JOHAN 9:3 - DAÜLANGPÜ LAIHING (BSI)

³ Jisui e, “Hapa shennyak nevaijü nyühipa üpaiyao mang nethah; büpa mükphüngdaitü bühpeyü Kahvangei dou büpa kü shakei vamhen shingvaishi nyüke.

JOHAN 9:3 Iomraidhean Croise

JOB SHAHSHA APPÜ 21:27

Nüngi mehe deih, ha ngei nyingnyüke; ngei nyonghühen tempü küpjan yaoteke.

JOB SHAHSHA APPÜ 32:3

hatü büpai Jobei küphü jom jemphen kü longi mongshih; mehenangkü jomphongi Job nejiüang shei vüshihhen lem nedangaok shejao hapai Kahvangang nejiüpükei shahlem kü shadai.

JOB SHAHSHA APPÜ 42:7

Shembüpai Job kü hathü shah epheikü Shembüpai Teman am Eliphaz kü, “Ngei nüng hatü nüngei küphüpa nyi kü mongshihnyeih; mehenangkü ngelei chongphobü Jobi epü keiha ammi ngei nang jiüshi ne-eang.

MATHI 11:5

Mükphüngpathüi eenyüke, la khopüthü kamaoknyüke, ngombüthü daüdainyüke, aangdaipüthü dannyüke, didaipüthü yangei leishihnyüke hatü taopathü kü shahjangmei chongvennyüke.

JOHAN 11:4

Mechem Jisui ha danpa, büpai, “Hapa dinshani büpa nedipih, shejao hapayü Kahvang müknyinshekhang shingvaishi nyüke, shejüang hapa homei Kahvang Ha müknyinshekhanghen” shei e.

JOHAN 11:40

Jisui pinnyü kü, “Nüngi hinglemjema Kahvang müknyinshekhang eehen shei ngei nüng kü ne-eangpü je?” shei e.

PHONGSHANTHÜ DOU 28:4

Mechem haleipü shennyakthüi büpalei lakei biü ngeihshi eepa, jom hüki hük mü, “Hapa shennyakü shennyak jüpü am vaihen khih. Büpa yungching yinglükleisho kübü yangjao shahhingi büpa yemmü nyuhen nehanpü khih” shei eteiteke.

PHONGSHANTHÜ DOU 4:21

Shao jiji kü nyemshao pheikü jiji leitük; jiji kü hanghi shuohhen meheyao lem nedang; mehenangkü nanglakthü peüi mehe vampa, ha shingvaishi Kahvang men vih-ei nyuteke.

1 JOHAN 4:16

Hanangkü jen shingvaishi Kahvang bampü nyupü jeni nyingteke hatü hinglemnyeih. Kahvangü bampü hatü üami bampü kü nyunya Kahvang kü nyunyüke, hatü Kahvang jom kü nyunyeih.

1 JOHAN 4:9

Kahvang bampeyü hapakei jen touei shakei vampeih: Büpa homei jen yemmü nyuhen shingvaishi Kahvangi laophülei Halom kahdoknyülei shompeih.