JOHAN 8:7 - DAÜLANGPÜ LAIHING (BSI)

⁷ Mechem jomi nedoh-i büpa kü pheyei chongjapa, büpa lanei yaongtü jomphong kü, “Amphong khongkü üpa kü mang nenyu, büpai shongei pinnyü kü yaongi shüktuh” shei e.

JOHAN 8:7 Iomraidhean Croise

KANDOK 12:18

Shahvang jusha nemeipai yani aokpükei ma yahhünyeih, shejao shahmei epai hapa makaw meitüknyeih.

JEREMIAH 23:29

Ngelei shah-ü aw nevaijü yaong khih mü nihtükpü kaoklak neleang je? shei Shembüpai enyüke.

JOHAN 7:46

Phopshem yompüthüi, “Üpaiyao hapa shennyaki epükei epü mangdanpih” shei e.

JOHAN 8:10

Jisui lanei yaongei pinnyü kü, “Nyüha, hathü melei daipa? Üpaiyao nüng nenyonghü yo?” shei e.

JOHAN 8:8

Hapheikü büpa aümei shatü kahdok kü nyang.

KOLOSI 4:6

Ammi peü kü mekei shahnyok shuohhen ha nyinghen shingvaishi ammei shah-engeüshei kü phahji hatü hüm kei vüngnyangi nyuhütuh.

SHAKEI VAMPÜ 1:16

Büpalei lakdah philei litha nyet noteke, hatü büpalei ju leipü nah nyi kohpü yanlu vamteke, hatü büpalei dheyü vanghe hebaongwong kei nyuteke.

SHAKEI VAMPÜ 19:15

Büpalei ju leipü jatthü kü baphen nahpü yanlu vamnyüke. Büpai jom shak kü nyiam lenshuoh notü vanglem lemhen. Jeiyong Kahvang mongshihpai hapa nyalingngupai ngümshingei büpai shouptükhen.

SHAKEI VAMPÜ 2:16

Mong leptuh, hei nevaijema ngei lomi am touei peiyei ngelei ju kübü yanlui ngei jom khüei hokhen.