JOHAN 9:22 - DAÜLANGPÜ LAIHING (BSI)

²² Chenyü chepai hayü Jehoda am kü nyempü nangkü eteke; mehenangkü üpai Jisu-ü Messiah shei lahhenshang Sinagog leipü changtükhen shei Jehoda ami temtüktü nyu.

JOHAN 9:22 Iomraidhean Croise

KANDOK 29:25

Shennyak kü nyempeyü aethitai leinyüpeih, shejao üpai Shembüpa kü nyemnya, yangei nyuhen.

ISAIAH 51:12

Ngeiyü am nyiushem meihüpü Shembüpa, Didai mahdaihen hangku kü mehekei ammi nyemnya? Jomü phenha kei kaudaihen shennyakthü mon.

ISAIAH 51:7

Ngei epü bangtuh, am jiüpü nyingpüthü, hatü ngelei shahkung mongdangei tuhpüthü; Hangkui eelapü hatü depünaampü kü tenyem.

ISAIAH 57:11

Üam kü nyemei hanei ammi ngei kü shahshem etü ngei betüknya? Ngei hepak luangi nenmü nyudaipü nangkü ngei kü dhüm neshuoh-i dohdaipüje?

LUK SHAHSHA APPÜ 6:22

Shennyak Ha nangkü mechem nanglakthüi am kü jiühithen, mechem am laktükhen, naamei ehen, hatü am kü ten ehenshang am moihiman.

JOHAN 1:19

Hapayü Jehoda ami Jerusalem leipü ngongpathü hatü Levi ami büpa kü, “Nüng üpaang?” shei phenüng shomshingkü Johani shuohpü denpü nyüke.

JOHAN 16:2

Jomi am Sinagog leipü changtükhen. Hingmei, am jüpüthüi hapakei dükpai Kahvang kü khümnyeih shei deihhen hepak hük ngoikünyüke.

JOHAN 19:38

Hathü vampheikü, Arimathea am Joseph, üpa Jehoda am kü nyempü nangkü joshi vaijao Jisulei nanglom nyuhampa, büpai Pilat kü Jisulei mahng yah-ei daihen nyemmongshuoh shei peiyei phe. Pilati büpa kü mongshuoh; hanangkü büpa peiyei mahng yah-ei dai.

JOHAN 20:19

Hat kü shongpü nyih om kü mechem nanglomthüi Jehoda am kü nyemei sha küptü thaiyei nyupa, Jisu peiyei jomphong khong touei yaongtü, “Amphong mü chingmei nyutuh” shei e.

JOHAN 7:13

Shejao Jehoda am kü nyempü nangkü üpaiyao ngaiheyei nelangmaan.

JOHAN 9:18

Mük meidaipülei nyühipa mangnyük thahshi Jehoda ami hapa shennyak mükphüngdaitü nyupü meipü khih shei hingnelem;

JOHAN 9:21

shejao mekei etü büpai shaang eeaoknya hami nenyingang, nevaijü üpai büpalei mük appa nenying; büpayao nethe leidai; büpai-üng büpa nang ekahen hih” shei e.

JOHAN 9:34

Jomi büpa kü, “Nüngü bühhinüng mang kü bühteke, hatü nüngi hamphong küang nyuhnüng yaongnyu je?” shei e, hatü jomi büpa Sinagog leipü changtük.

JOHAN 9:35

Büpa changtükpü jung Jisui dan, hatü mechem büpai büpa pongpa, büpai, “Nüngi Shennyak Ha kü hinglemnyüla?” shei e.

PHONGSHANTHÜ DOU 4:18

Hanangkü jomi jiji nyükei Jisulei men lanshei neehen nevaijü nenyuhhen shingvaishi ngeükhüam shuoh.

PHONGSHANTHÜ DOU 5:13

Shennyakthüi jom jung longi meishi eteijao üpaiyao jomphong mü neshep.

PHONGSHANTHÜ DOU 5:40

hatü jomi phongshanthü nyükei shüei hathü kü bheiteke. Hapheikü jomi hathü kü Jisulei men kü shah ne-ehen ngeükhüam shuohtü deishihtük.

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”