meipai ngei lemmei kü mülangtuh.

MENVIH KESHO 145:19

Büpa kü nyempüthüi lümpü peü büpai jiühünyeih; jomi nyükpü büpai danei büpai jom yanglangnyeih.

MENVIH KESHO 18:41

Jomi sheühpü yüei len, shejao jom yanghen hükao nenyu; Jomi Shembüpa kü nyük, shejao büpai jomi nyükpü kü nejang.

MENVIH KESHO 40:8

Ngei nüngi mongpü dükhünyeih, Oh ngelei Kahvang; nüngei shahkungnyü ngelei mongdang mongei nyüpeih” shei eteke.

MENVIH KESHO 99:6

Mosa hi Aaron nyiyü ngongpathü khongkü nyuteke, Samuelao büpalei men kü nyükpü khongkü omei nyuteke.

KANDOK 15:29

Nemeipüthü toueipü Shembüpa taishi lüdaiteke, shejao daülangpüthüi phoppü büpai dannyeih.

KANDOK 21:13

Nüngi taopathüi leneiwongpü kü dhaong neshangjema, nüngiyao lenhen shejao üpaiyao nedanlangphahen.

KANDOK 28:9

Üpai shahkungnyü kü dhaong neshaangnya, büpai phoppeyü jiühitbenüng.

ISAIAH 1:15

Mechem ammi lak haongei phophenshang ngei am toueipü ngelei dhe jolanghen; Ngei am phoppü kü nebanghen; ammei lak iy mon maei nyüke.

ISAIAH 58:9

Hahepak kü ammi nyükhen, hatü Shembüpai janghen; Ammi sheühshih shei lenhen, büpai, “Ngei hamü nyüpeih” shei ephahen. Ammi am shüveiteipü, ammi mih kü lakjaangi jüpü, hatü nemeipü peü dohdaijema,

JEREMIAH 11:11

Hanangkü Shembüpai hapakei enyüke: Ngei jom neyangaokhen mü shanghah hük shuohhen. Jomi ngei kü nyükjao ngei jom kü nebanghen.

JEREMIAH 14:12

Jomi shüaeiyunglejao jomi lenpü ngei nedannyih, hatü jomi jakpü moila hatü hahying moila shuohjao ngei hathü neyahhen, shejao yani, münghishaü homei, hatü chami ngei jom mahtükhen.

JEREMIAH 15:1

Hahepak kü Shembüpai ngei kü eteke: “Hatoumü Mosa hi Samuel nyi ngei kü phopei yaongküpü paoh vailangmao, ngei henüng shennyakthü kü nephahjipih. Hathü ngei toueipü deitükkemtuh! Hathü deitüktuh!”

EZEKIEL 8:18

Hanangkü ngei mongshih wong kempai jom kü dou dükhen; ngei jom kü yahyangei nevaijü shinshangei neveihen. Jomi ngelei dhaong tüngei heih-ei lenjao ngei jomi epü nebanghen” shei eteke.

MIKA 3:4

Hahepak kü jomi Shembüpa kü lenei wonghen, shejao büpai jom kü nejanghen. Hahepak kü büpalei dhe jom kübü jolanghen; mehenangkü jomi mang dükpü nangkü.

ZEKHARIAH 7:13

“Mechem ngei nyükpa, jomi nebang; hapakei mechem jomi ngei kü phoppa, ngei jom kü nejangpeih” shei Jeiyong Shembüpai enyüke.

JOHAN 11:22

Shejao shaang vaijao nüngi mehe yühenshang Kahvangi yahphahen shei ngei nyingnyeih” shei e.

JOHAN 15:16

Ammi ngei neje, shejao ngei amphong jepeih. Am daiyei betjük jükhen, hatü den kü nyuhen betjük jükhen shingvaishi ngei amphong jepeih; shejüang ngelei men kü ammi mehe mehe Opa kü yühenshang büpai ha am kü shuohhen.

JOHAN 4:34

Jisui jomphong kü, “Ngelei hahyingü ngei shompübai mongpü dükhen, hatü büpalei dou temhen ha hih.

JOHAN 7:17

Üpai Kahvangi mongpü dükhen shei mongei nyu, büpai hapayü Kahvang leipü hi ngei nyingkü deihtü ehahnya nyinghen hih.

JOHAN 9:30

Hapa shennyaki, “Hapayü thamabenüng dou khih! Büpa meleipü peipa ammi nenying, shejao büpai ngelei mük appeih.

JOHAN 9:32

Kahdoknyü vamhinüng üpaiyao mükphüngdaitü bühpü shennyakei mük vamhüpü nedanangpih.

SHAHKÜP 1:45

Am nyokei leiyei Shembüpa tou kü thepeiyoungpü kü dhaong neshangang.

HEBREW 10:7

Hahepak kü, ‘Ngei hammü nyüpeih, ngei nang lai kü ha nyangei nyüke– ngei nüngi mongpü düknüng peipeih, Oh Kahvang’ shei ngei epeih.”